SL vs AFG 3rd Live Streming | श्रीलंका विरुद्ध अफगाणिस्तान आमनेसामने, जाणून घ्या सर्वकाही
Sri Lanka vs Afghanistan 3rd odi Live Streming | श्रीलंका विरुद्ध अफगाणिस्तान यांच्यातील तिसरा एकदिवसीय सामना हा फार रंगतदार असा होणार आहे. जाणून घ्या सविस्तर.
कोलंबो | श्रीलंका विरुद्ध अफगाणिस्तान यांच्यातील एकदिवसीय मालिकेतील तिसरा आणि शेवटचा एकदिवसीय सामना हा 7 जून रोजी पार पडणार आहे. ही मालिका 1-1 ने बरोबरीत आहे. पहिल्या सामन्यात अफगाणिस्तानने विजय मिळवत आघाडी घेतली. तर त्यानंतर श्रीलंकेने 132 धावांच्या फरकाने मात करत बरोबरी साधली. अफगाणिस्तान टीमचं कर्णधारपद हे हशमतुल्लाह शाहिदी याच्याकडे आहे. तर श्रीलंकेची कॅप्टन्सी दासून शनाका करतोय. तर आता तिसऱ्या सामन्यात दोन्ही संघात चुरस पाहायला मिळणार आहे. या तिसऱ्या सामन्यानिमित्ताने आपण सर्वकाही सविस्तर जाणून घेणार आहोत.
श्रीलंका विरुद्ध अफगाणिस्तान तिसरा एकदिवसीय सामना कधी?
श्रीलंका विरुद्ध अफगाणिस्तान यांच्यातील तिसरा सामना हा बुधवारी 7 जून रोजी पार पडणार आहे.
श्रीलंका विरुद्ध अफगाणिस्तान तिसरा एकदिवसीय सामना कुठे?
श्रीलंका विरुद्ध अफगाणिस्तान यांच्यातील तिसऱ्या सामन्याचं आयोजन हे हंबनटोटा येथील महिंदा राजपक्षा आंतरराष्ट्रीय स्टेडियममध्ये करण्यात आलं आहे.
श्रीलंका विरुद्ध अफगाणिस्तान तिसऱ्या वनडेला किती वाजता सुरुवात?
श्रीलंका विरुद्ध अफगाणिस्तान तिसऱ्या एकदिवसीय सामन्याला सकाळी 10 वाजता सुरुवात होणार आहे. तर 9 वाजून 30 मिनिटांनी टॉस होणार आहे.
लाईव्ह स्ट्रीमिंग कुठे पाहता येणार?
श्रीलंका विरुद्ध अफगाणिस्तान यांच्यातील तिसरा एकदिवसीय सामना हा टीव्हीवर सोनी नेटवर्क पाहता येईल. तसेच डिजीटल स्ट्रीमिंग श्रीलंका क्रिकेट युट्यूब चॅनेलवर पाहता येईल.
अफगाणिस्तान विरुद्धच्या वनडे सीरिजसाठी टीम श्रीलंका | दासून शनाका (कर्णधार), कुसल मेंडिस (विकेटकीपर), पथुम निसांका, दिमुथ करुणारत्ने, अँजेलो मॅथ्यूज, धनंजया डी सिल्वा, चारिथ असालंका, सदीरा समरविक्रमा, चमिका करुणारत्ने, दुशान हेमंथा, वानिंदु हसरंगा, लहिरु कुमारा दुष्मंथा चमिरा, कसून राजिथा, मथिशा पथिराना आणि महीष तीक्षणा
श्रीलंका विरुद्धच्या एकदिवसीय मालिकेसाठी अफगाणिस्तान टीम | हशमतुल्लाह शाहिदी (कप्तान), रहमत शाह, रहमानुल्लाह गुरबाज, इब्राहिम जादरान, रियाज हसन, नजीबुल्लाह जादरान, मोहम्मद नबी, इकराम अलीखेल, अजमतुल्लाह ओमारजई, राशिद खान, मुजीब उर रहमान, नूर अहमद, अब्दुल रहमान, फजलहक फारुकी आणि फरीद अहमद मलिक.
