चल निघ… ईशान आणि झीशानमध्ये जुंफली! मैदानावरील ‘त्या’ कृत्याने चाहतेही संताप, नेमकं काय घडलं?
सध्या सोशल मीडियावर एक व्हिडीओ व्हायरल होताना दिसत आहे. या व्हिडीओमध्ये ईशानची विकेट घेताच झीशान अन्सारीचा संयम सुटल्याचे दिसत आहे. आता दोघांमध्ये नेमकं काय घडलं चला जाणून घेऊया...
इंडियन प्रीमियर लीग (IPL) 2026 ची सुरुवात होण्यापूर्वी सर्व संघ जोरदार तयारीत आहेत. सनरायझर्स हैदराबाद (SRH) संघही सराव सामन्यांद्वारे आपली रणनीती अंतिम करत आहे. मात्र, नियमित कर्णधार पॅट कमिन्स दुखापतीमुळे अद्याप संघात दाखल झालेला नाही. त्यामुळे सुरुवातीचे काही सामने तो खेळू शकणार नाही. या काळात संघाची कमान डावखुरा फलंदाज ईशान किशन याच्याकडे सोपवण्यात आली आहे.
ईशान किशन आणि झीशान अन्सारी यांच्यातील रंजक प्रसंग
शनिवारी झालेल्या इंट्रा-स्क्वॉड सराव सामन्यात एक रोमांचक आणि थोडासा तणावपूर्ण क्षण पाहायला मिळाला. ईशान किशन आणि लेगस्पिनर झीशान अन्सारी यांच्यातील सामना सोशल मीडियावर व्हायरल झाला आहे. एका षटकात ईशानने झीशानवर हल्ला चढवला आणि तब्बल २० धावा केल्या. मात्र, झीशानने कमाल पुनरागमन करत त्या षटकाच्या शेवटच्या चेंडूवर ईशानला बाद केले.
🚨 BIG FIGHT IN SRH PRACTICE MATCH !🤯
SRH captain Ishan Kishan scored 20 runs in one over against leg-spinner Zeeshan, but on the last ball of the over, Zeeshan dismissed him. After taking the wicket, Zeeshan pointed his finger at Ishan Kishan, which led to an argument between… pic.twitter.com/W9eLDOVyVB
— lndian Sports Netwrk (@IS_Netwrk29) March 21, 2026
विकेट घेताच झीशानने उत्साहात जल्लोष साजरा केला. त्याने ईशानकडे बोट दाखवत ‘चल निघ येथून’ अशा प्रकारे संकेत केला, ज्यामुळे दोघांमध्ये थोडी शाब्दिक चकमक झाली. ईशान काही क्षण थांबला, पण नंतर हसत-खिदळत पॅव्हेलियनकडे परतला. हा प्रकार गंभीर वाद नसून खेळातील स्पर्धात्मक जोश आणि मैदानी भावना असल्याचे स्पष्ट झाले. चाहत्यांनीही लक्षात घेतले की, ईशान हसतमुखाने परतला, त्यामुळे संघात कोणताही मोठा तणाव नाही.
मागील हंगामातील SRH ची निराशाजनक कामगिरी
IPL 2025 मध्ये सनरायझर्स हैदराबादला अपेक्षित यश मिळाले नाही. १४ पैकी फक्त ६ सामने जिंकता आले, तर ७ सामन्यांत पराभव स्वीकारावा लागला. अभिषेक शर्मा आणि ट्रॅव्हिस हेड हे फलंदाज अपेक्षेप्रमाणे चमकू शकले नाहीत. संघासाठी हेनरिक क्लासेन हाच एकटाच सातत्याने चांगली कामगिरी करत होता. त्याने १४ सामन्यांत ४८७ धावा केल्या, स्ट्राइक रेट १७२ चा होता. आता SRH संघ IPL 2026 मध्ये नव्या जोमाने उतरणार असून, संघाची पहिली लढत २८ मार्च रोजी रॉयल चॅलेंजर्स बंगळुरूविरुद्ध एम. चिन्नास्वामी स्टेडियममध्ये होणार आहे. ईशान किशनच्या नेतृत्वाखाली आणि सरावातील या जोशील्या प्रसंगांमुळे ऑरेंज आर्मीला चांगली सुरुवात मिळेल का, हे पाहणे उत्सुकतेचे ठरेल.
सनरायझर्स हैदराबादच्या संघात कोण कोण?
पॅट कमिन्स (कर्णधार), ट्रॅव्हिस हेड, अभिषेक शर्मा, अनिकेत वर्मा, आर स्मरण, इशान किशन, हेनरिक क्लासेन, नितीश कुमार रेड्डी, हर्ष दुबे, कामेंदू मेंडिस, हर्षल पटेल, ब्रायडन कार्स, जयदेव उनाडकट, इशान मलिंगा, झीशान अन्सारी, शिवांग कुमार, सलील अरोरा, साकिब हुसेन, ओंकार तारमाले, अमित कुमार, प्रफुल्ल हिंगे, क्रेन्स फुलेत्रा, लियाम लिव्हिंगस्टोन, शिवम मावी, जॅक एडवर्ड्स.
