Pro Kabaddi League PKL 2021-22: एक-एक पॉईंट जोडत बुल्सची तमिळ थलायवाजवर मात

बेंगळुरु: बेंगळुरु बुल्सने प्रो कबड्डी लीग स्पर्धेत पहिल्या विजयाची नोंद केली आहे. त्यांनी तमिळ थलायवाजला 38-30 अशा आठ गुणांच्या फरकाने पराभूत केले. (Tamil Thalaivas vs Bengaluru Bulls) बेंगळुरुचा स्टार पवन कुमारने आज नावाला साजेशी कामगिरी केली. त्याने नऊ पॉईंटस मिळवले. पण बेंगळुरुने सांघिक कामगिरीच्या बळावर हा सामना जिंकला.

दुसऱ्या हाफमध्ये अगदी एक-एक गुण मिळवत बेंगळुरुने आघाडी वाढवली. मोक्याच्या क्षणी कुठलीही चूक न करता रेड आणि टॅकलमध्ये सरस कामगिरी केली. बेंगळुरुने रेडमध्ये 19 तर टॅकलमध्ये 14 पॉईंट मिळवले. थलायवाजने रेडमध्ये 15 आणि टॅकलमध्ये 12 गुण मिळवले. रेड इतकीच पकडही या सामन्यात महत्त्वपूर्ण ठरली.

पहिला हाफ बेंगळुरु बुल्सकडे पहिल्या हाफमध्ये सहा पॉईंटसची आघाडी होती. बेंगळुरुचे 19 तर तमिळ थलायवाजचे 13 पॉईंट झाले होते. बेंगळुरुचा स्टार पवन कुमार आज चांगल्या फॉर्ममध्ये दिसत होता. त्याने सहा रेडमध्ये सहा गुण मिळवले. तमिळ थलायवाजने रेडमध्ये 8 आणि टॅकलमध्ये पाच पॉईंट मिळवलेत. बेंगळुरु बुल्सने रेडमध्ये 10 आणि टॅकलमध्ये 7 पॉईंट घेतलेत.

संबंधित बातम्या: Pro Kabaddi League PKL 2021-22: मुंबईचा अभिषेक निष्प्रभ, नवीनच्या बळावर दिल्लीचा विजय ‘तुस्सी जा रहे हो… तुस्सी ना जाओ’ Harbhajan Singhच्या निवृत्तीनंतर चाहते भावूक, Social Mediaवर ढसाढसा रडले! ’83’ चित्रपट पाहिल्यानंतर माझ्या डोळ्यात पाणी होतं – रवी शास्त्री