Viral Video : रागात आलेल्या बेडकाने गिळून टाकला नाग, व्हिडीओ पाहताच व्हाल थक्क!

सोशल मीडियावर नेहमीच काही ना काही व्हायरल होत असते. कधी कोणता व्हिडीओ लोकांना हसवणारा असतो, तर कधी कोणता व्हिडीओ लोकांना भावनिक करतो. पण काही वेळा असे व्हिडीओ समोर येतात, ज्यावर विश्वास ठेवणे कठीण होते. सध्या असाच एक व्हिडीओ सोशल मीडियावर धुमाकूळ घालत आहे. हा व्हिडीओ पाहिल्यानंतर तुम्ही देखील थक्क व्हाल. साधारणपणे तुम्ही पाहिले असेल की, साप लहान प्राण्यांची शिकार करून त्यांना खातात, ज्यामध्ये बेडूकही असतात. पण तुम्ही कधी बेडकाला सापाची शिकार करताना पाहिले आहे का? होय, या व्हिडीओमध्ये असाच आश्चर्यकारक नजारा पाहायला मिळतो.

नेमकं काय घडलं?

व्हिडीओमध्ये तुम्ही पाहू शकता की, बेडकाने सापाला अर्धवट गिळले आहे आणि सापाचा अर्धा भाग बेडकाच्या तोंडातून बाहेर दिसत आहे. आश्चर्याची गोष्ट म्हणजे सापाच्या तोंडाचा भाग बेडकाच्या पोटात आहे, तर शेपटीचा भाग बाहेर आहे. आणि त्याहूनही आश्चर्याची बाब म्हणजे बेडकाने सापाला जिवंत गिळले आहे, कारण साप धडपडत आहे आणि बेडकाच्या तोंडातून बाहेर येण्याचा प्रयत्न करत आहे. पण बेडकाची पकड इतकी मजबूत आहे की, साप बाहेर येऊच शकत नाही. हा अनोखा नजारा कॅमेऱ्यात रेकॉर्ड करणारी व्यक्तीही हे पाहून थक्क झाली आहे. बेडकाने सापाला गिळले आहे.

वाचा: रस्त्यावर जेवण, पांढरे कपडे; सुपरस्टार रजनीकांत यांनी सुरु केली आध्यात्मिक यात्रा

Green Frog 🐸 Eating Snake 🐍 pic.twitter.com/OkldbIvgfU

— Himanshu Rana (@amsamraat) July 9, 2025

बेडकाने गिळला साप

हा आश्चर्यकारक व्हिडीओ सोशल मीडिया प्लॅटफॉर्म एक्स (ट्विटर) वर @TheeDarkCircle या आयडीवरून शेअर करण्यात आला आहे. अवघ्या 29 सेकंदांच्या या व्हिडीओला हजारो वेळा पाहिले गेले आहे, तर शेकडो लोकांनी हा व्हिडीओ लाइक केला आहे आणि विविध प्रकारच्या प्रतिक्रिया दिल्या आहेत. व्हिडीओ पाहून काहींनी या घटनेला ‘भयानक’ म्हटले आहे, तर काहींनी ‘अविश्वसनीय’ असे म्हटले आहे. एका युजरने कमेंट करत लिहिले आहे, “निसर्गाचे खेळ अनोखे आहेत, इथे शिकार आणि शिकारी यांची व्याख्या कधीही बदलू शकते.” तर दुसऱ्या एका युजरने मजेशीरपणे लिहिले आहे, “असे वाटते की या बेडकानेही जिम जॉइन केली आहे.” अनेक युजर्सना हे पाहून आश्चर्य वाटले आहे की, एक छोटा आणि कमकुवत दिसणारा प्राणी कसा काय ताकदवान शिकारीला मात देऊ शकतो.