पाकिस्तानचं नाक कापलं! या दिग्गज खेळाडूचे भयंकर कांड समोर; आयसीसीने थेट रिपोर्टच पाठवला!
पाकिस्तानचा दिग्गद क्रिकेटर ड्रग्ज टेस्टमध्ये पॉझिटिव्ह आला आहे. तसा रिपोर्ट आयसीसीने पीसीबी बोर्डाला दिला आहे. त्यामुळे आता नेमके काय होणार, याकडे संपूर्ण जगाचे लक्ष लागले आहे.
Mohammad Nawaz : पाकिस्तानी क्रिकेटर मोहम्मद नवाज आता एका वेगळ्याच संकटात सापडला आहे. मोहम्मद नवाज टी-20 विश्वचषक स्पर्धेत पाकिस्तानी संघाचा भाग होता. याच विश्वचषकादरम्यान त्याची केलेली ड्रग्ज टेस्ट पॉझिटिव्ह आली आहे. आयसीसीने त्याबाबतची माहिती आता पाकिस्तानी क्रिकेट बोर्डाला दिली आहे. त्यामुळे आता मोहम्मद नवाज चांगलाच अडचणीत सापडला आहे. नवाज ड्रग्ज डेस्टमध्ये पॉझिटिव्ह आल्याने आता पाकिस्तानी क्रिकेट संघाविषयीच अनेक प्रश्न निर्माण झाले आहेत.
नेमकं प्रकरण काय? काय घडलं?
मिळालेल्या माहितीनुसार आयसीसीने मोहम्मद नवाजची ड्रग्ज टेस्ट केली होती. ही टेस्ट पॉझिटिव्ह आली आहे. त्यामुळे याबाबतचा रिपोर्ट आयसीसीने पाकिस्तानी क्रिकेट बोर्टाला पाठवला आहे. आता या प्रकरणाची पीसीबी चौकशी करणार आहे. मोहम्मद नवाजवर अचानक हे संकट आल्याने आता तो इंग्लंडमध्ये होणाऱ्या टी-20 ब्लास्ट स्पर्धेत सहभागी होऊ शकणार नाही.
ड्रग्ज टेस्ट कधी केली होती?
या वर्षाच्या फेब्रुवारी-मार्च महिन्यात आयसीसी टी-20 विश्वचषक स्पर्धेचे आयोजन करण्यात आले होते. या स्पर्धेत पाकिस्तानी संघानेदेखील सहभाग घेतला होता. पाकिस्तानचे सर्व सामने श्रीलंकेत खेळवले जेले गोते. या स्पर्धेत मोहम्मद नवाज याने फक्त 15 धावा केल्या होत्या. तसेच गोलंदाजी करताना 7 बळी घेतले होते. दुसरीकडे 26 मे ते 18 जुलै या काळात टी-20 ब्लास्ट ही स्पर्धा होणार आहे. या स्पर्धेत मोहम्मद नवाजला एनओसी प्रमाणपत्र देण्यात आले होते. म्हणजेच आमचा त्याच्यावर कोणताही आक्षेप नाही, असे पीसीबीने म्हटले होते. असे असतानाच आयसीसीने त्याची ड्रग्ज टेस्ट पॉझिटिव्ह आल्याचेस सांगितल्याने क्रिकेट विश्वात खळबळ उडाली आहे. आता पुढे नेमके काय होणार? याकडे सर्वांचे लक्ष लागले आहे.
