रोहितचं शतक हुकलं, राहुलची सेंच्युरी झाली; भारताने इंडिजविरुद्ध उभारला धावांचा डोंगर, आव्हान किती?

भारत आणि वेस्ट इंडिज यांच्यातील तिसरा एकदिवसीय सामना न्यू पीसीए स्टेडियमवर खेळला जात आहे. भारताने नाणेफेक जिंकून प्रथम फलंदाजी करण्याचा निर्णय घेतला आहे. केएल राहुलच्या १२९ धावा ८७ चेंडूंमध्ये १० चौकार आणि ६ षटकारांसह आल्या. यामुळे भारताला वेस्ट इंडिजविरुद्धच्या तिसऱ्या एकदिवसीय सामन्यात ७ गडी गमावून ३५१ धावांपर्यंत पोहोचण्यास मदत झाली. संघाने शेवटच्या १० षटकांत १०५ धावा केल्या. ४ धावांत दोन गडी गमावल्यानंतर संघ फलंदाजीच्या पॉवरप्लेमध्ये केवळ २८ धावाच करू शकला. असे असूनही त्यांना ३५१ धावांपर्यंत पोहोचण्यात यश आले.

भारताने वेस्ट इंडिजसमोर ३५२ धावांचे लक्ष्य ठेवले आहे. भारताने नाणेफेक जिंकून प्रथम फलंदाजी करण्याचा निर्णय घेतला/ केएल राहुलच्या शतकाच्या जोरावर ५० षटकांत ७ गडी गमावून ३५१ धावा केल्या, ज्यामुळे वेस्ट इंडिजसमोर विजयासाठी ३५२ धावांचे लक्ष्य ठेवले आहे. या सामन्यात रोहित शर्माने ९२ धावांची खेळी केली आणि त्याचे शतक हुकले, तर शुभमन गिल केवळ एक धाव काढून बाद झाला.

विराट कोहलीला या सामन्यात आपले खातेही उघडता आले नाही, तर ऋतुराज गायकवाडने ५७ धावांची खेळी केली आणि नमन धीरने ३० धावा केल्या. केएल राहुलने ४१ चेंडूंमध्ये आपले अर्धशतक पूर्ण केले आणि ८० चेंडूंमध्ये शतक झळकावले. केएल राहुल १२९ धावांची नाबाद खेळी खेळला, तर ब्रार ८ धावा करून नाबाद राहिला. नितीश कुमार रेड्डी ६ धावा करून बाद झाला, तर अंशुल कंबोजने १७ धावांची खेळी केली. वेस्ट इंडिजकडून जयडेन सिल्सने सर्वाधिक ३ बळी घेतले.

भारताने या सामन्यासाठी आपल्या अंतिम ११ खेळाडूंमध्ये तीन बदल केले. नितीश रेड्डी, मोहम्मद सिराज आणि अंशुल कंबोज यांचा संघात समावेश करण्यात आला. यशस्वी जैस्वालला संघात स्थान देण्यात आले नाही. वेस्ट इंडिजनेही आपल्या अंतिम ११ खेळाडूंमध्ये तीन बदल केले. आता हे आव्हान वेस्ट इंडिज पूर्ण करत का? हे पाहणं महत्त्वाचं ठरणार आहे.