युवराज सिंहकडून गोल्डन बूट गिफ्ट, विराट कोहलीचा सिक्सर किंगला हळवा संदेश, म्हणाला ‘जमाना याद करेगा!’

भारताचा माजी अष्टपैलू क्रिकेटपटू युवराज सिंग (Yuvraj Singh) आणि विराट कोहली (Virat Kohli) किती चांगले मित्र आहेत हे सर्वांना माहीत आहे. त्यांच्या मैत्रीला सोशल मीडियावर चाहते अनेकदा सलाम करत असतात. आता पुन्हा एकदा दोघांची मैत्री पाहायला मिळाली आहे.

Virat Kohli - Yuvraj Singh

अक्षय चोरगे, टीव्ही 9 मराठी डिजीटल टीम | Updated on: Feb 23, 2022 | 2:33 PM

मुंबई : भारताचा माजी अष्टपैलू क्रिकेटपटू युवराज सिंग (Yuvraj Singh) आणि विराट कोहली (Virat Kohli) किती चांगले मित्र आहेत हे सर्वांना माहीत आहे. त्यांच्या मैत्रीला सोशल मीडियावर चाहते अनेकदा सलाम करत असतात. आता पुन्हा एकदा दोघांची मैत्री पाहायला मिळाली आहे. विराट कोहलीने सोशल मीडियावर एका पोस्टद्वारे (Virat Kohli Post) युवराज सिंगला सलाम केला आहे. खरं तर, मंगळवारी युवराज सिंगने विराट कोहलीला गोल्डन बूट भेट म्हणून दिले आणि एक अतुलनीय कर्णधार आणि खेळाडू म्हणून त्याचे वर्णन केले. युवराजच्या त्या पोस्टनंतर आता विराट कोहलीने सिक्सर किंगला उत्तर दिले आहे. विराट कोहलीने युवराज सिंगसोबतचा फोटो पोस्ट करत एक हळवा संदेश पोस्ट केला आहे.

विराट कोहलीने सोशल मीडियावर लिहिले आहे की, ‘धन्यवाद युवी पा, (दादा) मला पहिल्या दिवसापासून खेळताना पाहणाऱ्याने अशा भावना व्यक्त केल्या आहेत. याला खूप मोठा अर्थ आहे. तुमचे जीवन आणि तुम्ही कर्करोगाला हरवून पुनरागमन करणे केवळ क्रिकेटसाठीच नव्हे तर सर्व स्तरातील लोकांसाठी प्रेरणादायी होते आणि राहील. तुम्ही काय आहात हे मला माहीत आहे. तुम्ही नेहमीच खूप उदार आहात आणि तुमच्या सभोवतालच्या लोकांची काळजी घेता. आता आपण दोघेही वडील झालो आहोत मी या नवीन प्रवासात तुम्हाला खूप आनंद मिळावा अशा शुभेच्छा देतो. रब (ईश्वर) तुझं भलं करो.

Yuvi Pa thank you for this lovely gesture.Your comeback from cancer will always be an inspiration for people in all walks of life not just cricket. You have always been generous and caring for people around you.I wish you all the happiness,God bless @YUVSTRONG12. Rab rakha ?? pic.twitter.com/KDrd2JQCHU

— Virat Kohli (@imVkohli) February 23, 2022

मंगळवारी युवराज सिंगने विराट कोहलीसाठी एक लांबलचक पोस्ट लिहिली होती. युवराज सिंगने लिहिले होते, ‘विराट कोहली… मी तुला क्रिकेटर आणि माणूस म्हणून मोठा होताना पाहिले आहे. भारतीय क्रिकेटमधल्या महान खेळाडूंच्या खांद्याला खांदा लावून चालणारा तरुण आज स्वतः एक महान खेळाडू झाला आहे. तुझी शिस्त, उत्साह आणि मैदानावरील योगदान या देशातील प्रत्येक युवा खेळाडूसाठी प्रेरणादायी आहे, जो एक दिवस निळी जर्सी घालण्याचे स्वप्न पाहतो.

To the little boy from Delhi @imvkohli I want to dedicate this special shoe to you,celebrating your career n time as captain which has brought smiles to millions of fans all over the world. I hope you stay the way YOU are, play the way YOU do and keep making the country proud! pic.twitter.com/mwVPPh0JwU

— Yuvraj Singh (@YUVSTRONG12) February 22, 2022