आरसीबीला जमलं नाही..! आयपीएल स्पर्धेतील 12 सामन्यात सनरायझर्स हैदराबादची विक्रमी कामगिरी
आयपीएल 2026 स्पर्धेत सनरायझर्स हैदराबाद आपला शेवटचा साखळी फेरीचा सामना आरसीबीविरुद्ध खेळला. हा सामना हैदराबादने 55 धावांनी जिंकला. पण टॉप 2 मध्ये काही स्थान मिळालं. पण एक विक्रम अबाधित राखण्यात यश मिळालं. हा विक्रम मोडणं आरसीबीलाही जमलं नाही.
आयपीएल 2026 स्पर्धेतील जेतेपद कोण मिळवणार याची उत्सुकता वाढली आहे. रॉयल चॅलेंजर्स बंगळुरू, गुजरात टायटन्स आणि सनरायझर्स हैदराबाद यांनी प्लेऑफमध्ये जागा पक्की केली आहे. तर 24 मे रोजी राजस्थान रॉयल्स आणि मुंबई इंडियन्सविरुद्धच्या सामन्यानंतर चौथा संघ कोण ते कळेल? सनरायझर्स हैदराबादने आरसीबीला पराभूत करून 18 गुण कमावले आहेत. पण नेट रनरेटचं गणित चुकल्याने तिसऱ्या स्थानावर समाधान मानावं लागले आहे. त्यामुळे क्वॉलिफायर 1 मध्ये खेळण्याचं स्वप्न भंगलं. आरसीबीला पराभूत करूनही तसा उपयोग झाला नाही. पण हैदराबादने हा सामना जिंकून आपला अभेद्य विक्रम कायम ठेवला आहे. हा विक्रम मोडणं आरसीबीलाही जमलं नाही.
सनरायझर्स हैदराबादने नाणेफेकीचा कौल जिंकल्यानंतर प्रथम फलंदाजी स्वीकारली. तसेच 255 धावांचा डोंगर उभा केला. या धावा रोखायचं तर होत्या, पण विजय किमान 90 धावांनी हवा होता. पण तसं झालं नाही आरसीबीने 200 धावा केल्या आणि सनरायझर्स हैदराबादने 55 धावांनी विजय मिळवला. त्यामुळे टॉप 2 चं गणित चुकलं. या पराभवामुळे रॉयल चॅलेंजर्स बंगळूरचे फारसे नुकसान झाले नाही. पण सनरायझर्स हैदराबादने एक विक्रम कायम राखला आहे. हा विक्रम म्हणजे, 220 पेक्षा जास्त धावा करूनही कधीही न हरणे.
रेकॉर्डनुसार, सनरायझर्स हैदराबादने प्रथम फलंदाजी करताना 12 वेळा 220 पेक्षा जास्त धावा केल्या आहेत. पण प्रत्येक वेळी या धावा वाचवण्यात यश मिळालं आहे. म्हणजेच आतापर्यंत 12 सामन्यात अशी कामगिरी केली आणि सर्वच्या सर्व सामने जिंकले. त्यामुळे या धावसंख्येसोबत 12-0 असा रेकॉर्ड आहे.
एका पर्वात सर्वाधिक 200 धावांचा विक्रम
पॅट कमिन्सच्या नेतृत्वात सनरायझर्स हैदराबादने या पर्वात नवव्यांदा एका डावात 200 धावांचा पल्ला ओलांडला आहे. हा आयपीएलमधील एक मोठा विक्रम आहे. सनरायझर्स हैदराबादव्यतिरिक्त पंजाब किंग्सने (2025 आणि 2026), आरसीबीने (2026) आणि गुजरात टायटन्सने (2025) मध्ये ही कामगिरी आठ वेळा केली आहे. पण या तीन संघांना मागे टाकत हैदराबादने ही कामगिरी नऊ वेळा केली आहे. आता या विक्रमाची बरोबरी आणि पुढे जाण्याची संधी पंजाब किंग्स आणि आरसीबी या संघांना आहे.
