India vs South Africa, 3rd ODI Score And Updates : टीम इंडियाचा सामन्यासह मालिका विजय, दक्षिण आफ्रिकेचा 9 विकेट्सने धुव्वा
India vs South Africa, 3rd ODI LIVE Cricket Updates And Highlights In Marathi : टीम इंडिया आणि दक्षिण आफ्रिका दोन्ही संघांना तिसरा सामना जिंकून मालिका विजयाची समसमान संधी होती. त्यामुळे तिसरा सामना रंगतदार होण्याची शक्यता होती. मात्र भारताने हा सामना एकतर्फी फरकाने जिंकला.
टीम इंडियाने विशाखापट्टणममधील एसीए-व्हीडीसीए क्रिकेट स्टेडियममध्ये झालेल्या तिसऱ्या आणि अंतिम एकदिवसीय सामन्यात दक्षिण आफ्रिकेवर मात करत मालिका उंचावली आहे. भारताने केएल राहुल याच्या नेतृत्वात दक्षिण आफ्रिकेकडून मिळालेलं 271 धावांचं आव्हान अवघी 1 विकेट गमावून पूर्ण केलं. कुलदीप यादव आणि प्रसिध कृृष्णा या दोघांनी आधी प्रत्येकी 4-4 विकेट घेत दक्षिण आफ्रिकेला 270 रन्सवर ऑलआऊट केलं. त्यानंतर यशस्वी जैस्वाल, रोहित शर्मा आणि विराट कोहली या तिघांनी 271 धावा केल्या. रोहित शर्मा याने यशस्वी जैस्वाल याच्यासह 155 रन्सची ओपनिंग पार्टनरशीप केली. त्यानंतर रोहित 75 धावा करुन आऊट झाला. त्यानंतर विराट आणि यशस्वी या दोघांनी दुसऱ्या विकेटसाठी नॉट आऊट 116 रन्सची पार्टनरशीप केली. यशस्वीने 116 आणि विराटने 65 रन्स केल्या. भारताने यासह 3 सामन्यांची मालिका 2-1 अशा फरकाने जिंकली. आता उभयसंघात 9 डिसेंबरपासून 5 टी 20I सामन्यांची मालिका रंगणार आहे.
LIVE Cricket Score & Updates
-
IND vs SA, 3rd ODI LIVE Updates : यशस्वी मॅन ऑफ द मॅच, विराट मालिकावीर
तिसऱ्या आणि अंतिम सामन्यात शतक करुन भारताला विजयी करणारा यशस्वी जैस्वाल मॅन ऑफ द मॅच ठरला. तर 3 सामन्यांमध्ये 2 शतक आणि 1 अर्धशतकासह 300 पेक्षा अधिक धावा करणाऱ्या विराट कोहली याला मालिकावीर पुरस्काराने सन्मानित करण्यात आलं.
-
IND vs SA, 3rd ODI LIVE Score Updates : टीम इंडियाचा सामन्यासह मालिका विजय, दक्षिण आफ्रिकेचा 9 विकेट्सने धुव्वा
टीम इंडियाने तिसऱ्या आणि अंतिम सामन्यासह मालिका आपल्या नावावर केली आहे. टीम इंडियाने 271 धावांचं आव्हान हे 39.5 ओव्हरमध्ये 1 विकेट गमावून पूर्ण केलं. टीम इंडियाच्या या विजयात यशस्वी जैस्वाल याने शतक ठोकलं. तर रोहित शर्मा आणि विराट कोहली या दोघांनी अर्धशतक झळकावलं. भारताने या विजयासह 3 सामन्यांची मालिका 2-1 अशा फरकाने जिंकली.
-
-
IND vs SA, 3rd ODI LIVE Score Updates : विराट कोहलीचा अर्धशतकी तडाखा, टीम इंडियाचा विजय निश्चित
विराट कोहली याने अंतिम सामन्यात अर्धशतक झळकावलं आहे. विराटने या मालिकेतील पहिल्या 2 सामन्यात शतक झळकावलं होतं. तर या सामन्यात विराटने अर्धशतक ठोकलंय. आता टीम इंडियाच्या विजयाची औपचारिकता बाकी आहे.
