Nothing Phone (1) : नथिंग फोनच्या (1) लॉंचच्या पहिलेच समोर आले ‘स्पेसिफिकेशन्स ‘ आणि ‘कॅमेरा सेटअप’…
भारतात नथिंग फोन (1) लवकरच ग्राहकांच्या हाती येणार आहे. परंतु, लाँच करण्यापूर्वीच या स्मार्टफोनची वैशिष्ट्ये आणि कॅमेरा सेटअपची चर्चा सुरू झाली आहे.
मुंबई : भारतात नथिंग फोन (1) लाँच होण्यापूर्वीच या स्मार्टफोनची वैशिष्ट्ये (Features of the smartphone) आणि कॅमेरा सेटअप समोर आले आहेत. नथिंग नावाचा या ब्रँडचा पहिला स्मार्टफोन आहे. कंपनीने आधीच घोषीत केले आहे की ती या वर्षाच्या उन्हाळ्यात हा फोन मार्केटमध्ये विकेल. याआधी कंपनीने नथिंग ओएस लाँचर रिलीज केले आहे. एकेकाळी वनप्लसचे सह-संस्थापक असलेले कार्ल पेई (Carl Pei) यांनी आता नंथिंग सुरू केले आहे. नंथिंग तर्फे लवकरच बाजारपेठेत नवा फोन लॉंच होत आहे. परंतु, त्याची काही वैशिष्टये आधीच खुली झाल्याची चर्चा मोबाईल मार्केटमध्ये (In the mobile market) रंगली आहे. परंतु, प्रत्यक्षात एका ट्विटर यूजरने काही स्पेसिफिकेशन्स पोस्ट केले आहेत आणि नथिंगच्य येणाऱया फोनचे हे स्पेसिफिकेशन्स असल्याचे सांगितले आहेत. कंपनीने आधीच सांगितले आहे की ते या वर्षाच्या उन्हाळ्यात आपला फोन बाजारात आणतील. हा फोन केवळ फ्लिपकार्टवर विक्रीसाठी उपलब्ध असेल, तर OnePlus फोन Amazon वर विक्रीसाठी उपलब्ध आहे.
नथिंग फोन (1) चे संभाव्य तपशील
91 मोबाईल्सने अनव्हेरीफाईड ट्विटर युजर्सचा हवाला देऊन नथिंग फोन 1 चे संभाव्य तपशील दिले आहेत. ट्विटनुसार, या फोनमध्ये 6.43-इंचाचा फुल एचडी प्लस डिस्प्ले दिला जाईल. तर 90Hz चा रिफ्रेश दर आणि AMOLED डिस्प्ले उपलब्ध असेल. यात HDR 10 Plus चा सपोर्ट मिळेल. यामध्ये स्नॅपड्रॅगन 778G प्रोसेसर दिला जाईल.
नथिंग फोनचा संभाव्य कॅमेरा सेटअप
नथिंग फोन (1) च्या कॅमेरा सेटअपबद्दल सांगायचे तर, याच्या मागील पॅनलवर ट्रिपल कॅमेरा सेटअप असेल. यामध्ये प्रायमरी कॅमेरा 50 मेगापिक्सल्सचा असेल, तर सेकंडरी कॅमेरा 8 मेगापिक्सल्सचा आणि तिसरा कॅमेरा 2 मेगापिक्सल्सचा असेल. यामध्ये 32-मेगापिक्सलचा सेल्फी कॅमेरा दिसू शकतो. मात्र, या फीचर्सची कंपनीने अद्याप पडताळणी केलेली नाही.
वायरलेस चार्जिंग सपोर्ट
या फोनमध्ये 4500 mAh बॅटरी असेल, जी फास्ट वायर चार्जिंग आणि वायरलेस चार्जिंगला सपोर्ट करेल. वायरलेस चार्जिंगसाठी येत असताना, हा प्रीमियम कॅटेगरीचा स्मार्टफोन असेल अशी माहिती आहे.
