Video: ‘अरे क्यूट बॉय, जरा इकडं बघ की’ वैभव सूर्यवंशीवर कोण इतकं फिदा? त्यानं मग केलं काय?

Vaibhav Suryavanshi Video: आयपीएल 2026 मधील तरुण खेळाडू वैभव सूर्यवंशी सध्या चर्चेत आहे. त्याची स्फोटक फलंदाजी, त्याचे शिक्षण, त्याचे वय याविषयी प्रत्येक चाहत्याला जाणून घ्यायचे आहे. सूर्यवंशीला पाहण्यासाठी चाहत्यांची तुफान गर्दी उसळते. तो सध्या नॅशनल क्रश नसला तरी त्या सर्व क्रश पेक्षा कम सुद्धा नाही. त्याच्या नावाची चर्चा यावेळी आयपीएलमध्ये सातत्याने होत आहे. तो सध्या फॉर्ममध्ये आहे. राजस्थान रॉयल्स संघाकडून त्याने दमदार फलंदाजीचे प्रदर्शन केले आहे. त्याचवेळी त्याचा एक Video सध्या व्हायरल झाला आहे. या व्हिडिओत तो टीम बसमध्ये बसलेला दिसतो. त्याला पाहताच अनेक जण हाका मारतात. पण पठ्ठ्या डोळ्यांच्या कडातून पाहत तो जणू काही झालचं नाही अशी प्रतिक्रिया देतो. हा अवघ्या काही सेकंदाचा व्हिडिओ सोशल मीडियावर व्हायरल झाला आहे.

अरे क्यूट बॉय, भावा, पाहा तरी

राजस्थॉन रॉयल्सचा संघ एका सामन्यानंतर स्टेडियम बाहेर पडताना दिसत आहे. संघाच्या बसमध्ये वैभव खिडकीजवळ बसलेला दिसतो. त्याला पाहताच चाहत्यांचा एक गट उत्साहित होतो. ते त्याला जोर जोराने आवाज देतात. त्याला हाका मारतात. कुणी त्याला क्यूट बॉय म्हणतंय , तर कुणी भाई म्हणून हाक मारताना ऐकू येतो. काहीजण हातवारे करून वैभवचे लक्ष वेधण्याचा प्रयत्न करताना दिसते. वैभव या नावानेही काही जण त्याला हाक मारतात. पण वैभव एक तिरकस कटाक्ष टाकत त्यांना फार भाव देताना दिसत नाही. वैभवने सध्या त्याच्या खेळावर अधिक लक्ष केंद्रीत केले आहे. अनेक दिग्गजांनी त्याला डोक्यात हवा शिरू न देण्याचा सल्ला दिला आहे.

Vaibhav Sooryavanshi reached Lucknow for the match against LSG.

Paps are not even letting my blud listen to his favourite Bhojpuriya songs.😭🤭 pic.twitter.com/Omvu9YgBkf

— Rupesh Kumar (@drona_17) April 20, 2026

वैभवची संपत्ती तरी किती?

वैभव सूर्यवंशी हा सध्या सर्वात हॉट टॉपिक आहे. त्याचे चाहते वैभवचे शिक्षण, त्याची शाळा, त्याचे राज्य, शहर याविषयी माहिती शोधताना दिसतात. काही जणांनी तर त्याच्या शाळेलाही भेट दिली आहे. त्याविषयीची व्हिडिओ सोशल मीडियावर व्हायरल झाले आहेत. तर अनेकांना वैभवची संपत्ती किती आहे याचा इंटरनेटवर शोध सुरू केला आहे. काही अंदाजानुसार वैभवची नेटवर्थ ही 2 ते 2.5 कोटी दरम्यान आहे. घरगुती क्रिकेट, आयपीएल सामना आणि ब्रँड एंडोर्समेंटमधून त्याची कमाई होत असल्याचे मानले जाते. IPL लिलावात वैभवला राजस्थान रॉयल्स संघाने 1.10 कोटी रुपयांमध्ये खरेदी केले आहे.