-
IND vs SA, 3rd ODI LIVE Score Updates : यशस्वी जैस्वाल याचं शतक, टीम इंडिया विजयाच्या दिशेने
यशस्वी जैस्वाल याने दक्षिण आफ्रिकेविरुद्धच्या तिसऱ्या आणि अंतिम सामन्यात खणखणीत शतक झळकावलं आहे. यशस्वीच्या एकदिवसीय कारकीर्दीतील हे पहिलंवहिलं शतक ठरलं.
-
IND vs SA, 3rd ODI LIVE Score Updates : यशस्वी जैस्वाल शतकाच्या दिशेने, टीम इंडियाच्या मजबूत स्थितीत
यशस्वी जैस्वाल तिसऱ्या सामन्यात शतकाच्या उंबरठ्यावर येऊन पोहचला आहे. यशस्वीने आतापर्यंत एकदिवसीय क्रिकेटमध्ये शतक झळकावलेलं नाही. त्यामुळे यशस्वीसह भारतीय चाहत्यांना त्याच्या पहिल्या शतकाची प्रतिक्षा आहे. टीम इंडियाने 32 ओव्हरनंतर 1 विकेट गमावून 194 धावा केल्या आहेत. विराट 14 आणि यशस्वी 92 रन्सवर नॉट आऊट खेळत आहेत.
-
-
IND vs SA, 3rd ODI LIVE Score Updates : रोहितच्या शानदार खेळीचा शेवट, भारताला पहिला झटका
रोहित शर्मा याच्या शानदार खेळीचा शेवट झाला आहे. रोहित शर्मा मोठा फटका मारण्याच्या प्रयत्नात आऊट झाला. केशव महाराज याने रोहितला मॅथ्यू ब्रिट्झके याच्या हाती कॅच आऊट केलं. रोहितने 73 बॉलमध्ये 75 रन्स केल्या. रोहितनंतर विराट कोहली मैदानात आला आहे.
-
IND vs SA, 3rd ODI LIVE Score Updates : रोहितनंततर यशस्वी जैस्वाल याचंही अर्धशतक, टीम इंडिया मजबूत स्थितीत
रोहित शर्मा याच्यानंतर यशस्वी जैस्वाल यानेही अर्धशतक पूर्ण केलं आहे. यशस्वीने 75 बॉलमध्ये अर्धशतक ठोकलं आहे. या जोडीने 271 धावांचा पाठलाग करताना टीम इंडियासाठी नाबाद शतकी भागीदारी केली आहे.
-
IND vs SA, 3rd ODI LIVE Score Updates : रोहितची अर्धशतकी खेळी, सलामी जोडीची शतकी भागीदारी
रोहित शर्मा याने दक्षिण आफ्रिकेविरुद्धच्या तिसऱ्या आणि अंतिम सामन्यात अर्धशतक झळकावलं आहे. रोहितने 1 धाव घेत अर्धशतक पूर्ण केलं. यासह रोहित-यशस्वी या सलामी जोडीने 100 धावांची भागीदारी पूर्ण केली. दक्षिण आफ्रिकेने टीम इंडियासमोर 271 धावांचं आव्हान ठेवलं आहे.
-
IND vs SA, 3rd ODI LIVE Score Updates : यशस्वी-रोहित सलामी जोडीची अप्रतिम सुरुवात, पहिल्या विकेटसाठी अर्धशतकी भागीदारी
यशस्वी जैस्वाल आणि रोहित शर्मा या सलामी जोडीने अर्धशतकी भागीदारी केली आहे. या ओपनिंग जोडीने 12 ओव्हरमध्ये बिनबाद 59 धावा केल्या आहेत. रोहित 26 तर यशस्वी 23 रन्सवर नॉट आऊट खेळत आहेत.
