चार्जिंगचा वेळ वाचणार, हा स्मार्टफोन 10 मिनिटांपेक्षा कमी वेळेत होतोय फुल चार्ज, जाणून घ्या!
तुम्हाला कोणाला स्मार्ट फोन गिफ्ट करायचा असेल तर थोडं थांबा. कारण काही दिवसातच तुम्हाला फास्ट चार्जिंग सपोर्टवाला स्मार्ट फोन तुम्हाला खरेदी करता येणार आहे.
मुंबई : जर तुम्ही नवीन स्मार्ट फोन घ्यायचा विचार करत असाल किंवा तुम्हाला कोणाला स्मार्ट फोन गिफ्ट करायचा असेल तर थोडं थांबा. कारण काही दिवसातच तुम्हाला फास्ट चार्जिंग सपोर्टवाला स्मार्ट फोन तुम्हाला खरेदी करता येणार आहे. रियलमी लवकरच फ्लॅगशिप मॉडलची विक्री भारतात सुरू करू शकते.
रिअलमीने मोबाईल वर्ल्ड काँग्रेस (MWC) 2023 मध्ये त्याचे फ्लॅगशिप मॉडल, Realme GT3 चे अनावरण केले आहे. या मोबाईलचे खास वैशिष्ट्य सांगायचं झालं तर हा मोबाईल 240W फास्ट चार्जिंगला सपोर्ट करते.
Realme ने तीन ॲडव्हान्स चार्जिंग चीपसेट समाविष्ट केले आहेत. कंपनीने दावा केला आहे की, GT3 ची 4600mAH बॅटरी फक्त 9 मिनिटे 30 सेकंदात पूर्णपणे चार्ज होऊ शकते, जे मागील 17 मिनिटांच्या रेकॉर्डला मागे टाकत आहे.
टिपस्टरने केलेल्या ट्विटनुसार, Realme GT3 240W जून महिन्यात बाजारात विक्रीसाठी उपलब्ध होणार आहे. तसंच Realme GT3 240W ला TDRA आणि BIS प्रमाणपत्र मिळत असल्याचं समजलं. त्यामुळे लवकरच जागतिक स्तरावर या स्मार्ट फोनची विक्री सुरू होण्याची शक्यता आहे. आता या फोनमध्ये कोणते फीचर्स मिळतील याबाबत आपण जाणून घेऊयात.
Realme GT3 240W will get its first sale from 12th june in global markets region specific..
GT3 was announced in feb 2023 at MWC#Realme #RealmeGT3
— Paras Guglani (@passionategeekz) June 5, 2023
दरम्यान, Realme GT3 240W Android 13 आणि Realme UI 4.0 सह लोड केला जाणार आहे. यात 144Hz रिफ्रेश रेट आणि 360Hz टच सॅम्पलिं रेटसोबत 6.74 इंच 1.5K AMOLED डिस्प्ले मिळणार आहे. या मोबाईलमध्ये तुम्हाला ट्रिपल कॅमेरा सेटअप मिळेल.
