RCBW vs UPW: रॉयल चॅलेंजर्स बंगळुरुने गुणतालिकेत गाठलं अव्वल स्थान, स्मृती मंधाना श्रेय देत म्हणाली…
वुमन्स प्रीमियर लीग 2026 स्पर्धेतील पाचवा सामना रॉयल चॅलेंजर्स बंगळुरु आणि यूपी वॉरियर्स यांच्यात पार पडला हा सामना आरसीबीने 9 गडी राखून 12.1 षटकात जिंकला. या विजयासह आरसीबीने अव्वल स्थान गाठलं आहे. या विजयानंतर स्मृती मंधानाने श्रेय कोणाला दिलं ते जाणून घ्या
वुमन्स प्रीमियर लीग 2026 स्पर्धेतील पाचव्या सामन्यात रॉयल चॅलेंजर्स बंगळुरु आणि यूपी वॉरियर्स हे संघ आमनेसामने आले होते. या सामन्यात नाणेफेकीचा कौल आरसीबीच्या बाजूने लागला आणि प्रथम गोलंदाजी स्वीकारली. दव फॅक्टर पाहता यूपी वॉरियर्सकडून मोठ्या धावसंख्येची अपेक्षा होती. मात्र यूपीचा संघ 20 षटकात 5 गडी गमवून 143 धावा करू शकला. तसेच विजयासाठी 144 धावांचं आव्हान दिलं. हे आव्हान रॉयल चॅलेंजर्स बंगळुरूने 1 विकेट गमवून 12.1 षटकात पूर्ण केलं. या विजयासह या स्पर्धेतील सलग दुसऱ्या विजयाची नोंद केली आहे. या विजयामुळे गुणतालिकेत 4 गुण आणि +1.964 नेट रनरेटसह पहिलं स्थान गाठलं आहे. तर युपी वॉरियर्सने सलग दोन सामने गमावल्याने खात्यात काहीच नाही. त्यामुळे शेवटच्या स्थानावर समाधान मानावं लागलं आहे. स्पर्धेची सुरुवात निराशाजनक झाल्याने यूपी वॉरियर्सची कर्णधार मेन लॅनिंगने आपल्या निराशाजनक भावना व्यक्त केल्या.
यूपी वॉरियर्सची कर्णधार मेग लॅनिंग म्हणाली की, ‘आम्हाला एक-दोन विजयांनी सुरुवात करायला आवडले असते. पण आज रात्री आरसीबीने आम्हाला हरवले. त्यांनी सुरुवातीला खूप चांगली गोलंदाजी केली, आमच्यावर दबाव आणला आणि आम्हाला धावा काढू दिल्या नाही. ही आमची सर्वोत्तम रात्र नव्हती, पण चांगली गोष्ट म्हणजे सामने कठीण आणि जलद होतात, त्यामुळे आम्ही लवकर पुढे जाऊ शकतो. काही ठिकाणी निश्चितच आपल्याला काम करावं लागेल. विशेषतः वरच्या क्रमात, मी स्वतःसह. आमच्याकडे सुरुवातीला खूप डॉट बॉल गेले. पण आरसीबीचे श्रेय, ते सुरुवातीला उत्कृष्ट होते आणि एकदा ते पुढे गेले की त्यांनी खरोखरच खेळ जिंकला. आम्ही त्याचा आढावा घेऊ, आम्ही काय सुधारू शकतो ते पाहू आणि पुढे जाऊ.’
आरसीबीची कर्णधार स्मृती मंधानाने या विजयासाठी लॉरेन बेलचं कौतुक केलं. स्मृती मंधाना म्हणाली की, ‘मी फक्त विनोद करत होतो की ती घरूनच योजना आखून येते. कारण शेवटचे दोन सामने, पहिले तीन षटके, म्हणजे, ती कोणालाही चेंडूला स्पर्श करू देत नाही. मला वाटते की ती असे करत राहू शकते आणि आमच्यासाठी टोन सेट करू शकते. म्हणजे, फक्त सहा षटके आणि २० धावा देणे, म्हणजे स जिंकल्यावर तुम्ही अशा प्रकारे गोलंदाजी सुरू करता.’
आरसीबीची कर्णधार स्मृती मंधाना म्हणाली की, ‘आरसीबीसोबत, मी एक गोष्ट शिकलो आहे ती म्हणजे कोणत्याही गोष्टीबद्दल जास्त बोलू नका. तुम्हाला फक्त तुमचे काम करत राहावे लागेल. पुन्हा एकदा, मला वाटते की फक्त तुमचे कठोर परिश्रम करावे लागतील. आणि मला वाटते की गेल्या तीन, चार वर्षांत हा आमच्याकडे असलेला सर्वात मेहनती गट आहे. प्रत्येकजण खरोखरच सक्रिय झाला आहे. म्हणून, आम्ही फक्त लहान गोष्टींवर लक्ष केंद्रित करत आहोत आणि गोष्टी योग्यरित्या करत आहोत. ‘
