फोटो एडिटची नको चिंता, Google AI मुळे Photo ला लागणार चार चांद

Google Photos AI Editing : कॅमेरा किंचित हलला, कमी प्रकाशात फोटो काढला, तर त्या फोटोचा दर्जा, गुणवत्ता कमी असेल. पण हा फोटो आता डिलिट करण्याची गरज नाही. तुम्हाला फोटो सुधारता येईल. त्यासाठी प्रोफेशनल एडिटिंग स्किल्सची गरज नाही. गुगल फोटो ॲपवर कृत्रिम बुद्धिमत्तेच्या (AI) आधारे एकदम क्लासिक फोटो एडिट करता येईल. तुमचा फोटो मोफत चकाचक होईल. यापूर्वी फोटो एडिट करण्यासाठी गुगल एआय शुल्क आकारत होते. पण आता ही सेवा निःशुल्क आहे.

एप्रिलमध्ये गुगल एआयची हवा

गुगलने एआय फोटो एडिटिंग टुल्स या वर्षी एप्रिल महिन्यात आणले होते. यापूर्वी त्याचा वापर करण्यासाठी सब्सक्रिप्शनची गरज होती. पण आता युझर्स त्याचा मोफत वापर करु शकतील. अर्थात अँड्रॉईड आणि iOS वर एआय फोटो एडिटिंगसाठी अजून थोडा कालावधी लागू शकतो. लवकरच ही सुविधा उपलब्ध होईल.

गुगल फोटो एआय एडिटिंग फीचर्स

गुगलच्या फोटो एडिटिंग टुल्समध्ये मॅजिक एडिटर, मॅजिक इरेजर, फोटो अनब्लर आणि पोर्टरेट लाईट फीचर्स येतात. जेनरेटिव्ह एआय, मॅजिक एडिटरच्या मदतीने तुम्ही अगदी खराब फोटो पण सहज चांगला होऊ शकतो. सब्जेक्ट रीपोझिशन करणे असो वा रंग संगती करण्याची सुविधा या फीचरमुळे मिळेल.

फोटो सुधारण्यासाठी AI

गुगल फोटो एआय एडिटिंग टुल्सचा वापर करणे अत्यंत सोपे आहे. एआयच्या मदतीने फोटो एडिट करणे सोपे आहे. एआयच्या मदतीने तुम्ही फोटो अजून चांगला करु शकता. एआयने दुरुस्त केलेला फोटो तुम्हाला आवडला नसेल तर तुम्ही फाईन ट्यून रिझल्टचा पर्याय निवडू शकता. फोटो एडिटिंग टुल्समध्ये पोर्टरेट लाईट आणि फोटो अनब्लर, स्लाईड इंटेंसिटी ॲडजस्ट करण्याचे फीचर आहे.

या डिव्हाईसवर Google Magic Editor

यापूर्वी मॅजिक एडिटर केवळ पिक्सल 8 स्मार्टफोनसाठी होता. पण आता ते सर्वांसाठी उपलब्ध करुन देण्यात आले आहे. गुगल फोटो युझर्स दर महिन्याला 10 मॅजिक एडिटर फोटो सेव्ह करता येतात. मॅजिक इरेजर फीचरच्या मदतीने फोटोतील अनावश्यक बाबी बाजूला करु शकतात. सध्या गुगल एआय फोटो एडिटिंग तुम्ही अँड्राईड 8.0 वा iOS 15 वा कमीत कमी 3GB रॅम डिव्हाईस असणे आवश्यक आहे.