यासीन मलिकच्या शिक्षेने Shahid Afridi ला मिर्च्या झोंबल्या, भारताविरोधात गरळ ओकली
आता बंदी घातलेली संघटना JKLF चा प्रमुख यासीन मलिकला शिक्षा होण्याआधी शाहिद आफ्रिदीला मिर्च्या झोंबल्या आहेत. आफ्रिदीने यासीन मलिकला (Yasin Malik) शिक्षा ठोठावण्याआधी भारतविरोधी वक्तव्य केलं आहे.
मुंबई: क्रिकेटमधुन निवृत्ती घेतली असली, शाहीद आफ्रिदी (Shahid Afridi) नेहमीच चर्चेत असतो. आफ्रिदीने अलीकडच्या काही वर्षात सातत्याने भारतविरोधी भूमिका घेतली आहे. काश्मीर मुद्यावरुन सातत्याने त्याने भारत विरोधी वक्तव्य केली आहेत. आता बंदी घातलेली संघटना JKLF चा प्रमुख यासीन मलिकला शिक्षा होण्याआधी शाहिद आफ्रिदीला मिर्च्या झोंबल्या आहेत. आफ्रिदीने यासीन मलिकला (Yasin Malik) शिक्षा ठोठावण्याआधी भारतविरोधी वक्तव्य केलं आहे. यासीन मलिकला टेरर फंडिंग प्रकरणात NIA कोर्टाने दोषी ठरवलं आहे. यासीन मलिकला शिक्षा ठोठावण्याआधी शाहीद आफ्रिदी आणि अन्य पाकिस्तानी नेत्यांनी मोदी सरकार आणि भारताविरोधात वक्तव्य केली आहेत. टि्वटस केली आहेत.
शाहिद आफ्रिदीने काय टि्वट केलय
“भारत नेहमीप्रमाणे मानवाधिकार उल्लंघनाविरोधात उठणारा आवाज दाबण्याचा प्रयत्न करतोय. त्यांचे हे प्रयत्न निरर्थक आहेत. यासीन मलिकवर खोटे आरोप लावण्यात आले आहेत. त्याने काश्मीरचा स्वातंत्र्य संघर्ष थांबणार नाही. मी संयुक्त राष्ट्राला विनंती करतो की, त्यांनी काश्मिरी नेत्यांविरोधात सुरु असलेल्या या बेकायद, अन्यायकारक गोष्टींची दखल घ्यावी” असं शाहिद आफ्रिदीने आपल्या टि्वटमध्ये म्हटलं आहे.
India’s continued attempts to silence critical voices against its blatant human right abuses are futile. Fabricated charges against #YasinMalik will not put a hold to #Kashmir‘s struggle to freedom. Urging the #UN to take notice of unfair & illegal trails against Kashmir leaders. pic.twitter.com/EEJV5jyzmN
— Shahid Afridi (@SAfridiOfficial) May 25, 2022
कोणी, कोणी टि्वट केलय?
फक्त शाहिद आफ्रिदीच नव्हे, तर पाकिस्तानचे विद्यमान पंतप्रधान शाहबाज शरीफ, माजी पंतप्रधान इमरान खान यांनी सुद्धा यासिन मलिकला शिक्षा ठोठावू नये, यासाठी टि्वट केले आहेत. भारताच्या अंतर्गत विषयात पाकिस्तानी नेते आणि क्रिकेटपटू नेहमीच भाष्य करत असतात.
कोणत्या कलमांतर्गंत यासीन दोषी?
कलम 16 (दहशतवादी कारवाया), 17 (दहशतवादी कारवायांसाठी निधी उभारणे), 18 (दहशतवादी कृत्य करण्याचा कट) आणि 20 (दहशतवादी गट किंवा संघटनेचा सदस्य असणे) या कलमांसाठी तो दोषी असल्याचे यासीन मलिकने न्यायालयाला सांगितले होते. UAPA आणि भारतीय दंड संहितेच्या कलम 120-B (गुन्हेगारी कट) आणि 124-A (देशद्रोह) अशा विविध गुन्ह्यात यासिनला दोषी ठरवण्यात आले आहे.
