Uttarakhand Chamoli Glacier burst | रिषभ पंतचं सामाजिक भान, चेन्नई कसोटीचं मानधन उत्तराखंड दुर्घटनाग्रस्तांना

चेन्नई : उत्तराखंडमध्ये काल 7 फेब्रुवारीला दुर्देवी घटना घडली. उत्तराखंडाकतील जोशीमठ तालुक्यात मोठा हिमकडा कोसळल्याने धौली गंगा नदीला महापूर आला. या पाण्याच्या मोठ्या प्रवाहामध्ये अनेक जण वाहून गेली. काही मृत्यूमुखी पडले. तर काही अजूनही बेपत्ता आहे. या घटनेमुळे अनेक जणांचे नुकसान झाले. या दुर्घटनाग्रस्त लोकांसाठी टीम इंडियाचा क्रिकेटपटू रिषभ पंतने मोठा निर्णय घेतला आहे. चेन्नईमध्ये सुरु असलेल्या इंग्लंड विरुद्धच्या पहिले कसोटीचे मानधन या दुर्घटनाग्रस्तांसाठी देणार असल्याची घोषणा पंतने केली आहे. त्याने ट्विट करत याबाबतची माहिती दिली आहे. (uttarakhand chamoli glacier burst rishabh pant announce to donate match fee for the rescue efforts)

पंतने केलेले ट्विट

Deeply pained by the loss of life in Uttarakhand. Would like to donate my match fee for the rescue efforts and would urge more people to help out.

— Rishabh Pant (@RishabhPant17) February 7, 2021

ट्विटमध्ये काय म्हटलंय?

“उत्तराखंडातील या दुर्घटनेमुळे मी अत्यंत दुखी आहे. यामुळे मी चेन्नई कसोटी सामन्याचे मानधन बचाव कार्यासाठी आणि स्थानिक जनतेसाठी मदत म्हणून देत आहे”, असं पंतने आपल्या ट्विटमध्ये म्हटलं आहे. पंत स्थानिक क्रिकेट दिल्लीसाठी खेळतो. पण तो मुळचा उत्तराखंडचा आहे. या घटनेमुळे पंतला अधिक वेदना झाल्या आहेत. तसेच पंतने यामध्ये मृत्यूमुखी पडलेल्यांबाबत संवेदना व्यक्त केली.

मृतांच्या कुटुंबियांना 4 लाखांची मदत : मुख्यमंत्री त्रिवेंद्र सिंह

या दुर्देवी घटनेत ज्यांचा मृत्यू झाला त्यांच्या कुटुंबियांना 4 लाखांची आर्थिक मदत देणार असल्याची घोषणा मुख्यमंत्री त्रिवेंद्र सिंह यांनी केली. दरम्यान पंतप्रधान नरेंद्र मोदी, गृहमंत्री अमित शाह यांनी दोन वेळा फोन करत घटनेची चौकशी केली. तसेच बिहार, गुजरात आणि इतर राज्यांच्या मुख्यमंत्र्यांनाही फोनद्वारे या घटनेची माहिती घेत संवेदना व्यक्त केली.

पंतची शानदार खेळी

पंतने इंग्ंलंड विरुद्धच्या पहिल्या कसोटीतील पहिल्या डावात फलंदाजी करताना 91 धावांची खेळी केली. पंत आणि पुजाराने पाचव्या विकेटसाठी 119 धावांची भागीदारी केली. या भागीदारीमुळे टीम इंडियाचा डाव सावरला. पंतकडे शतक लगावण्याची सुवर्णसंधी होती. पण फटकेबाजीच्या नादात पंत 91 धावांवर बाद झाला. त्याने या खेळीत 9 फोर आणि 5 उत्तुंग षटकार खेचले.

संबंधित बातम्या :

Uttarakhand Chamoli Glacier burst : तपोवन बोगद्यात बचावकार्य थांबवले, 10 जणांचे मृतदेह हाती

Photo : महाभयंकर! उत्तराखंडमध्ये हिमकडा कोसळला, पाहा फोटो

VIDEO| Uttarakhand Joshimath Dam : उत्तराखंडमध्ये जलविद्युत प्रकल्पावरचं धरण फुटलं; गंगा किनाऱ्यांवरील गावांना सतर्कतेचा इशारा

(uttarakhand chamoli glacier burst rishabh pant announce to donate match fee for the rescue efforts)