पृथ्वीचा लंकेला तडाखा, धमाकेदार खेळीनंतर सेहवागचं ‘ते’ ट्विट व्हायरल, रवी शास्त्रींची घेतली मजा!
सलामीवीर पृथ्वी शॉ याने 24 चेंडूत 43 धावांची धमाकेदार खेळी करत भारताला आक्रमक सुरुवात करुन दिली. पहिल्या 5 ओव्हरमध्येच भारताने श्रीलंकेला बॅटफूटवर ढकललं.
मुंबई : भारत विरुद्ध श्रीलंका (India vs Sri Lanka) यांच्यातील एकदिवसीय मालिकेतल्या पहिल्या सामन्यात भारताने श्रीलंकेला 7 विकेट्सने हरवलं आहे. 7 विकेट्स आणि 80 चेंडू राखून भारताने मोठा विजय मिळवला आहे. या विजयासह भारताने मालिकेत 1-0 अशी आघाडी घेतली आहे. भारताच्या विजयाचा पाया रचला तो सलामीवीर पृथ्वी शॉ (Prithvi Shaw) आणि शिखर धवनने (Shikhar Dhawan)…! पृथ्वीने तर कहरच केला… त्याने पहिल्या ओव्हरपासून श्रीलंकेच्या बोलर्सचा समाचार घेतला. त्याने केवळ 24 चेंडूत 43 धावांची धमाकेदार खेळी केली. त्याच्या या खेळीनंतर भारताचा माजी धडाकेबाज फलंदाज वीरेंद्र सेहवागचं ट्विट आता व्हायरल झालं आहे.
पृथ्वी शॉच्या बॅटिंगमध्ये तेंडुलकर, सेहवाग आणि लाराची झलक
पृथ्वी शॉने अशी काही बॅटिंग केली की, त्याच्यामुळे श्रीलंकेचा संघ पहिल्या 5 षटकांत पूर्णपणे सामन्यातून बाहेर पडला. पृथ्वी शॉच्या बॅटिंगवर वीरेंद्र सेहवागने एक मजेदार प्रतिक्रिया दिली आहे. पृथ्वी शॉच्या बॅटिंगमध्ये तेंडुलकर, सेहवाग आणि लाराची झलक दिसून येते, असं म्हणतात…. बऱ्याच वेळी अशी चर्चा होते. सेहवागने हाच धागा पकडला.
सेहवागच्या ट्विटमधून पृथ्वीचं कौतुक तर शास्त्रींची फिरकी
वीरेंद्र सेहवागने स्वत: चा, ब्रायन लारा आणि सचिन तेंडुलकर यांचा एक फोटो ट्विटरवर शेअर केला आणि लिहिले की, ‘पहिल्या 5.3 षटकांतच आमचा जलवा राहिला.’ सेहवाग, सचिन आणि लारा यांची झलक पृथ्वी शॉमध्ये दिसते आहे, असे भारताचे प्रशिक्षक रवी शास्त्री यांनी म्हटलं होतं. या ट्विटमधून सेहवागने पृथ्वीचं कौतुकही केलं आणि शास्त्रींची फिरकीही घेतली.
Pehle 5.3 overs hamara Jalwa raha. pic.twitter.com/5swBtpOWD9
— Virender Sehwag (@virendersehwag) July 18, 2021
सलामीवीरांनी दाखवला ‘दम’
या सामन्यात श्रीलंकेने प्रथम फलंदाजी करताना 262 घावांचे लक्ष्य दिले होते. भारताच्या फलंदाजांनी हे लक्ष्य 7 गडी आणि 80 चेंडू राखून पूर्ण केले. कर्णधार शिखर धवन (86) आणि इशान किशनच्या (59) अर्धशतकांच्या जोरावर भारताने हे आव्हान पूर्ण केले. तसेच सलामीवीर पृथ्वी शॉ याने 24 चेंडूत 43 धावांची खेळी करताना 9 चौकार लगावले. भारताच्या सलामीवीरांनी भारताला चांगली सुरुवात करुन दिली होती. तर शेवटी सूर्यकुमार यादवने 20 चेंडूत 31 धावा करत भारताला विजय लक्ष्य साध्य करुन देण्यात स्वतःचं योगदान दिलं.
India vs Sri lanka 1st ODI prithvi Shaw Fastest Score Virendra Sehwag Tweet
हे ही वाचा :
टीम इंडियासमोर श्रीलंकेची हाराकिरी, भारताचा लंकेवर 7 गडी आणि 80 चेंडू राखून मोठा विजय
IND vs SL : शिखर धवनने मैदानात पाऊल ठेवताच केला मोठा विक्रम, धोनी-कोहलीलाही टाकलं मागे
