WhatsApp वर Meta AI वापरून फोटो कसे तयार करायचे? जाणून घ्या ‘ही’ सोपी पद्धत

मेटाने अधिकृतपणे व्हॉट्सॲपवर त्यांचा मेटा एआय चॅटबॉट सादर केला आहे. त्यामुळे आजकाल प्रत्येकजण आर्टिफिशियल इंटेलिजेंसच्या मदतीने त्यांच्या इमॅजिनेशनला फोटोंमध्ये रूपांतरित करत आहे. आतापर्यंत यासाठी तुम्हाला वेगवेगळ्या एआय वेबसाइट्स किंवा ॲप्सची मदत घ्यावी लागायची. पण आता मेटाने तुम्हाला व्हॉट्सॲपवरच ही सुविधा उपलब्ध करून दिली आहे. तुम्ही फक्त व्हॉट्सॲपवरच मेसेज पाठवून फोटो तयार करू शकता. येथे आम्ही तुम्हाला व्हॉट्सॲपवर मेटा एआय वापरून फोटो कसा तयार करायचा आणि त्याच्या स्टेप्स काय आहेत ते जाणून घेऊयात…

मेटा एआय म्हणजे काय?

मेटा एआय ही फेसबुक, इंस्टाग्राम आणि व्हॉट्सॲपची मूळ कंपनी असलेल्या मेटा या कंपनीची एक स्मार्ट आर्टिफिशियल इंटेलिजेंस असिस्टंट आहे. टेक्स्ट, प्रश्न आणि उत्तरे, रिअल-टाइम माहिती देण्याव्यतिरिक्त, ते इमेज जनरेशनचा पर्याय देखील प्रदान करते. आता तुम्ही मेटा एआय कडून व्हॉट्सॲपवर काही सेकंदात तुमच्या आवडीचा कोणताही फोटो मिळवू शकता.

WhatsApp वर Meta AI वापरून फोटो कसे तयार करायचे

यासाठी तुमचे व्हॉट्सॲप अपडेट केलेले आहे याची खात्री करा. यानंतर, मेटा एआय चॅट उघडा, चॅट लिस्टमध्ये मेटा एआय नावाचे एक वेगळे चॅट दिसेल.

जर ते दिसत नसेल, तर WhatsApp च्या सर्च बारमध्ये Meta AI टाइप करा. आता तुम्ही फोटो तयार करण्यासाठी Meta AI ला सामान्य मजकूर कमांड पाठवू शकता.

जसे की तुम्ही असे प्रॉम्प्ट देऊ शकता – कल्पना करा की एक मांजर आकाशात फुगे घेऊन उडत आहे. जर तुम्हाला असे चित्र हवे असेल तर फुग्यांसह आकाशात उडणाऱ्या मांजरीचे चित्र. असा मजकूर कमांड मेटा एआयला पाठवा. मेटा एआय तुम्ही काय लिहिले आहे ते समजून घेईल आणि त्यानुसार एक चित्र तयार करेल.

तुम्ही मेसेज पाठवताच, काही सेकंदात मेटा एआय तुम्हाला एआय जनरेटेड इमेज तयार करेल आणि पाठवेल. तुम्ही ती इमेज सेव्ह करू शकता आणि शेअर देखील करू शकता.

तुम्ही कोणत्या प्रकारचे फोटो काढू शकता?

मेटा एआय तुम्हाला विविध प्रकारचे फोटो तयार करू देते, ज्यामध्ये रियलिस्टिक मानसांचे फोटो, कार्टून किंवा अॅनिमेटेड इमेज, कल्पनारम्य आणि भविष्यकालीन दृश्ये, प्राणी, निसर्ग, शहरे आणि रोबोट यांचा समावेश आहे. तर अशा पद्धतीने मेटाच्या मदतीने तुम्हाला फोटो तयार करून मिळतील.