-
IND vs SA, 3rd ODI LIVE Score Updates : यशस्वी-रोहित सलामी जोडी जमली, हिटमॅनची फटकेबाजी
रोहित शर्मा आणि यशस्वी जैस्वाल ही टीम इंडियाची सलामी जोडी जमली आहे. टीम इंडियाने 8 ओव्हरमध्ये बिनबाद 39 धावा केल्या आहेत. यशस्वी 17 आणि रोहित 13 रन्सवर नॉट आऊट खेळत आहेत.
-
IND vs SA, 3rd ODI LIVE Score Updates : यशस्वी-रोहित सलामी जोडीची संयमी सुरुवात, भारताच्या 5 ओव्हरमध्ये किती धावा?
यशस्वी जैस्वाल आणि रोहित शर्मा या सलामी जोडीने टीम इंडियाला 271 धावांचा पाठलाग करताना संयमी सुरुवात मिळवून दिली आहे. या जोडीने पहिल्या 5 ओव्हरमध्ये बिनबाद 21 धावा केल्या आहेत. यशस्वी 8 आणि रोहित 6 रन्सवर नॉट आऊट खेळत आहेत.
-
IND vs SA, 3rd ODI LIVE Score Updates : टीम इंडियाच्या बॅटिंगला सुरुवात, यशस्वी-रोहित सलामी जोडी मैदानात, विजयासाठी 271 धावांचं आव्हान
टीम इंडियाच्या बॅटिंगला सुरुवात झाली आहे. रोहित शर्मा आणि यशस्वी जैस्वाल सलामी जोडी मैदानात आली आहे. दक्षिण आफ्रिकेने टीम इंडियासमोर 271 धावांचं आव्हान ठेवलं आहे
-
IND vs SA, 3rd ODI LIVE Score Updates : प्रसिध कृष्णाला चौथी विकेट, दक्षिण आफ्रिका 270 रन्सवर ऑलआऊट
प्रसिध कृष्णा याने 48 व्या ओव्हरमधील पाचव्या बॉलवर ओटनील बार्टमॅन याला बोल्ड करत चौथी विकेट घेतली. यासह दक्षिण आफ्रिकेचा डाव 270 धावांवर आटोपला आहे. टीम इंडियासाठी प्रसिध व्यतिरिक्त कुलदीप यादव यानेही 4 विकेट्स घेतल्या. तर दक्षिम आफ्रिकेसाठी क्विंटन डी कॉक याने सर्वाधिक धावा केल्या. डी कॉक याने 106 धावा केल्या. त्यामुळे आता टीम इंडिया 271 रन्स करण्यात यशस्वी ठरणार का? हे थोड्याच वेळात स्पष्ट होईल.
-
IND vs SA, 3rd ODI LIVE Score Updates : कुलदीपकडून चौथी शिकार, दक्षिण आफ्रिकेला नववा झटका
कुलदीप यादव याने चौथी विकेट घेत दक्षिण आफ्रिकेला नववा झटका दिला आहे. कुलदीपने लुंगी एन्गिडी याला एलबीडब्ल्यू आऊट केलं. लुंगी 1 रन करुन माघारी परतला.
-
IND vs SA, 3rd ODI LIVE Score Updates : कॉर्बिन बॉश आऊट, दक्षिण आफ्रिकेला आठवा धक्का
कुलदीप यादव याने 43 व्या ओव्हरमधील तिसऱ्या बॉलवर कॉर्बिन बॉश याला आऊट करत दक्षिण आफ्रिकेला आठवा झटका दिला आहे. कुलदीपने कॉर्बिनला आपल्याच बॉलिंगवर कॅच आऊट केलं.
-
IND vs SA, 3rd ODI LIVE Score Updates : कुलदीप यादवची कमाल, एकाच ओव्हरमध्ये 2 झटके
प्रसिध कृष्णा याच्यानंतर कुलदीप यादव याने कमाल केली आहे. कुलदीपने दक्षिण आफ्रिकेकला 3 बॉलमध्ये 2 झटके दिले आहेत. कुलदीपने डवाल्ड ब्रेव्हीस आणि मार्को यान्सेन या धोकादायक जोडीला आऊट केलं. कुलदीपने आधी डेवाल्ड ब्रेव्हीस याला रोहित शर्मा याच्या हाती कॅच आऊट केलंय. त्यानंतर कुलदीपने मार्को यान्सेन याला रवींद्र जडेजा याच्या हाती कॅच आऊट केलं.
