RR vs SRH : राजस्थान रॉयल्स आणि सनरायझर्स हैदराबाद दुसऱ्यांदा भिडणार, आतापर्यंत कशी आहे आकडेवारी

आयपीएल 2026 स्पर्धेतील 36व्या सामन्यात राजस्थान रॉयल्स आणि सनरायझर्स हैदराबाद हे संघ आमनेसामने येणार आहेत. हा सामना खऱ्या अर्थाने दोन्ही संघातील द्वंद्व असणार आहे. कारण यापूर्वी या दोन्ही संघांनी या पर्वात आमनासामना केला आहे. त्यामुळे या सामन्याचं महत्त्व वाढलं आहे. कारण पहिल्या सामन्यात सनरायझर्स हैदराबादने राजस्थान रॉयल्सला 57 धावांनी मात दिली होती. सनरायझर्स हैदराबादने 20 षटकात 6 गडी गमवून 216 धावा केल्या होत्या. तर विजयासाठी 217 धावांचं आव्हान दिलं होतं. पण राजस्थान रॉयल्स संघ 19 षटकात 159 धावांपर्यंत मजल मारू शकला. हा सामना सनरायझर्स हैदराबादने 57 धावांनी गमावला होता. त्यामुळे राजस्थान रॉयल्सला नेट रनरेटमध्ये मोठा धक्का बसला आहे. आता पुन्हा हे दोन संघ आमनेसामने येणार आहेत. दोन्ही संघांनी टॉप 4 मध्ये जागा मिळवली आहे. त्यामुळे ही लढाई चुरशीची असणार आहे.

दोन्ही संघांचं गुणतालिकेतील स्थान

राजस्थान रॉयल्सने आतापर्यंत स्पर्धेत 7 सामने खेळले असून त्यापैकी 5 सामन्यात विजय मिळवला आहे. तर दोन सामन्यात पराभवाचं तोंड पाहिलं आहे. त्यामुळे 10 गुण आणि +0.790 नेट रनरेटसह दुसऱ्या स्थानावर आहे. तर सनरायझर्स हैदराबादने 7 पैकी 4 सामन्यात विजय आणि तीन सामन्यात पराभवाचं तोंड पाहिलं आहे. त्यामुळे 8 गुण आणि +0.820 नेट रनरेटसह चौथ्या स्थानी आहे. दोन्ही संघांना गुणतालिकेत वरचं स्थान गाठण्याची संधी आहे. त्यामुळे हा विजय दोन्ही संघांसाठी महत्त्वाचा आहे. हैदराबादने हा सामना जिंकला तर दुसऱ्या स्थानी, तर राजस्थानने हा सामना जिंकला तर पहिलं स्थान गाठेल. त्यामुळे दोन्ही संघ विजयासाठी कसोशीने प्रयत्न करणार यात काही शंका नाही.

दोन्ही संघांची हेड टू हेड कामगिरी

आयपीएल स्पर्धेत राजस्थान रॉयल्स आणि सनरायझर्स हैदराबाद यांच्यात 22 सामने पार पडले आहेत. या स्पर्धेती एका सामन्याचा यात समावेश झाला आहे. या 22 सामन्यांपैकी राजस्थान रॉयल्सने 9 सामने जिंकले आहेत, तर सनरायझर्स हैदराबादने 13 वेळा विजय मिळवला आहे. तसं पाहिलं तर सनरायझर्स हैदराबाद वरचढ दिसत आहे. पण राजस्थान रॉयल्सची कामगिरीही जबरदस्त आहे.