WIND vs WSA: टीम इंडिया-दक्षिण आफ्रिका आमनेसामने, कोण जिंकणार?
India Women vs South Africa Women 2nd Odi Live Streaming: वूमन्स टीम इंडिया विरुद्ध वूमन्स दक्षिण आफ्रिका यांच्यात 3 सामन्यांची एकदिवसीय मालिका खेळवण्यात येत आहे.
महिला दक्षिण आफ्रिका क्रिकेट संघ भारत दौऱ्यावर आहे. दक्षिण आफ्रिका या दौऱ्यात टीम इंडिया विरुद्ध एकदिवसीय मालिका, एकमेव कसोटी आणि टी 20 मालिका होणार आहे. सध्या उभयसंघात 3 सामन्यांची एकदिवसीय मालिका खेळवण्यात येत आहे. टीम इंडिया या मालिकेत 1-0 ने आघाडीवर आहे. टीम इंडियाने मालिकेतील सलामीच्या सामन्यात 143 धावांनी विजय मिळवला. त्यानंतर आता टीम इंडिया दुसरा सामना जिंकण्यासाठी सज्ज आहे. टीम इंडियाला दुसरा सामना जिंकून मालिका विजयाची संधी आहे. तर दक्षिण आफ्रिकेला मालिकेतील आव्हान कायम ठेवण्यासाठी दुसरा सामना कोणत्याही परिस्थितीत जिंकावं लागणार आहे. त्यामुळे दुसऱ्या सामन्यात रंगत पाहायला मिळणार आहे.
टीम इंडिया विरुद्ध दक्षिण आफ्रिका सामना केव्हा?
टीम इंडिया विरुद्ध दक्षिण आफ्रिका सामना बुधवारी 19 जून रोजी होणार आहे.
टीम इंडिया विरुद्ध दक्षिण आफ्रिका सामना कुठे?
टीम इंडिया विरुद्ध दक्षिण आफ्रिका सामना बंगळुरुतील एम चिन्नास्वामी स्टेडियममध्ये होणार आहे.
टीम इंडिया विरुद्ध दक्षिण आफ्रिका सामन्याला किती वाजता सुरुवात होणार?
टीम इंडिया विरुद्ध दक्षिण आफ्रिका सामना दुपारी 1 वाजून 30 मिनिटांनी सुरु होईल. तर 1 वाजता टॉस होईल.
टीम इंडिया विरुद्ध दक्षिण आफ्रिका सामना टीव्हीवर कुठे पाहायला मिळेल?
टीम इंडिया विरुद्ध दक्षिण आफ्रिका सामना टीव्हीवर स्पोर्ट्स 18 नेटवर्कवरील चॅनेल्सवर पाहायला मिळेल.
टीम इंडिया विरुद्ध दक्षिण आफ्रिका सामना मोबाईलवर कुठे बघता येईल?
टीम इंडिया विरुद्ध दक्षिण आफ्रिका सामना जिओ सिनेमा एपवर मोफत पाहायला मिळेल.
वूमन्स टीम इंडिया: हरमनप्रीत कौर (कॅप्टन), शफाली वर्मा, स्मृती मानधना, दयालन हेमलता, जेमिमाह रॉड्रिग्स, रिचा घोष (विकेटकीपर), दीप्ती शर्मा, पूजा वस्त्राकर, राधा यादव, आशा शोभना, रेणुका ठाकूर सिंग, अरुंधती रेड्डी, श्रेयंका पाटील, प्रिया पुनिया, सायका इशाक आणि उमा चेत्री.
दक्षिण आफ्रिका वूमन्स टीम : लॉरा वोल्वार्ड (कर्णधार), तझमिन ब्रिट्स, अनेके बॉश, सुने लुस, मारिझान कॅप, ॲनेरी डेर्कसेन, नॉन्डुमिसो शांगासे, सिनालो जाफ्ता (विकेटकीपर), मसाबता क्लास, नॉनकुलुलेको म्लाबा, अयाबोंगा खाका, डेल्मी टकर, तुमी सेखुखुने, मिके डी रिडर, नादिन डी क्लर्क आणि एलिझ-मारी मार्क्स.