-
IND vs SA, 3rd ODI LIVE Score Updates : टीम इंडियाचं सामन्यात कमबॅक, दक्षिण आफ्रिकेला मोठी धावसंख्या करण्यापासून रोखणार?
प्रसिध कृष्णा याने घेतलेल्या झटपट 3 विकेट्सच्या जोरावर टीम इंडियाने सामन्यात जोरदार कमबॅक केलं आहे. तसेच टीम इंडियाच्या गोलंदाजांनी चिवट बॉलिंग केली आहे. भारताने यासह धावांवर ब्रेक लावला आहे. दक्षिण आफ्रिकेने 38 ओव्हरमध्ये 5 विकेट्स गमावून 234 रन्स केल्या आहेत.
-
IND vs SA, 3rd ODI LIVE Score Updates : W,W,W, प्रसिध कृष्णाचा धमाका, दक्षिण आफ्रिकेला झटपट 3 झटके, टीम इंडियाचं कमबॅक
टीम इंडियाचा वेगवान गोलंदाज प्रसिध कृष्णा याने कमाल केली आहे. प्रसिधने 6 ओव्हरमध्ये दक्षिण आफ्रिकेला 3 झटके दिले आहेत. प्रसिधने आधी एका ओव्हरमध्ये मॅथ्यू ब्रिट्झके आणि एडन मार्रक्रम या दोघांना आऊट केलं. त्यानंतर आता प्रसिधने सेट क्विंटन डी कॉक याला बोल्ड केलं आहे. प्रसिधने डी कॉक याला 106 रन्सवर मैदानाबाहेरचा रस्ता दाखवला.
-
IND vs SA, 3rd ODI LIVE Score Updates : क्विंटन डी कॉकचा तडाखा, सिक्ससह शतक पूर्ण
क्विंटन डी कॉक याने शतक पूर्ण केलं आहे. डी कॉक याने 30 व्या ओव्हरमधील तिसऱ्या बॉलवर सिक्स लगावत शतक पूर्ण केलं. डी कॉकने 80 बॉलमध्ये शतक पूर्ण केलं.
-
IND vs SA, 3rd ODI LIVE Updates : प्रसिधची कमाल, दक्षिण आफ्रिकेला एकाच ओव्हरमध्ये 2 झटके, टीम इंडियाचं कमबॅक
प्रसिध कृष्णा याने धमाका केला आहे. प्रसिधने दक्षिण आफ्रिकेला एकाच ओव्हरमध्ये 2 झटके दिले आहेत. प्रसिधने 29 व्या ओव्हरमध्ये ही कामगिरी केली. प्रसिधने दुसऱ्या बॉलवर मॅथ्यू ब्रिट्झके याला आऊट केलं. तर सहाव्या आणि शेवटच्या बॉलवर एडन मार्रक्रम याला विराट कोहली याच्या हाती 1 रनवर कॅच आऊट केलं. त्यामुळे दक्षिण आफ्रिकेचा स्कोअर 4 आऊट 170 असा झाला आहे.
-
IND vs SA, 3rd ODI LIVE Updates : दक्षिण अफ्रिकेला तिसरा धक्का, मॅथ्यू ब्रिट्झके बाद
प्रसिध कृष्णा याने दक्षिण आफ्रिकेला तिसरा झटका देत आपली पहिली विकेट मिळवली आहे. प्रसिधने मॅथ्यू ब्रिट्झके याला एलबीडबल्यू आऊट केलं. मॅथ्यूने 23 बॉलमध्ये 24 रन्स केल्या.
-
IND vs SA, 3rd ODI LIVE Updates : क्विंटन डी कॉक शतकाच्या दिशेने, भारतीय गोलंदाज रोखणार?
