IPL 2026 : आता थांबवून दाखवाच! मुंबई टीममध्ये मॅचविनर खेळाडूची एन्ट्री, कोण आहे तो?

मुंबई इंडियन्सने आयपीएल 2026 स्पर्धेत विजयाने सुरुवात केली. मात्र त्यानंतर मुंबईला सलग 4 सामन्यांमध्ये पराभूत व्हावं लागलं. त्यामुळे मुंबईवर जोरदार टीका करण्यात आली. मात्र मुंबईने सोमवारी 20 एप्रिलला गुजरात टायटन्सचा 99 धावांनी धुव्वा उडवला. मुंबईने अहमदाबादमध्ये गुजरातला पराभूत करत सामना जिंकला. मुंबईचा गुजरात विरुद्धचा अहमदाबादमधील पहिला तर एकूण दुसरा विजय ठरला. आता मुंबई आपल्या मोहिमेतील सातव्या सामन्यात चेन्नई सुपर किंग्स विरुद्ध भिडणार आहे. हा सामना मुंबईतील वानखेडे स्टेडियममध्ये होणार आहे. त्याआधी मुंबईची ताकद वाढली आहे.

ऑलराउंडर विल जॅक्स आला रे!

चेन्नई विरूद्धच्या सामन्याला काही तास बाकी असताना मुंबईच्या गोटात मॅचविनर खेळाडूची एन्ट्री झाली आहे. मीडिया रिपोर्ट्सनुसार, विल जॅक्स मुंबईसह जोडला गेला आहे. त्यामुळे मुंबईची बाजू आणखी भक्कम झाली आहे. मात्र विल मुंबई टीममध्ये सामील झाल्याबाबत अधिकृत माहिती देण्यात आलेली नाही. क्रिकबझनुसार, विलने वानखेडे स्टेडियममध्ये मुंबईच्या खेळाडूंसह सराव केला. त्यामुळे विलला चेन्नई विरुद्ध संधी मिळण्याची शक्यता व्यक्त करण्यात येत आहे.

विल ऑलराउंडर आहे. तो बॅटिंगसह बॉलिंग करण्यात माहीर आहे. तसेच तो ओपनिंगही करतो. त्यामुळे विलला रोहित शर्मा याच्या अनुपस्थितीत मुंबईकडून ओपनिंग करण्याची संधी मिळू शकते. गुजरात विरूद्धच्या सामन्यात क्विंटन डी कॉक याच्यासोबत डेब्युटंट दानिश मालेवार याने ओपनिंग केली होती. मात्र दानिश अपयशी ठरला होता. त्यामुळे विलला संधी मिळाल्यास तो ओपनिंगला खेळताना दिसू शकतो.

विलची टी 20i वर्ल्ड कपमध्ये उल्लेखनीय कामगिरी

दरम्यान विलने भारतात झालेल्या टी 20i वर्ल्ड कप 2026 स्पर्धेत उल्लेखनीय कामगिरी केली होती. विलने 8 सामन्यांत इंग्लंडचं प्रतिनिधित्व केलं. विलने या 8 सामन्यांमध्ये 226 धावा केल्या. तसेच विलने एकूण 9 विकेट्सही मिळवल्या होत्या. त्यामुळे मुंबई इंडियन्सला टी 20i वर्ल्ड कप प्रमाणे आयपीएलमध्येही अशीच कामगिरी अपेक्षित असणार आहे.

आयपीएल 2026 साठी मुंबई इंडियन्स टीम : नमन धीर, शेरफेन रदरफोर्ड, रायन रिकेल्टन, रोहित शर्मा, सूर्यकुमार यादव, हार्दिक पांड्या (कॅप्टन), राज बावा, विल जॅक्स, कॉर्बिन बॉश, मिचेल सँटनर, तिलक वर्मा,ट्रेन्ट बोल्ट, अश्वनी कुमार, जसप्रीत बुमराह, दीपक चहर, मयंक मार्कंडे, अल्लाह गझनफर, शार्दुल ठाकूर, क्विंटन डी कॉक, रॉबिन मिन्झ, रघु शर्मा, मोहम्मद सलाहुद्दीन इझार, दानिश मालेवार आणि मयंक रावत.