राखीव असलेल्या शुबमन गिलने पहिल्या सराव शिबिरात केली ओपनिंग, तीन तासात काय घडलं? ते जाणून घ्या

आयसीसी जेतेपदाचं गेल्या काही वर्षांपासूनचं स्वप्न पूर्ण करण्यासाठी टीम इंडियाने पुन्हा एकदा कंबर कसली आहे. यासाठी टीम इंडिया अमेरिकेत चार दिवसांपूर्वीच पोहोचली आहे. अमेरिकेतील वातावरणाशी जुळवत हळूहळू सराव सुरु केला आहे. भारतीय संघाने एक दिवस आधी हलका व्यायाम केला होता. त्यानंतर दुसऱ्या दिवशी नेटमध्ये घाम गाळला. कर्णधार रोहित शर्मासहित सर्वच खेळाडूंनी 3 तास जोरदार सराव केला. नेटमध्ये जोरदार फटकेबाजी करत वातावरणाचा अंदाज घेतला. तसेच गोलंदाजांनी अचूक टप्प्याचा मारा केला. या सराव शिबिरात चार खेळाडूंनी भाग घेतला नाही. टीम इंडियाने न्यूयॉर्कच्या नैसो काउंटीच्या गार्डन सिटी विलेजमध्ये थांबली आहे. तिथेच सराव शिबीर सुरु आहे. इथूनच काही किलोमीटर अंतरावर आयजनहावर पार्क स्टेडियम आहे. इथेच टी20 वर्ल्डकप सामना होणार आहे. त्यामुळे लांबचा प्रवास टाळण्यासाठी टीम इंडियाने याच भागात सराव करण्याचा निर्णय घेतला आहे.

मंगळवारी टीम इंडियाने वॉर्मअप एक्सरसाईज केली. धावणं आणि फुट वॉली खेळत थकवा दूर करण्याचा प्रयत्न केला. बुधवारपासून टीम इंडियाचं सराव शिबीर खऱ्या अर्थाने सुरु झालं आहे. क्रिकबझच्या रिपोर्टनुसार, सराव शिबीर मुख्य मैदानापासून 8 ते 9 किलोमीटर दूर आहे. कँटिएग पार्कमध्ये तयार केलेल्या प्रॅक्टिस पिचवर भारतीय संघाने 3 तास घाम गाळला. ही जागा आयसीसीकडून सराव शिबीर म्हणून दिली गेली आहे.

🗣️ Getting back with an Indian jersey 🔛 is a different feeling altogether 🇮🇳@RishabhPant17 is back in the nets for #TeamIndia 🤩

Crucial practice before the #T20WorldCup begins 💪

WATCH 🎥🔽 – By @RajalArora

— BCCI (@BCCI) May 30, 2024

नेटमध्ये भारतीय फलंदाजांनी बॅटिंग ऑर्डरप्रमाणे फलंदाजी केली. सर्वात आधी कर्णधार आणि ओपनर रोहित शर्मा उतरला. सर्वात महत्त्वाचं म्हणजे त्याच्यासोबत यशस्वी जयस्वाल ऐवजी शुबमन गिल उतरला होता. शुबमन गिल हा राखीव खेळाडू आहे. त्यानंतर सूर्यकुमार यादव, हार्दिक पांड्या, शिवम दुबे, ऋषभ पंत आणि रवींद्र जडेजाने बॅटिंग केली. तर जसप्रीत बुमराह, मोहम्मद सिराज आणि कुलदीप यादव यांच्या नेट गोलंदाजांनी भारतील फलंदाजांना गोलंदाजी केली.

इतकंच काय तर मोहम्मद सिराज, अर्शदीप सिंह आणि कुलदीप यादव यांनी फलंदाजी केली. टीम इंडियाला स्पर्धेत फलंदाजीत डेप्थ हवी असल्याने त्यांनीही सराव केला. यशस्वी जयस्वाल सराव शिबीरात नव्हता कारण त्याला आराम करण्याचा सल्ला देण्यात आला आहे. दुसऱ्या टप्पात यशस्वी अमेरिकेत आला आहे. दोन दिवसांपूर्वीच टीम इंडियासोबत जोडला गेला आहे. त्यामुळे यशस्वीसह संजू सॅमसन, युझवेंद्र चहल आणि रिंकू सिंह सराव शिबिरात उतरले नाहीत.