दक्षिण आफ्रिकेने 28 ओव्हरनंतर 2 विकेट्स गमावून 167 धावा केल्या आहेत. ओपनर क्विंटन डी कॉक शतकाच्या आणखी जवळ पोहचला आहे. डी कॉक 75 बॉलमध्ये 92 रन्सवर नॉट आऊट खेळत आहे. तर मॅथ्यू ब्रिट्झके याने 24 रन्स केल्या आहेत.
-
IND vs SA, 3rd ODI LIVE Updates : दक्षिण अफ्रिकेला दुसरा धक्का, टेम्बा बावुमा बाद
दक्षिण अफ्रिकेला टेम्बा बावुमाच्या रूपाने दुसरा धक्का बसला आहे. त्याचं अर्धशतक अवघ्या 2 धावांनी हुकलं. त्याने 67 चेंडूत 48 धावा केल्या. रवींद्र जडेजाच्या गोलंदाजीवर विराट कोहलीने त्याचा झेल पकडला आणि तंबूचा रस्ता दाखवला.
-
IND vs SA, 3rd ODI LIVE Updates : दक्षिण आफ्रिकेचं शतक पूर्ण, क्विंटन डी कॉक-टेम्बा बवुमा सेट जोडी मैदानात
दक्षिण आफ्रिकेने 100 धावा पूर्ण केल्या आहेत. दक्षिण आफ्रिकेने 19 ओव्हरमध्ये 100 धावा पूर्ण केल्या. टेम्बा बवुमा 38 आणि क्विंटन डी कॉक 60 रन्सवर नॉट आऊट खेळत आहेत.
-
IND vs SA, 3rd ODI LIVE Updates : क्विंटन डी कॉकला सुर गवसला, टीम इंडिया विरुद्ध अर्धशतक
दक्षिण आफ्रिकेचा ओपनर बॅट्समन आणि विकेटकीपर क्विंटन डी कॉक याला अखेर सुर गवसला आहे. कॉकने अंतिम सामन्यात अर्धशतक ठोकलं आहे. कॉकने 53 बॉलमध्ये 4 सिक्स आणि 4 फोरसह अर्धशतक पूर्ण केलं.
-
IND vs SA, 3rd ODI LIVE Updates : क्विंटन डी कॉक-टेम्बा बवुमा जोडी जमली, दुसऱ्या विकेटसाठी अर्धशतकी भागीदारी
टीम इंडियाने दक्षिण आफ्रिकेला रायन रिकेल्टन याला झिरोवर आऊट करत पहिला झटका दिला. त्यानंतर क्विंटन डी कॉक आणि टेम्बा बवुमा या जोडीने दुसऱ्या विकेटसाठी अर्धशतकी भागीदारी केली आहे. त्यामुळे टीम इंडियाचा ही जोडी फोडण्याचा प्रयत्न आहे.
-
IND vs SA, 3rd ODI LIVE Updates : टीम इंडियाची चिवट बॉलिंग, दक्षिण आफ्रिकेचा धावांसाठी संघर्ष
टीम इंडियाच्या गोलंदाजांनी पावरप्लेमधील पहिल्या 7 ओव्हरमध्ये चिवट बॉलिंग केली आहे. टीम इंडियाने 7 ओव्हरमध्ये दक्षिण आफ्रिकेला 23 धावा दिल्या आहेत. तर टीम इंडियाकडून अर्शदीप सिंह याने एकमेव विकेट घेतली आहे.
-
IND vs SA, 3rd ODI LIVE Updates : अर्शदीपचा दक्षिण आफ्रिकेला पहिल्याच ओव्हरमध्ये दणका, रायन रिकेल्टन आऊट
अर्शदीप सिंह याने दक्षिण आफ्रिकेला सामन्यातील पहिल्याच ओव्हरमध्ये झटका दिला आहे. अर्शदीपने रायन रिकेल्टन याला कॅप्टन केएल राहुल याच्या हाती कॅच आऊट केलं आहे. रायनला भोपळाही फोडता आला नाही.
