MI vs LSG, IPL 2026 : हे खपवून घेणार नाही, तू प्रोफेशनल.. बुमराहची ती चूक पाहून सुनिल गावसकरना राग अनावर

आयपीएल 2026 चा (IPL) हा सीझन मुंबई इंडियन्स संघासाठी काही खास नाहीये आणि त्यांच्या प्रमुख गोलंदाजांपैकी एक असलेल्या जसप्रीत बुमराहसाठी तर काहीच सुरळीत चाललेलं नाहीये. काही महिन्यांपूर्वीपर्यंत अगदी अचूक गोलंदाजी करून भेदक मारा करणारा हा वेगवान गोलंदाज आता मुंबई इंडियन्ससाठी चमकदार कामगिरी तर करू शकतच नाहीये, आणि त्याला विकेट्स मिळण्यातही अडचणी येत आहेत. एवढंच नव्हे तर आणखी एक गोष्ट बुमराहसाठी त्रासदायक ठरत्ये ती म्हणजे, IPL 2026 मध्ये त्याने टाकलेल्या नो-बॉल्सची संख्या.

या 32 वर्षीय गोलंदाजाने IPL 2026 मध्ये आत्तापर्यंत एकूण 8 नो-बॉल्स टाकले आहेत 8.. आणि त्यापैकी 3 नो-बॉल्स तर काल, म्हणजेच सोमवारी लखनऊ सुपर जायंट्सविरुद्धच्या सामन्यात टाकले. मात्र बुमराहची ही कामगिरी, भारताचे माजी कर्णधार सुनील गावसकर यांना अजिबात आवडलेली नाही. विशेषतः जेव्हा बुमराहने लखनऊविरुद्धच्या सामन्यात गोलंदाजी करताना 14व्या षटकात दोन नो-बॉल्स टाकले. ते पाहून गावस्कर त्यांची निराशा लपवू शकले नाहीत, ते अतिशय वैतागले होते आणि त्यांनी थेट ऑन-एअर आपली नाराजी स्पष्टपणे व्यक्त केली.

हे खपवून घेतलं जाणार नाही

टी20 क्रिकेटमध्ये नो-बॉल टाकणे अजिबात खपवून घेण्यासारखं नाही नाही आणि व्यावसायिक खेळाडूंनी अधिक शिस्त दाखवायला हवी, असं गावसकर म्हणावे. खरंतर काल लखनऊ विरुद्ध मुंबई असा सामना सुरू असताना, 14 व्या षटकात बॉलिंग करताना बुमरहाने तिसऱ्या चेंडूवर हिमत सिंगला बाद केलं होते, पण दुर्दैवाने तो चेंडू नो-बॉल ठरला. आणि त्यानंतर याच फलंदाजाने य चुकीचा चांगलाच फायदा उठवला आणि दमदार बॅटिंग करून 40 धावा करत लखनऊचा स्कोर 220 च्या पुढे नेला.

बुमरहाचे नो-बॉल पाहून गावसकर प्रचंड संतापले होते. त्यावेळी ते कॉमेंटरी करत होते, पण बुमराहचा खेळ, त्याचे नोबॉल्स पाहून त्यांना राग अनावर झाला. ” हे अजिबात खपवून घेतलं जाणार नाही, हे चालणार नाही. तू एक प्रोफेशन क्रिकेटपटू आहेस ना.. वाईड चेंडू टाकला तर मी समजू शकतो, पण नो-बॉल टाकणं हे अगदी चुकीचं आहे आणि हे खपवून घेतलं जाणार नाही.” अशा शब्दांत गावसकर यांनी त्यांची नाराजी अगदी उघडपणे व्यक्त करत बुमराहवर टीका केली.

बुमराहला एकही विकेट नाही

विशेष म्हणजे, काल लखनऊविरुद्धच्या सामन्यात जसप्रीत बुमराहला एकही विकेट मिळाली नाही. त्याने 4 षटकांत तब्बल 45 धावा दिल्या. IPL 2026 मध्ये त्याने आत्तापर्यंत, 10 सामन्यांत फक्त 3 विकेट्स घेतल्या आहेत, ही त्याच्या IPL कारकिर्दीतील सर्वात खराब कामगिरींपैकी आहे.

कालच्या सामन्याबद्दल सांगायचं झालं तर, मुंबईने टॉस जिंकून प्रथम गोलंदाजी करण्याचा निर्णय घेतला. लखनऊने 20 षटकांत 5 गडी गमावून 228 असा मोठा स्कोर उभारला. त्यामध्ये निकोलस पूरन (63), मिचेल मार्श (44), हिमत सिंग (40) आणि एडन मार्क्रम (31 नाबाद*) यांचा मोठा वाटा होता.

त्यानंतर धावांचा पाठलाग करण्यास मैदानाता उतरलेल्या मुंबई इंडियन्सने 6 गडी राखून हे टार्गेट गाठत विजय मिळवला. रोहित शर्माचा 84 धावा आणि रायन रिकेल्टनच्या 83 धावांच्या शानदार खेळीमुळे मुंबई इंडियन्सने अखेर पराभवाची साकळी तोडत विजयी झेंडा फडकावला.