IND vs WI: अबब, किती तो खर्च! मँचेस्टर ते पोर्ट ऑफ स्पेनसाठी स्पेशल चार्टर्ड फ्लाइट, BCCI ने मोजले इतके कोटी रुपये

मुंबई: भारतीय क्रिकेट बोर्डाने वेस्ट इंडिज दौऱ्यावर (India west indies Tour) आपल्या संघासाठी केलेला विमान प्रवासाचा खर्च चर्चेचा विषय बनला आहे. BCCI ने कमर्शिअल फ्लाइट ऐवजी आपल्या खेळाडूंसाठी चार्टर्ड विमान बुक केलं. मँचेस्टर ते पोर्ट ऑफ स्पेनसाठी बीसीसीआयने चार्टर्ड विमान बुक केलं. त्यासाठी बोर्डाने तब्बल 3.5 कोटी रुपये खर्च केले. BCCI जगातील सर्वात श्रीमंत क्रिकेट बोर्ड आहे. उद्या शुक्रवारी भारतीय संघ वेस्ट इंडिज विरुद्ध पहिला वनडे (odi) सामना खेळणार आहे. टीम इंडिया सध्या त्रिनिदाद मध्ये आहे. भारतीय संघ वेस्ट इंडिज दौऱ्यावर तीन वनडे आणि पाच टी 20 सामन्यांची मालिका खेळणार आहे. वनडे मालिकेसाठी रोहित शर्मा, जसप्रीत बुमराह या मुख्य खेळाडूंना विश्रांती देण्यात आलीय. विराट कोहलीला वनडे आणि टी 20 दोन्ही सीरीजसाठी विश्रांती दिलीय.

चार्टर्ड विमान का बुक केलं?

भारतीय संघ मंगळवारी त्रिनिदाद मध्ये दाखल झाला. चार्टर्ड विमानात खेळाडूंसोबत त्यांच्या कुटुंबियांनाही सामावून घेण्याची व्यवस्था होती. बहुतेकदा खेळाडूसोबत त्यांच्या पत्नी, मुलं सुद्धा परदेश दौऱ्यावर जातात. चार्टर्ड विमान बुक करण्यामागे कोविड 19 हे कारण नाहीय. कमर्शिअल विमानात आवश्यक संख्येइतकी तिकीटं मिळत नव्हती, म्हणून बीसीसीआयने चार्टर्ड फ्लाइट बुक केली. इनसाइन स्पोर्ट्ने हे वृत्त दिलय. कमर्शिअल फ्लाइटच बिझनेस क्लासचं तिकिट काढलं असतं, तर सर्व तिकिटाचा खर्च 2 कोटीच्या घरात गेला असता, दीड कोटी रुपये वाचले असते. पण बोर्डाने चार्टर्ड फ्लाइटची निवड केली.

भारताची वनडे टीम

शिखर धवन (कॅप्टन), ऋतुराज गायकवाड, शुभमन गिल, दीपक हुड्डा, सूर्यकुमार यादव, श्रेयस अय्यर, इशान किशन (विकेटकीपर), संजू सॅमसन (विकेटकीपर), रवींद्र जाडेजा (उपकर्णधार), शार्दुल ठाकूर, युजवेंद्र चहल, अक्सर पटेल, आवेश खान, प्रसिद्ध कृषणा, मोहम्मद सिराज, अर्शदीप सिंह,

टीम इंडियाला पराभूत करणं अजून सोपं

टीम इंडियातील अनेक मोठे खेळाडू वनडे सीरीज मध्ये खेळत नाहीयत. त्यामुळे भारतीय संघाला हरवणं अजून सोपं होईल, असं निकोलस पूरनच मत आहे. त्रिनिदाद मध्ये होणाऱ्या वनडे मॅच आधी निकोलस पूरन दबावाचा खेळ खेळतोय. “अनेक भारतीय खेळाडू वनडे सीरीज मध्ये नाहीयत. त्यामुळे आमचं काम अजून सोपं होईल” असं पूरन म्हणाला. असं जरी पूरनने म्हटलं असलं, तरी टीम इंडियाची क्षमता देखील मान्य केली. “भारताकडे लाखो खेळाडू आहेत, जे संघासाठी महत्त्वाची भूमिका बजावू शकतात” असं पूरन म्हणाला.