-
IND vs SA, 3rd ODI LIVE Updates : सामना सुरु, दक्षिण आफ्रिकेची बॅटिंग, क्विंटन डी कॉक-रायन रिकेल्टन मैदानात
टीम इंडिया विरुद्ध दक्षिण आफ्रिका तिसऱ्या आणि अंतिम एकदिवसीय सामन्याला सुरुवात झाली आहे. टीम इंडियाने टॉस जिंकून दक्षिण आफ्रिकेला बॅटिंगसाठी भाग पाडलं आहे. दक्षिण आफ्रिकेकडून क्विंटन डी क़ॉक आणि रायन रिकेल्टन ही सलामी जोडी मैदानात आली आहे.
-
IND vs SA, 3rd ODI LIVE Updates : टीम इंडिया प्लेइंग ईलेव्हन
रोहित शर्मा, यशस्वी जैस्वाल, विराट कोहली, ऋतुराज गायकवाड, तिलक वर्मा, केएल राहुल (कॅप्टन आणि विकेटकीपर), रवींद्र जडेजा, हर्षित राणा, कुलदीप यादव, अर्शदीप सिंग आणि प्रसीध कृष्णा.
-
IND vs SA, 3rd ODI LIVE Updates : साऊथ आफ्रिका प्लेइंग ईलेव्हन
रायन रिकेल्टन, क्विंटन डी कॉक (विकेटकीपर), टेम्बा बवुमा (कर्णधार), मॅथ्यू ब्रेट्झके, एडन मार्रक्रम, डेवाल्ड ब्रेव्हीस, मार्को यान्सेन, कॉर्बिन बॉश, केशव महाराज, लुंगी एन्गिडी आणि ओटनील बार्टमन.
-
IND vs SA, 3rd ODI LIVE Updates : टीम इंडियाने टॉस जिंकला, बॅटिंग की बॉलिंग?
टीम इंडियाने तिसऱ्या आणि अंतिम सामन्यात टॉस जिंकला आहे. कॅप्टन केएल राहुल याने फिल्डिंगचा निर्णय घेत दक्षिण आफ्रिकेला बॅटिंगची संधी दिली आहे. टीम इंडियाने या मालिकेतील पहिल्या 2 सामन्यात टॉस गमावून बॅटिंग केली होती.
-
IND vs SA, 3rd ODI LIVE Updates : वनडे सीरिजसाठी दक्षिण आफ्रिका टीम
एडन मार्कराम, क्विंटन डी कॉक (विकेटकीपर), टेम्बा बवुमा (कर्णधार), मॅथ्यू ब्रेट्झके, डेवाल्ड ब्रेव्हिस, टोनी डी झोर्झी, मार्को यान्सेन, कॉर्बिन बॉश, केशव महाराज, नांद्रे बर्गर, लुंगी एनगिडी, रायन रिकेल्टन, ओटनील बार्टमन, रुबिन हर्मन आणि प्रिनेलन सुब्रेन.
-
IND vs SA, 3rd ODI LIVE Updates : वनडे सीरिजसाठी टीम इंडिया
रोहित शर्मा, यशस्वी जैस्वाल, विराट कोहली, ऋतुराज गायकवाड, केएल राहुल (कॅप्टन आणि विकेटकीपर), वॉशिंग्टन सुंदर, रवींद्र जडेजा, हर्षित राणा, कुलदीप यादव, अर्शदीप सिंग, प्रसिद्ध कृष्णा, ऋषभ पंत, तिलक वर्मा, ध्रुव जुरेल आणि नितीश कुमार रेड्डी.
-
IND vs SA, 3rd ODI LIVE Updates : तिसरा आणि अंतिम एकदिवसीय सामना
भारत विरुद्ध दक्षिण आफ्रिका तिसऱ्या आणि अंतिम एकदिवसीय सामन्याला दुपारी 1 वाजून 30 मिनिटांनी सुरुवात होणार आहे. तर त्याआधी 1 वाजता टॉस होणार आहे. सामन्याचं आयोजन हे विशाखापट्टणममधील एसीए व्हीडीसीए क्रिकेट स्टेडियममध्ये करण्यात आलं आहे.
Published On - Dec 06,2025 12:55 PM
