IPL 2022 Orange Cap : शुभमन गिलची आगेकूच! वॉर्नर TOP 5 मधून बाहेर, तुमचा आवडता खेळाडू कुठेय?

मुंबई : कमी धावसंख्या असूनही गुजरात टायटन्सच्या (Gujarat Titans) गोलंदाजांनी काल जबरदस्त कामगिरी केली. एकप्रकारे ही त्यांची परीक्षाच होती. त्यात ते पास झाले. गुजरात टायटन्सने लखनौ सुपर जायंट्सचा (LSG) तब्बल 62 धावांनी पराभव केला. या विजयासह गुजरातचे 18 गुण झाले आहेत. गुजरात टायटन्स प्लेऑफमध्ये दाखल होणारा पहिला संघ ठरला आहे. गुजरातने लखनौला विजयासाठी 145 धावांचे लक्ष्य दिले होते. पण केएल राहुलच्या (KL Rahul) लखनौचा डाव 82 धावात आटोपला. राशिद खान काल आपल्या नावाला जागला. त्याच्या लेग ब्रेक गोलंदाजीने कमाल केली. चार ओव्हर्समध्ये 24 धावा देत त्याने चार विकेट घेतल्या. राशिद खानने ऑलराऊंडर दीपक हुड्डाला (27), कृणाल पंड्या (5), जेसन होल्डर (1) आणि आवशे खान (12) या विकेट काढल्या. कृणाल पंड्याचा विकेट तर अप्रतिम होता. राशिद खानने आज अप्रतिम गोलंदाजीचा नजराणा पेश केला. त्याने कृणाला पंड्याला अप्रतिम गुगलीवर खेळण्यासाठी क्रीझ बाहेर आणलं. कृणालची पावलं क्रीझ बाहेर जाताच विकेटकीपर सहाने कुठलीही चूक केली नाही. त्याने लगेच स्टम्पिंग केलं. दरम्यान, कालच्या सामन्यानंतर ऑरेंज कॅपच्या टेबलमध्ये काय बदल झालाय पाहुया.

ऑरेंज कॅपच्या टेबलमध्ये कोण अव्वल

आयपीएलच्या पंधराव्या सीजनमध्ये जोस बटलर ऑरेंज कॅपच्या टेबलमध्ये पहिल्या स्थानी कायम आहे. त्याने या सीजनमध्ये आतापर्यंत 618 धावा काढल्या आहेत. दुसऱ्या स्थानी केएल राहुल आहे. राहुलने आयपीएलच्या या सीजनमध्ये 459 धावा काढल्या आहेत.त्यानंतर तिसऱ्या फाफ डु प्लेसिस असून त्याने 389 धावा काढल्या आहेत. चौथ्या स्थानी शिखर धवन धवनला धक्का देत शुभमन गिल आलाय. याने आतापर्यंत 384 धावा काढल्या आहेत. तर शिखरने 381 धावा आयपीएलच्या या सीजनमध्ये काढल्या असून तो पाचव्या स्थानी गेलाय. डेव्हिड वॉर्नर मात्र टॉप फाईव्ह बाहेर गेलाय.

ऑरेंज कॅपचा टेबल

कोणाला दिली जाते ऑरेंज कॅप

दरवर्षी आयपीएल स्पर्धा सुरु झाल्यानंतर ऑरेंज आणि पर्पल कॅपकडे क्रिकेट रसिकांचं लक्ष असतं. कारण आयपीएलमध्ये सर्वाधिक धावा करणाऱ्या फलंदाजाला ऑरेंज कॅप दिली जाते, तर सर्वाधिक विकेट घेणाऱ्या गोलंदाजाला पर्पल कॅपने सन्मानित केलं जातं. स्पर्धा सुरु असताना ऑरेंज आणि पर्पल कॅपचे मानकरी सतत बदलत असतात.

शुभमन गिलचं अर्धशतक

गुजरात टायटन्सच्या संघाला लखनौ सुपर जायंट्सच्या गोलंदाजांनी 144 धावांवर रोखलं. गुजरातचे फक्त चार विकेट गेले. शुमभन गिलचं अर्धशतक आणि राहुल तेवतियाने अखेरीस केलेल्या फलंदाजीच्या बळावर गुजरातला 144 पर्यंत पोहोचता आला. सलामीवीर शुभमन गिलने 49 चेंडूत नाबाद 63 धावा केल्या. यात सात चौकार होते. तेवतियाने 16 चेंडूत चार चौकारांसह 22 धावा केल्या. लखनौच्या गोलंदाजांनी सुपर कामगिरी केली. खासकरुन आवेश आणि मोहसीन खानने भेदक मारा केला. आवेश खानने मॅथ्यू वेड आणि हार्दिक पंड्या हे दोन महत्त्वाचे विकेटस मिळवले. डेविड मिलरने 24 चेंडूत 26 धावा केल्या. यात फक्त एक चौकार आणि एक षटकार होता.