World Cup 2023 | बॅट आणि बॉलच नाही, हे तंत्रज्ञान पण दिमतीला, विश्वचषकाचा आनंद लूटा

नवी दिल्ली | 19 नोव्हेंबर 2023 : भारत आणि क्रिकेट प्रेमींसाठी आजचा दिवस सर्वात खास आहे. 19 नोव्हेंबर रोजी भारत आणि ऑस्ट्रेलिया सामना सुरु झाला आहे. भारताचे तीन फलंदाज तंबूत परतले आहे. त्यामुळे अहमदाबाद येथील नरेंद्र मोदी स्टेडियमवर काही काळ चिंतेचे वातावरण पसरले आहे. हा सामना अनेक जण टीव्हीवरच नाही तर मोबाईल, लॅपटॉप वा इतर कोणत्याही डिजिटल स्क्रीनवर पाहत असतील. स्टेडियमवरील घाडमोड त्यांना पाहता येते. फलंदाज, गोलंदाज, क्षेत्ररक्षक यांच्यासोबतच प्रेक्षकांचा सळसळता उत्साह बाहेरील चाहत्यांना अनुभवता येतो. ते या सर्व घडामोडींचे साक्षीदार होतात. पण काही खास तंत्रज्ञानाच्या मदतीने चाहत्यांना हा सामना याची देहि, याची डोळा अनुभवता येतो. कोणते आहे हे खास तंत्रज्ञान…

1. स्मार्ट बॉल टेक्नॉलॉजी – क्रिकेट विश्वचषक 2023 मधील सामन्यात स्मार्ट बॉल टेक्नॉलॉजीचा वापर करण्यात येतो. यामुळे चेंडूची गती आणि त्याची फिरकी, तो किती स्विंग होत याची माहिती मिळते. यामुळे टीमला आणखी चांगली कामगिरी बजावता येते. हे तंत्रज्ञान 2019/2020 मध्ये पहिल्यांदा आले.
2. स्पीड गनचा वापर – स्मार्ट बॉल तंत्रज्ञानाशिवाय स्पीड गन्सचा वापर करण्यात येतो. हे प्रगत तंत्रज्ञान गोलंदाजाने टाकलेल्या चेंडूची गती मोजते. स्क्रीनवरील स्कोअर पट्टीवर याविषयीच्या नोंदी दिसून येतात.
3. AR आणि VR तंत्रज्ञान – चाहत्यांचा सहभाग वाढविण्यासाठी एआर आणि व्हीआर या तंत्रज्ञानाचा वापर करण्यात येतो. व्हर्च्युअल रिएलिटी आणि ऑग्युमेंटेडे रिएलिटी याचा वापर करण्यात येतो. यामध्ये प्रिव्ह्यू, रिव्ह्यू, फलंदाज आणि गोलंदाज यांची एक्शन तंत्रज्ञानाआधारे विश्लेषण करण्यात येते.
4. Snicko -Snickometer – ही एक खास प्रणाली आहे. त्याचा मोठा फायदा क्रिकेट जगतात होतो. मायक्रोफोनमधून येणारा आवाज हे डिव्हाईस रेकॉर्ड करते. त्यामुळे थर्ड अंपायरला निकाल, निर्णय देताना मोठी मदत मिळते.
5. स्पाईडर कॅम अथवा बर्ड आय व्ह्यू – टीव्ही, मोबाईल, टॅब, लॅपटॉप आणि इतर डिव्हाईसवर सामना विविध कोनातून अनुभवता यावा यसाठी स्पाईडर कॅमेऱ्याची मदत होते. बर्ड आय व्ह्यू चा पण वापर होतो.
6. एलईडी स्टम्प आणि बेल्स – चेंडूने अथवा यष्टीरक्षक हातच लावताच LED Stumps आणि Bails मधील लाईट लागलीच लागतो. या एलईडी स्टम्प आणि बेल्सची किंमत 40,000 ते 50,000 अमेरिकन डॉलर यांच्या दरम्यान असते. भारतीय चलनात त्याची किंमत जवळपास 32-41 लाखांदरम्यान आहे.