UEFA EURO 2020 | सामन्यादरम्यान डेन्मार्कचा दिग्गज फुटबॉलपटू मैदानातच कोसळला, बेशुद्धावस्थेत रुग्णालयात दाखल, सामना स्थगित
यूरो कप 2020 (Euro Cup 2020) स्पर्धेतील Denmark vs Finland सामनादरम्यान डेन्मार्कचा दिग्गज मिडफिल्डर ख्रिश्चन एरिक्सन (Christian Eriksen) अचानक मैदानावर बेशुद्ध पडल्याची घटना घडली आहे.
कोपनहेगन : यूरो कप 2020 (Euro Cup 2020) स्पर्धेतील Denmark vs Finland सामनादरम्यान डेन्मार्कचा दिग्गज मिडफिल्डर ख्रिश्चन एरिक्सन (Christian Eriksen) अचानक मैदानावर बेशुद्ध पडल्याची घटना घडली आहे. त्यामुळे हा सामना स्थगित करण्यात आला. या घटनेमुळे फुटबॉल जगताला मोठा धक्का बसला आहे. कोपनहेगनच्या पार्कन स्टेडिअमवर (Copenhagen Parken Stadium) फिनलँड आणि डेन्मार्क यांच्यात शनिवारी हा सामना खेळवला जात होता. या सामन्याच्या फर्स्ट हाफमध्ये एरिक्सन मैदानावर बेशुद्ध पडला. (Denmarks Christian Eriksen conscious in hospital after collapsing at Euro 2020)
एरिक्सन पडल्याचे पाहून दोन्ही संघातील खेळाडू आणि क्षेत्ररक्षकांनी तातडीने त्याच्या दिशेने धाव घेतली. तसेच हा सामना थांबवण्यात आला. यानंतर एरिकस्नवर तात्काळ वैद्यकीय उपचार करण्यात आले. प्रथमोपचारानंतर त्याला पुढील उपचारासाठी रुग्णालयात हलवण्यात आले आहे.
या पार्श्वभूमीवर यूरो कप 2020 (Euro Cup 2020) स्पर्धेतील फिनलँड आणि डेन्मार्क यांच्यातील सामना वैद्यकीय आपत्कालीन परिस्थितीमुळे त्वरित स्थगित करण्यात आला. एरिक्सन मैदानात पडल्याचे पाहून सर्व प्रेक्षक स्तब्ध झाले. तसेच मैदानातही निरव शांतता पसरली होती. त्याच्या चाहत्यांच्या डोळ्यात अश्रू तरळले. तर डेन्मार्कमधील अनेक खेळाडूंना मैदानातच रडू कोसळले.
The UEFA EURO 2020 match in Copenhagen has been suspended due to a medical emergency.
— UEFA (@UEFA) June 12, 2021
ही बातमी वाऱ्यासारखी सर्वत्र पसरली. यानतंर चाहत्यांनी तो लवकर बरा व्हावा यासाठी सोशल मीडियावर प्रार्थना केली आहे. ट्विटरवर हॅशटॅगदेखील ट्रेंड होऊ लागला आहे.
प्रकृती स्थिर
दरम्यान, एरिक्सनच्या प्रकृतीसंदर्भात UEFA ने दिलेल्या अधिकृत निवेदनात असे सांगण्यात आले की, त्याची प्रकृती सध्या स्थिर असून त्याला रुग्णालयातच ठेवलं जाणार आहे.
Following the medical emergency involving Denmark’s player Christian Eriksen, a crisis meeting has taken place with both teams and match officials and further information will be communicated at 19:45 CET.
The player has been transferred to the hospital and has been stabilised.
— UEFA (@UEFA) June 12, 2021
हे ही वाचा
या अंपायरने अंपायरींग केली की टीम इंडिया मॅच हरतेच, WTC फायनलसाठी ICC कडून ‘या’ अंपायरची घोषणा!
WTC Final : ‘हे’ दोन खेळाडू करु शकतात कमाल, माजी भारतीय क्रिकेटपटूची भविष्यवाणी
(Denmarks Christian Eriksen conscious in hospital after collapsing at Euro 2020)
