Video : ख्रिस्तियानो रोनाल्डोच्या उपस्थित अल नस्रचा पहिला पराभव, कर्णधाराने असा काढला राग
फीफा फुटबॉलमध्ये पराभव स्वीकारावा लागल्यानंतर रोनाल्डो रडताना दिसला होता. आता एका पराभवामुळे पुरता हतबल झाल्याचं दिसून आला. तसेच प्रेक्षकांनीही डिवचल्याने राग अनावर झाला.
मुंबई : फुटबॉल स्टार ख्रिस्तियानो रोनाल्डो सध्या अल नस्र क्लबसाठी खेळत आहे. पण सौदी प्रो लीगच्या एका सामनम्यात अल इत्तेहानं रोनाल्डोच्या अल नस्रला पराभवाचं पाणी पाजलं. 38 वर्षीय रोनाल्डो क्लबसोबत खेळताना हा पहिलाच पराभव आहे. पराभवानंतर गुणतालिकेतील अव्वल स्थानही गमावलं आहे. रोनाल्डो अल इत्तेहाद विरुद्ध संपूर्ण सामना खेळला पण एकही गोल करू शकला नाही. संघाला 1-0 ने हार पत्कारावी लागली. रोनाल्डोजवळ दुसऱ्या सत्रात गोल करण्याची नामी संधी होती. फ्री किकला गोलमध्ये परावर्तित करण्यात रोनाल्डोला अपयश आलं.
पराभवानंतर रोनाल्डो चांगलाच वैतागलेला दिसला. त्याच्या चेहऱ्यावरील हावभाव सर्व काही सांगत होते. ड्रेसिंग रुममध्ये जात असताना त्याने अखेर आपला राग एका बॉटलवर काढला. बॉटलवर जोरदार लाथ मारत आपला राग व्यक्त केला. यावेळी इत्तेहादचे चाहते त्याला मेस्सी-मेस्सी करत चिडवत होते. हा व्हिडीओ सोशल मीडियावर व्हायरल होत आहे.
— Out Of Context Football (@nocontextfooty) March 9, 2023
पराभवानंतर रोनाल्डोने ट्वीट करत आपल्या भावना व्यक्त केल्या आहेत. “निकालामुळे मी पुरता निराश आहे. पण सीझनमधील पुढच्या सामन्यात पुनरागमन करू आणि आपल्या संघाला सपोर्ट केल्याबद्दल चाहत्यांचे आभार.”
Disappointed with the result, but we stay focused on our season and the games ahead.??Thank you Al Nassr fans for your support, we know we can count on you!???? pic.twitter.com/9L61mC2Jfn
— Cristiano Ronaldo (@Cristiano) March 9, 2023
पहिल्या सत्रात रोनाल्डोच्या अल नस्र संघाला गोल करण्याचे काही संधी मिळाल्या. रोनाल्डोने गोल पोस्टकडे जोरदार किक मारली खरी पण अल इत्तेहादच्या गोलकिपर मार्सेलो ग्रोहने बॉल पकडला. दुसऱ्या हाफमध्ये इत्तेहाद संग गोल करण्यात यशस्वी ठरला.
सामन्याच्या 80 व्या मिनिटाता ब्राझीलच्या रोमारिंहो गोल करत अल इत्तेहादला महत्त्वपूर्ण आघाडी मिळवून दिली. मात्र त्यानंतर गोलची बरोबरी करताना रोनाल्डोच्या संघाची चांगलीच दमछाक झाली.
