Google Photos अनलिमिटेड स्टोरेज ऑप्शन बंद, युजर्सकडे आता कोणते पर्याय, फोटो कुठे साठवून ठेवणार?

आता गुगल फोटोज वापरण्यासाठी पैसे द्यावे लागणार आहेत. कंपनीने त्यांच्या सर्व युजर्सना याबाबत एक अधिकृत मेल पाठवला आहे,

Google Photos

अक्षय चोरगे, टीव्ही 9 मराठी डिजीटल टीम | Edited By: Anish Bendre | Updated on: May 09, 2021 | 10:05 AM

मुंबई : गूगल फोटोज (Google Photos) हा सध्या इंटरनेटवरील सर्वोत्कृष्ट फोटो स्टोरेज प्लॅटफॉर्म आहे. याचे एक कारण ते आहे की, हा प्लॅटफॉर्म आपल्याला हाय क्वालिटीमध्ये अनलिमिटेड आणि मोफत स्टोरेजचा पर्याय देतो. याचा अर्थ असा की आपल्या Android फोनवरून आपण उच्च प्रतीचे फोटो (हाय क्वालिटी) आणि व्हिडिओ थेट अपलोड करू शकता आणि तेही अनलिमिटेड. परंतु ही ऑफर केवळ या महिन्याच्या अखेपर्यंतच आहे. कारण आता कोणताही युजर या प्लॅटफॉर्मचा मोफत वापर करु शकणार नाही. गुगल अकाऊंटमध्ये युजर्सना केवळ 15 जीबी मोफत स्टोरेजचा पर्याय देण्यात आला आहे. परंतु आता युजर्सना यासाठी पैसे मोजावे लागणार आहेत.

गुगल फोटोज वापरण्यासाठी पैसे द्यावे लागणार आहेत. कंपनीने त्यांच्या सर्व युजर्सना सहा महिन्यांपूर्वी याबाबत एक मेलदेखील पाठवला होता, कंपनीने पाठवलेल्या मेलमध्ये म्हटलं होतं की, तुम्ही गुगल फोटोज अॅपमध्ये अपलोड केलेले कोणतेही फोटो तुमच्या अकाऊंटसोबत दिलेल्या 15 जीबी स्टोरेज स्पेसमध्ये काऊंट होतील. (Google Photos unlimited storage offer ends, here some better options were you can store Photos)

मेलमध्ये पुढे नमूद केलं आहे की, 1 जून 2021 पासून हाय क्वालिटीमध्ये सेव्ह करण्यात आलेले सर्व नवे फोटो आणि व्हिडीओज गुगल अकाऊंटसह मिळणाऱ्या 15GB स्टोरेज स्पेस किंवा तुम्ही खरेदी केलेल्या अॅडिशनल स्टोरेज स्पेसमध्ये काऊंट केले जातील. कंपनीने गुगलच्या अन्य सर्व्हिसेस जसे की गुगल ड्राईव्ह आणि जीमेलप्रमाणे गुगल फोटोज स्पेसदेखील काऊंट करण्याचा निर्णय घेतला आहे. त्यामुळे गुगलची गेल्या अनेक वर्षांपासून सुरु असलेली अनलिमिटेड स्टोरेज ऑफर 31 मे 2021 पासून अस्तित्वात नसेल.

दरम्यान, आता अनेक युजर्सना प्रश्न पडला आहे की, फोटोज, व्हिडीओज किंवा इतर फाईल्स साठवून ठेवण्यासाठी गुगल फोटोजव्यतिरिक्त अजून कोणते पर्याय आहेत. त्यामुळे आज आम्ही तुम्हाला अशाच काही पर्यायांबद्दलची माहिती देणार आहोत.

गुगल फोटोजना पर्याय कोणता?

iCloud (आयक्लाऊड)

तुम्ही आयफोन युजर्स असाल तर तुम्ही iCloud स्टोरेजचा वापर करु शकता. यामध्ये युजर्सना 5 जीबी स्टोरेज स्पेस मिळते. परंतु यानंतर तुम्हाला 50 जीबी स्टोरेजसाठी 0.99 डॉलर आणि 200 जीबी स्टोरेजसाठी 2.99 डॉलर इतकी रक्कम मोजावी लागेल.