Lakshya Sen चा इंडोनेशिया मास्टर्स 2022 स्पर्धेच्या क्वार्टर फायनलमध्ये पराभव
भारताच्या लक्ष्य सेनचं (Lakshya Sen) इंडोनेशिया मास्टर्स 2022 स्पर्धेच्या (Indonesia Masters 2022) क्वार्टर फायनलमध्ये आव्हान संपुष्टात आलय.
मुंबई: भारताच्या लक्ष्य सेनचं (Lakshya Sen) इंडोनेशिया मास्टर्स 2022 स्पर्धेच्या (Indonesia Masters 2022) क्वार्टर फायनलमध्ये आव्हान संपुष्टात आलय. तीन गेमपर्यंत रंगलेल्या सामन्यात तैवानच्या चो-टिएन-चेनने (Chou Tien-chen) लक्ष्यचा पराभव केला. एक तास दोन मिनिटं हा सामना चालला. जागतिक क्रमवारीत 9 व्या स्थानावर असलेल्या लक्ष्य सेनला चांगली सुरुवात मिळाली नाही. 32 वर्षाच्या चो-टिएन-चेनने आघाडी घेतली होती. चो-टिएन-चेनकडे 11-9 अशी आघाडी होती. सेनने पहिला गेम 16-21 असा गमावला.
सेनने दुसऱ्या गेमवर वर्चस्व गाजवलं
वर्ल्ड चॅम्पियनशिपमध्ये ब्राँझ मेडल मिळवणाऱ्या लक्ष्य सेनने दुसऱ्या गेमवर वर्चस्व गाजवलं. 11-5 अशी मोठी आघाडी त्याने घेतली होती. 21-12 अशा मोठ्या फरकाने लक्ष्य सेनने दुसरा गेम घेतला. त्याने तैवानच्या प्रतिस्पर्ध्याला फार संधी दिली नाही. त्यानंतर सामना तिसऱ्या गेममध्ये पोहोचला.
Indonesia Masters 2022: Lakshya Sen loses to Chou Tien-chen in QF
Read @ANI Story | https://t.co/WYoN91p1Y0#LakshyaSen #IndonesiaMasters #Badminton pic.twitter.com/wEckOTWPV2
— ANI Digital (@ani_digital) June 10, 2022
पुनरामगन करु शकला नाही
तिसऱ्या निर्णायक गेममध्ये चो-टिएन-चेनने 3-0 अशी आघाडी घेतली. टिएन-चेनने ही आघाडी पुढे 11-5 अशी वाढवली. लक्ष्य सामन्यात पुनरामगन करु शकला नाही. त्याने तिसरा गेम 14-21 असा गमावला.
