वनडे क्रिकेटमधील 5000 सामन्यांचा प्रवास, भारताची विक्रमी पकड! सचिनचा धावा ते रोहित-विराटचा रेकॉर्ड

पुरूषांच्या वनडे क्रिकेट प्रवासात 5000 सामन्यांचा पल्ला गाठला गेला आहे. या फॉर्मेटमध्ये भारतीय खेळाडूंचं वर्चस्व असल्याचं दिसून आलं आहे. जवळपास 80 टक्के मोठे विक्रम भारतीयांच्या नावावर आहेत. हे विक्रम मोडणं वाटतं तितकं सोपं नाही.

वनडे क्रिकेटमधील 5000 सामन्यांचा प्रवास, भारताची विक्रमी पकड! सचिनचा धावा ते रोहित-विराटचा रेकॉर्डImage Credit source: PTI

Rakesh Thakur | Updated on: Aug 08, 2026 | 9:13 PM

पुरूषांच्या वनडे क्रिकेट फॉर्मेटमध्ये एक मैलाचा दगड गाठला गेला आहे. आंतरराष्ट्रीय क्रिकेटमध्ये 5000 वनडे सामने खेळले गेले आहेत. वनडे क्रिकेटच्या जन्मापासून आतापर्यंत 5000 वनडे सामने खेळले गेले आहेत. 50 वर्षांच्या कालावधीत हा पल्ला गाठला गेला आहे. या वनडे फॉर्मेटच्या 5000 सामन्यात झालेल्या विक्रमांची आकडेवारी काढली तर भारताचा वरचष्मा आहे. भारतीय फलंदाजांनी वनडे क्रिकेट फॉर्मेट खऱ्या अर्थाने गाजवला आहे. सचिन तेंडुलकर, विराट कोहली, रोहित शर्मा आणि महेंद्रसिंह धोनीसारख्या दिग्गज खेळाडूंनी भारतीयांची मान गौरवाने उंचावली आहे. भारतीय खेळाडूंनी वनडे क्रिकेटमध्ये केलेले विक्रम सहजासहजी मोडणं कठीण आहे. सर्वाधिक धावा ते सर्वाधिक शतकं, सर्वाधिक सरासरी आणि बरंच काही भारतीय फलंदाजांनी केलं आहे. चला जाणून घेऊयात वनड क्रिकेटमधील विक्रमांबाबत…

भारतीय खेळाडूंचा वनडे क्रिकेटमध्ये विक्रमी दबदबा

सर्वाधिक सामने: सचिन तेंडुलकर (463 सामने)
सर्वाधिक धावा: सचिन तेंडुलकर (18426 धावा)
सर्वोच्च धावसंख्या: रोहित शर्मा (264 धावा)
सर्वोत्तम फलंदाजी सरासरी: विराट कोहली (58.59)
सर्वाधिक द्विशतके: रोहित शर्मा (3 वेळा)
सर्वाधिक शतके: विराट कोहली (54 शतके)
सर्वाधिक अर्धशतके: सचिन तेंडुलकर (96 अर्धशतके)
सर्वाधिक चौकार: सचिन तेंडुलकर (2016 चौकार)
सर्वाधिक षटकार: रोहित शर्मा (369 षटकार)
सर्वाधिक वेळा नाबाद: एम.एस. धोनी (84 वेळा)
सर्वाधिक सामनावीर पुरस्कार: सचिन तेंडुलकर (62 वेळा)
सर्वाधिक मालिकावीर पुरस्कार: सचिन तेंडुलकर (15 वेळा)

वनडे क्रिकेटमध्ये भारताचा वरचष्मा आहे. इतकंच काय तर यशस्वी भागीदारीचा विक्रमही सचिन तेंडुलकर आणि सौरव गांगुलीच्या नावावर आहे. या जोडीने 8227 धावा केल्या असून त्यात 26 शतकी भागीदारी आहेत.