IND vs USA | सोलापूरकर अर्शीन कुलकर्णी याचं खणखणीत शतक, टीम इंडिया मजबूत स्थितीत
Arshin Kulkarni Century | सोलापूरच्या अर्शीन कुलकर्णी याने यूएसए विरुद्ध चौकारासह धमाकेदार शतक पूर्ण केलं आहे.
मुंबई | अंडर 19 वर्ल्ड कप 2024 स्पर्धेतील 23 व्या सामन्याचं आयोजन हे ब्लूमफॉन्टेन येथील मॅनगाँग ओव्हलमध्ये करण्यात आलं आहे. या सामन्यात ए ग्रुपमधील टीम इंडिया विरुद्ध यूएसए आमनेसामने आहेत. या सामन्यात टॉस गमावून बॅटिंगसाठी आलेल्या टीम इंडियाने जोरात सुरुवात केली. टीम इंडियाने आदर्श सिंह याच्या रुपात 46 धावावंर पहिली विकेट गमावली. त्यानंतर मुंबईकर मुशीर खान आणि सोलापूरकर अर्शीन कुलकर्णी या दोघांनी दुसऱ्या विकेटसाठी 155 धावांची भागीदारी केली. या दरम्यान अर्शीन आणि मुशीर या दोघांनी वैयक्तिक अर्धशतक झळकावली. त्यानंतर मुशीर खान 73 धावांवर आऊट झाला.
मुशीर खाननंतर कॅप्टन उदय सहारन मैदानात आला. मुशीर आऊट झाला तेव्हा अर्शीन शतकाच्या उंबरठ्यावर होता. अर्शीनने सामन्याच्या 41 व्या ओव्हरमध्ये 1 धावेची गरज असताना शानदार चौकार ठोकून खणखणीत शतक झळकावलं. अर्शीनने या शतकासह महाराष्ट्राची मान अभिमानाने उंचावली. तसेच अर्शीन अंडर 19 वर्ल्ड कप 2024 मध्ये शतक झळकावणारा दुसरा भारतीय फलंदाज ठरला. त्याआधी मुशीर खान याने मुशीर खान याने आयर्लंड विरुद्ध शतक ठोकलं होतं.
अर्शीनला शतक पूर्ण करण्यासाठी 110 चेंडूंचा सामना करावा लागला. अर्शीनने या शतकी खेळी दरम्यान 3 गगनचुंबी षटकार आणि 8 चौकार लगावले. अर्शीनने 50 धावा या चौकार आणि षटकारांच्या मदतीने 11 चेंडूत पूर्ण केल्या. अर्शीनला शतकानंतर मोठी खेळी करण्याची संधी होती. मात्र तो 8 धावा केल्यानंतर आऊट झाला. अर्शीनने 118 बॉलमध्ये 108 धावा केल्या. अतींद्र सुब्रमनियन याने आपल्या बॉलिंगवर पार्थ पटेल याच्या हाती अर्शीनला कॅच आऊट केलं.
अर्शीन कुलकर्णी याची शतकी खेळी
CENTURY for Arshin Kulkarni! 💯#TeamIndia 240/2 in the 41st over 👌👌
Follow the match ▶️ https://t.co/OAbsdAHOj5#BoysInBlue | #INDvUSA pic.twitter.com/je6scjqf0N
— BCCI (@BCCI) January 28, 2024
टीम इंडिया प्लेईंग ईलेव्हन | उदय सहारन (कॅप्टन), आदर्श सिंह, अर्शिन कुलकर्णी, मुशीर खान, प्रियांशु मोलिया, सचिन धस, अरवेल्ली अवनीश (विकेटकीपर), मुरुगन अभिषेक, नमन तिवारी, राज लिंबानी आणि सौम्य पांडे.
यूएसएस प्लेईंग ईलेव्हन | ऋषी रमेश (कर्णधार), प्रणव चेट्टीपलायम, भाव्या मेहता, सिद्दार्थ कप्पा, उत्कर्ष श्रीवास्तव, मानव नायक, अमोघ अरेपल्ली (विकेटकीपर), पार्थ पटेल, आरिन नाडकर्णी, अतींद्र सुब्रमण्यन आणि आर्य गर्ग.
