Video | शाहीन आफ्रिदी नाम सुनके फास्ट बोलर समझा क्या? स्पिनर(भी) हैं अपुन, जडेजा स्टाईल गोलंदाजी
सध्याच्या उदयोन्मुख वेगवान गोलंदाजांबद्दल बोलायचे झाले तर शाहीन शाह आफ्रिदी (Shaheen Shah Afridi) याचं नाव या यादीत सर्वात वर आहे. हा पाकिस्तानी गोलंदाज त्याचा वेग आणि स्विंगसाठी प्रसिद्ध आहे. अनेक दिग्गजांनीही त्याच्या अचूकतेचे कौतुक केले आहे.
मुंबई : सध्याच्या उदयोन्मुख वेगवान गोलंदाजांबद्दल बोलायचे झाले तर शाहीन शाह आफ्रिदी (Shaheen Shah Afridi) याचं नाव या यादीत सर्वात वर आहे. हा पाकिस्तानी गोलंदाज त्याचा वेग आणि स्विंगसाठी प्रसिद्ध आहे. अनेक दिग्गजांनीही त्याच्या अचूकतेचे कौतुक केले आहे. उत्तम जलदगती गोलंदाज असूनही हा गोलंदाज वेगवान गोलंदाजी सोडून फिरकी गोलंदाजी करु लागल्यावर काय होईल याची कल्पना करा. शाहीनला फिरकी गोलंदाजी करताना पाहण्याची कल्पनाही अनेक जण करु शकणार नाहीत. परंतु ही गोष्ट खरी आहे. तो नेट्समध्ये फिरकी गोलंदाजी (Spin bowling) करत असल्याचे नुकतेच पाहायला मिळाले. मात्र शाहीनने वेगवान गोलंदाजी सोडलेली नाही, त्याने फक्त नेट्समध्ये फिरकी गोलंदाजीचा प्रयत्न केला आहे आणि ते करत असताना असे लक्षात आले की, त्याची बोलिंग स्टाईल भारताचा अष्टपैलू खेळाडू रवींद्र जडेजासारखी (Ravindra Jadeja) आहे.
पाकिस्तान सध्या ऑस्ट्रेलियाविरुद्ध कसोटी मालिका खेळत आहे. मालिकेतील पहिला सामना रावळपिंडीत खेळला गेला जो अनिर्णित राहिला. दुसरा सामना कराचीत होणार आहे. या सामन्यापूर्वी शाहीनने फिरकी गोलंदाजीत हात आजमावला.
व्हिडीओ व्हायरल
पाकिस्तान क्रिकेट संघाच्या सराव सत्राचा एक व्हिडिओ सोशल मीडियावर व्हायरल होत आहे. या व्हिडीओमध्ये शाहीन फिरकी करताना दिसत आहे. तो आपल्या संघाच्या फलंदाजाकडे डाव्या हाताने फिरकी चेंडू फेकत आहे आणि त्याची ॲक्शन भारताचा सर्वोत्कृष्ट अष्टपैलू खेळाडू रवींद्र जडेजासारखी दिसते. अनेकांनी हा व्हिडीओ ट्विट करत शाहीनच्या फिरकी ॲक्शनची जडेजाशी तुलना केली आहे.
शाहीन शाह आफ्रिदी नाम सुनके फास्ट बोलर समझा क्या, स्पिनर (भी) हैं अपुन ही स्टाईल रवींद्र जाडेजासारखी वाटतेय नै?@kreedajagat pic.twitter.com/ezsO5bsvP9
— अक्षय चोरगे (Akshay Chorge) (@AkshayChorge1) March 10, 2022
जाडेजा नंबर 1 ऑलराऊंडर
श्रीलंके विरुद्ध मोहालीमध्ये पहिल्या कसोटी सामन्यात शानदार शतक आणि एकूण नऊ विकेट घेणाऱ्या रवींद्र जाडेजाने रँकिंगमध्ये मोठी झेप घेतली आहे. आयसीसीच्या (ICC Ranking) ताज्या कसोटी ऑलराऊंडर खेळाडूंच्या यादीत रवींद्र जाडेजा पहिल्या स्थानावर पोहोचला आहे. जाडेजाने वेस्ट इंडिजच्या जेसन होल्डरला मागे टाकलं आहे. अश्विन तिसऱ्या स्थानावर आहे. जाडेजाच्या क्रमवारीत दोन स्थानांची सुधारणा झाली. मोहाली कसोटीत जाडेजाने पहिल्या डावात नाबाद 175 धावांची खेळी केली होती. त्यानंतर त्याने नऊ विकेटही घेतल्या होत्या. त्याला सामनावीराच्या पुरस्कारने गौरवण्यात आले.
इतर बातम्या
IPL 2022: ‘या’ सीजनमध्ये जोफ्रा आर्चर मुंबई इंडियन्सकडून खेळताना दिसणार? प्रॅक्टिसचा VIDEO आला समोर
IPL 2022: पैसाच पैसा! यंदा नुसत्या स्पॉन्सरशिपमधून BCCI ची रग्गड कमाई; आकडा वाचून चमकतील डोळे
