‘हा’ गेमिंग स्मार्टफोन लवकरच भारतात होणार लाँच, BGMI साठी मिळणार 90fpsचा सपोर्ट

इन्फिनिक्स कंपनीने त्यांचा नवीन स्मार्टफोन Infinix GT 30 5G+ लवकरच भारतात लाँच होणार आहे. Transsion Holdingsची उपकंपनीने गुरुवारी या आगामी 5G फोनचा पहिला अधिकृत टीझर शेअर केला. टीझरमध्ये फोनच्या डिझाइन आणि उपलब्धतेबद्दल माहिती सांगण्यात आली आहे. यात सायबर मेका डिझाइन 2.0 असेल आणि हा नवीन गेमिंग स्मार्टफोन लाँच नंतर फ्लिपकार्टवर विक्रीसाठी उपलब्ध असेल याची पुष्टी झाली आहे. हा गेमिंग-सेंटर्ड स्मार्टफोन मीडियाटेक डायमेन्सिटी 7400 चिपसेट आणि 8GB रॅमसह येऊ शकतो.

इन्फिनिक्स जीटी 30 5जी+ भारतात लाँचची माहिती

इन्फिनिक्सने एका प्रेस रिलीजद्वारे भारतात इन्फिनिक्स जीटी 30 5जी+ च्या आगामी लाँचची अधिकृत घोषणा केली आहे. तथापि लाँचची नेमकी तारीख अद्याप निश्चित झालेली नाही. टीझर इमेजमध्ये फोन हिरव्या रंगात आणि सायबर मेका डिझाइन 2.0 दाखवण्यात आला आहे, जो इन्फिनिक्स जीटी 30 प्रो 5जी सारखाच आहे. फोनच्या मागील पॅनलमध्ये कस्टमाइझ करण्यायोग्य पांढऱ्या एलईडी लाइटिंगचा समावेश आहे.

Infinix GT 30 Pro 5G प्रमाणे, GT 30 5G+ मध्ये GT शोल्डर ट्रिगर्स देखील असतील, जे कन्सोलसारखे नियंत्रणे देण्यासाठी डिझाइन केलेले आहेत. KRAFTON कडून BGMI साठी 90fps प्रमाणपत्र मिळाल्याचा दावा केला जात आहे.

Infinix GT 30 5G+ हा स्मार्टफोन फ्लिपकार्ट द्वारे विक्रीसाठी उपलब्ध करून दिला जाणार आहे. Infinix आणि Flipkart या दोघांनीही त्यांच्या वेबसाइटवर एक मायक्रोसाइट तयार केली आहे, जिथे लाँचिंगची घोषणा “The Game Starts With You” या टॅगलाइनने करण्यात आली आहे.

Infinix GT 30 5G+ ला कंपनीच्या अधिकृत वेबसाइटवर यापूर्वीच लिस्ट करण्यात आले होते, जे त्याच्या लवकरच लाँच होण्याचे संकेत देत होते. तर हा स्मार्टफोन GT 30 Pro पेक्षा स्वस्त किंमतीत लाँच होण्याची शक्यता आहे. यात MediaTek Dimensity 7400 चिपसेट, 8GB RAM आणि 256GB पर्यंत अंतर्गत स्टोरेज असण्याची अपेक्षा आहे. हा फोन 45W वायर्ड फास्ट चार्जिंगला सपोर्ट करू शकतो.

या ब्रँडने जूनमध्ये भारतात Infinix GT 30 Pro 5G लाँच केले होते, ज्याचा 8GB RAM + 256GB स्टोरेज व्हेरिएंट 24,999 रुपयांच्या सुरुवातीच्या किमतीत सादर केला होता. यात 144Hz रिफ्रेश रेट आणि 1.5K रिझोल्यूशन सपोर्टसह 6.78-इंचाचा AMOLED डिस्प्ले आहे. हा फोन MediaTek Dimensity 8350 Ultimate चिपसेटवर चालतो आणि 45W फास्ट चार्जिंगला सपोर्ट करणारी 5,500mAh बॅटरी पॅक करतो. यात 108MP प्रायमरी सेन्सर आणि 8MP अल्ट्रा-वाइड शूटरसह ड्युअल रिअर कॅमेरा युनिट आहे.