रोहित शर्मा की विराट कोहली, टी-20 बेस्ट बॅट्समन कोण? गावस्करांनी सांगितलं तिसरंच नाव!

डिव्हिलियर्सकडे मैदानातील कोणत्याही कोपऱ्यात बॉल मारण्याची क्षमता आहे. तो कमी चेंडूत अधिकाधिक धावा जमवतो. त्यात अनेक बॉल सीमारेषेबाहेर धाडायचे डिव्हिलियर्सला माहिती आहे, असं गावस्कर म्हणाले. (Sunil Gavaskar Says AB De Villiers Best batsman T20 Cricket)

रोहित शर्मा की विराट कोहली, टी-20 बेस्ट बॅट्समन कोण? गावस्करांनी सांगितलं तिसरंच नाव!
रोहित शर्मा, विराट कोहली आणि सुनील गावस्कर
टीव्ही 9 मराठी डिजीटल टीम

| Edited By: Akshay Adhav

Jun 04, 2021 | 3:10 PM

मुंबई :  जागतिक टी 20 क्रिकेटमध्ये सर्वोत्तम फलंदाज कोण? याची चर्चा नेहमीच रंगत असते. विराट कोहली (Virat Kohli), रोहित शर्मा (Rohit Sharma), महेंद्रसिंग धोनी (MS Dhoni), डेव्हिड वॉर्नर (David Warnner), ए बी डिव्हिवियर्स (AB De Villiers ) या खेळाडूंच्या नावांची चर्चाही होते. भारताचे माजी दिग्गज खेळाडू सुनील गावस्कर (Sunil gavaskar) यांना टी ट्वेन्टी क्रिकेटमधला सर्वोत्तम फलंदाज कोण? असा प्रश्न विचारला गेला. यावेळी त्यांनी रोहित शर्मा किंवा विराट कोहलीचं नाव न घेता दक्षिण आफ्रिकेचा तडाखेबाज फलंदाज ए बी डिव्हिलियर्सचं नाव घेतलं.  (Sunil Gavaskar Says AB De Villiers Best batsman T20 Cricket)

डिव्हिलियर्स सर्वोत्तम टी 20 फलंदाज

गावस्करांनी रोहित शर्मा किंवा विराट कोहलीचं नाव टी ट्वेन्टीच्या सर्वोत्तम बॅट्समनमध्ये घेतलं नाही. डिव्हिलियर्सचं मोठेपण सांगताना क्रिकेटमधला कोणताही शॉट डिव्हिलियर्स अगदी आरामात खेळू शकतो तसंच त्याच्या भात्यातही काही आक्रमक शॉट्स आहेत ज्याद्वारे तो प्रतिस्पर्धी संघांच्या चिंधड्या उडवू शकतो, असं गावस्कर म्हणाले.

डिव्हिलियर्सकडे मैदानातील कोणत्याही कोपऱ्यात बॉल मारण्याची क्षमता आहे. तो कमी चेंडूत अधिकाधिक धावा जमवतो. त्यात अनेक बॉल सीमारेषेबाहेर धाडायचे डिव्हिलियर्सला माहिती आहे. तो लांबच-लांब षटकार मारण्यात देखील माहिर आहे. एकूणच काय तर टी ट्वेन्टी क्रिकेटमध्ये सर्वोत्तम फलंदाज बनण्यासाठी जे गुण लागतात, ते गुण डिव्हिलियर्सकडे आहेत, असं गावस्कर म्हणाले.

टी ट्वेन्टी क्रिकेट माझ्या आवडीचं

अनेक जुन्या जमान्यातील दिग्गज खेळाडूंचं टी ट्वेन्टी क्रिकेटविषयी तितकंस चांगलं मत नाहीय. याचं कारण म्हणजे टी ट्वेन्टी क्रिकेटमुळे कसोटी क्रिकेटकडे तेवढं लक्ष दिलं जात नाही किंबहुना कसोटीला दुय्यम मानलं जातं. परंतु गावस्करांनी मला टी ट्वेन्टी क्रिकेट आवडत असल्याचं म्हटलं आहे.

मला माहिती आहे की आमच्या जमान्यातील बऱ्याचश्या खेळाडूंना टी ट्वेन्टी क्रिकेट आवडत नाही परंतु असं असलं तरी टी ट्वेन्टी क्रिकेट मला मात्र खूप आवडतं. मला टी ट्वेन्टी आवडत त्याची दोन कारणं आहेत. एकतर तीन ते चार तासांत खेळ संपतो आणि दुसरं म्हणजे लगोलग निकाल लागतो, असं गावस्कर म्हणाले.

(Sunil Gavaskar Says AB De Villiers Best batsman T20 Cricket)

हे ही वाचा :

VIDEO : मुलाचा अनोखा हेअर कट, द ग्रेट खलीच्या व्हिडीओवर भन्नाट कमेंट्स

सुनील गावस्करांची भविष्यवाणी, भारत-इंग्लंड मालिका कोण जिंकणार, स्पष्टच सांगितलं!

Photo : विराट कोहली-अनुष्का शर्माचं मुंबईतलं घर कसं आहे? पाहा फोटो…

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें