Sunil Gavaskar : सुनील गावस्करांचा मोठा सन्मान, पहिल्यांदाच भारतीय खेळाडूच्या नावावर इंग्लंडमध्ये स्टेडियम
गावस्कर हे कसोटी क्रिकेटमध्ये 10,000 धावा करणारे पहिले भारतीय खेळाडू आहेत. कसोटीत सर्वाधिक शतके करण्याचा विक्रमही त्यांच्या नावावर आहे. त्यांचा विक्रम सचिन तेंडुलकरने मोडलाय. आज त्यांचा सन्मान होतोय.
मुंबई : भारतीय क्रिकेटला (Indian Cricket) इंग्लंडमध्ये (England) मोठा मान मिळाला आहे. इंग्लंडमधील स्टेडियमला भारताचे माजी कर्णधार आणि महान फलंदाज सुनील गावस्कर (Sunil Gavaskar) यांचं नाव देण्यात येणार आहे. आज लेस्टर क्रिकेट मैदानाचं नाव बदलण्यात येणार आहे. इंग्लंडमधील एखाद्या स्टेडियमला भारतीय क्रिकेटपटूचं नाव देण्याची ही पहिलीच वेळ आहे. अमेरिकेतील केंटकी येथील एका मैदानाचे नाव ‘सुनील गावस्कर फील्ड’ आहे. त्याचवेळी टांझानियातील जानसीबारमध्ये ‘सुनील गावस्कर क्रिकेट स्टेडियम’ तयार केले जात आहे. आता गावस्कर यांना इंग्लंडमध्ये हा मान मिळाला आहे. लीसेस्टर क्रिकेट मैदानाचं नाव बदलण्याची मोहीम भारतीय वंशाचे खासदार कीथ वाझ यांनी सुरू केली होती. त्यांनी दीर्घकाळ लीसेस्टरचे प्रतिनिधित्व केलंय. गावस्कर हे कसोटी क्रिकेटमध्ये 10,000 धावा करणारे पहिले भारतीय खेळाडू आहेत. कसोटीत सर्वाधिक शतके करण्याचा विक्रमही त्यांच्या नावावर आहे. त्यांचा विक्रम सचिन तेंडुलकरने मोडलाय.
गावस्कर काय म्हणालेत?
या सन्मानाबाबत गावसकर म्हणाले, ‘मला खूप आनंद झाला आहे आणि मला सन्मानित करण्यात येतंय. कारण लेस्टरमधील एका मैदानाला माझ्या नावावर ठेवले जात आहे. लीसेस्टरमध्ये खेळासाठी प्रचंड पाठिंबा आहे. माझ्यासाठी हा खरोखरच मोठा सन्मान आहे.’ त्याचवेळी कीथ वाझ म्हणाले, ‘त्यांचा सन्मान होतोय यात आनंद आहे. गावसकर हे जगातील महान क्रिकेटपटूंपैकी एक आहेत. ते केवळ लिटल मास्टरच नाही तर या खेळाचा महान मास्टर देखील आहे.’
हायलाईट्स
- आज लेस्टर क्रिकेट मैदानाचं नाव बदलण्यात येणार आहे
- लीसेस्टर क्रिकेट मैदानाचं नाव बदलण्याची मोहीम भारतीय वंशाचे खासदार कीथ वाझ यांनी सुरू केली
- त्यांनी दीर्घकाळ लीसेस्टरचे प्रतिनिधित्व केलंय
- इंग्लंडमधील एखाद्या स्टेडियमला भारतीय क्रिकेटपटूचं नाव देण्याची ही पहिलीच वेळ
- अमेरिकेतील केंटकी येथील एका मैदानाचे नाव ‘सुनील गावस्कर फील्ड’ आहे
- कीथ वाझ म्हणाले, ‘त्यांचा सन्मान होतोय यात आनंद आहे.
सर्वाधिक शतके करण्याचा विक्रम
गावस्कर हे कसोटी क्रिकेटमध्ये 10,000 धावा करणारे पहिले भारतीय खेळाडू आहे. कसोटीत सर्वाधिक शतके करण्याचा विक्रमही त्याच्या नावावर आहे. त्यांचा विक्रम सचिन तेंडुलकरनं मोडला. गावस्कर यांनी भारतासाठी एकूण 125 कसोटी सामन्यांमध्ये 34 शतके झळकावली आहेत. यादरम्यान त्याच्या बॅटमधून 10122 धावा निघाल्या. कसोटीत त्याची सरासरी 51.12 आहे. गावसकर यांनी 108 एकदिवसीय सामन्यांमध्ये 3092 धावा केल्या.
दरम्यान, सुनील गावस्कर यांचा सन्मान होतोय. हे भारतीयांसाठी अभिमानास्पद आहे.
