PAK vs NAM Live Streaming : सुपर 8 साठी टफ फाईट, नामिबिया पाकिस्तानचा बाजार उठवणार?
Pakistan vs Namibia T20 World Cup 2026 Live Match Score : पाकिस्तानने टी 20I वर्ल्ड कप 2026 स्पर्धेत तिन्ही सामने जिंकलेत. मात्र त्यानंतरही पाकिस्तानचं सुपर 8 फेरीसाठीचं तिकीट वेटिंगवर आहे.
आयसीसी टी 20I वर्ल्ड कप 2026 स्पर्धेतील 35 व्या सामन्यात पाकिस्तान विरुद्ध नामिबिया आमनेसामने असणार आहेत. पाकिस्तान आणि नामिबिया या दोन्ही संघांचा हा साखळी फेरीतील चौथा आणि शेवटचा सामना असणार आहे. दोन्ही टीम ए ग्रुपमधील आहेत. ए ग्रुपमधून सुपर 8 फेरीत गतविजेत्या टीम इंडियाने धडक दिली आहे. तर उर्वरित एका जागेसाठी यूएसए, पाकिस्तान आणि नेदरलँड्स या 3 संघांमध्ये चुरस आहे. त्यामुळे पाकिस्तान विरुद्ध नामिबिया हा सामना निर्णायक ठरणार आहे. नामिबियाचं साखळी फेरीतच आव्हान संपुष्टात आलं आहे. मात्र नामिबिया साखळी फेरीतील आपला शेवटचा सामना जिंकून पाकिस्तानचा बाजार उठवणार का? हे पाहणं महत्त्वाचं ठरणार आहे. या निमित्ताने पाकिस्तान विरुद्ध नामिबिया सामन्याबाबत जाणून घेऊयात.
पाकिस्तान विरुद्ध नामिबिया सामना कधी?
पाकिस्तान विरुद्ध नामिबिया सामना बुधवारी 18 फेब्रुवारीला खेळवण्यात येणार आहे.
पाकिस्तान विरुद्ध नामिबिया सामना कुठे?
पाकिस्तान विरुद्ध नामिबिया सामना कोलंबोतील सिंहली स्पोर्ट्स क्लबमध्ये आयोजित करण्यात आला आहे.
पाकिस्तान विरुद्ध नामिबिया सामन्याला किती वाजता सुरुवात होणार?
पाकिस्तान विरुद्ध नामिबिया सामन्याला भारतीय वेळेनुसार दुपारी 3 वाजता सुरुवात होणार आहे. तर 2 वाजून 30 मिनिटांनी टॉस होणार आहे.
पाकिस्तान विरुद्ध नामिबिया सामना टीव्ही आणि मोबाईलवर कुठे पाहायला मिळेल?
पाकिस्तान विरुद्ध नामिबिया सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल. तर लाईव्ह मॅच जिओहॉटस्टार एपद्वारे मोबाईलवर पाहायला मिळेल.
एका जागेसाठी 3 संघांमध्ये चुरस
टीम इंडियाने 15 फेब्रुवारीला कोलंबोतील आर प्रेमदासा स्टेडियममध्ये पाकिस्तानला पराभूत करत सलग तिसरा सामना जिंकला. टीम इंडियाने या विजयी हॅट्रिकसह सुपर 8 मध्ये प्रवेश केला. इंडिया ए ग्रुपमधून सुपर 8 मध्ये पोहचणारी पहिली टीम ठरली.
त्यानंतर आता पाकिस्तान विरुद्ध नामिबिया या सामन्याचा निकाल सुपर 8 च्या हिशोबाने निर्णायक ठरणार आहे. पाकिस्तनाने नामिबियावर विजय मिळवल्यास ते सुपर 8 मध्ये पोहचतील. मात्र नामिबियाने उलटफेर करत विजय मिळवला तर पाकिस्तानचं पॅकअप होईल. तर नेदरलँड्सने भारताला पराभूत केलं तर त्यांच्या खात्यात 4 गुण होतील. तसेच यूएसएच्या खात्यातही 4 गुण आहेत. त्यामुळे अशा स्थितीत नेदरलँड्स आणि यूएसएपैकी सुपर 8 मध्ये कोण पोहचणार? हे नेट रनरेटच्या आधारे निश्चित केलं जाईल.
