SA vs IND | शतकवीर सूर्यकुमार यादवला मोठी दुखापत, हेल्थबाबत मोठी अपडेट समोर

मुंबई : टीम इंडिया आणि साऊथ आफ्रिका यांच्यातील झालेल्या तिसऱ्या टी-20 सामन्यात टीम इंडियाने विजय मिळवला आहे. या सामन्यात कॅप्टन सूर्यकुमार यादव याने टी-20 मधील चौथं शतक ठोकत मोठा विक्रम रचला. या सामन्यामध्ये सूर्यकुमार यादव जखमी झाला होता, त्याला चालू सामन्यातून बाहेर जावं लागलं होतं. सुर्याला टीम स्टाफमधील दोघांनी उचलून बाहेर नेलं होतं. सूर्याला आता चालता येत आहे की नाही याबाबतची माहिती समोर आली आहे.

टीम इंडियाने प्रथम फलंदाजी करताना आफ्रिकेच्या बॉलर्सचा धुराळा केलेला पाहायला मिळाला. सुरूवातला यशस्वी जयस्वाल याने तर त्यानंतर सूर्याने चालवलेल्या दांडपट्ट्यासमोर आफ्रिकेच्या गोलंदाजांचा निभाव लागला नाही. टीम इंडियाने 20 ओव्हरमध्ये 201-7  धावा केल्या होत्या. या धावांचा पाठलाग करताना आफ्रिकेच्या संघाला सुुरूवातीपासूनच टीम इंडियाने धक्के दिले होते. मात्र तिसऱ्या ओव्हरमध्ये टीम इंडियालाही झटका बसला होता.

टीम इंडियाचा कॅप्टन सूर्यकुमार यादवला फिल्डिंग करताना दुखापत झाली होती. सूर्याला बाहेर नेण्यासाठी दोन जणांची मदत घ्यावी लागली होती. चौकार-षटकारांची आतषबाजी करणाऱ्या सूर्याला अशा अवस्थेत बाहेर नेलं जात असल्याने अनेकांना धक्का बसला. टी-20 क्रिकेटचा बादशहा म्हणून सूर्याकडे पाहिलं जातं त्यामुळे टी-वर्ल्ड कप आधी त्याला दुखापत होणं हा मोठा धक्का मानला जात आहे.

दरम्यान, सूर्यकुमार यादव आता फिट असून सामना संपल्यानंतर बोलताना आपण फिट असून आता व्यवस्थित चालता येत असल्याचं सूर्यकुमार यादव याने सांगितलं. सूर्याने टी-20 चा बादशहा का म्हणतात हे कालच्या शतकी खेळीनंतर सर्वांना दाखवून दिलं.