UK Prime Minister : ब्रिटनच्या पंतप्रधानांच्या निवासस्थानाबाहेर शूज, चप्पलांचा ढीग, कारण काय? आनंद महिंद्रांनी फोटो शेअर करत सांगितलं…
त्यात लंडनमधील 10 डाऊनिंग स्ट्रीट येथील पंतप्रधान निवासस्थानाबाहेर (Prime Minister Of UK) शूज आणि चप्पल दिसत आहेत. भारतातील एखाद्या राजकारण्याच्या घरी पोहोचणारे समर्थक नेहमीप्रमाणे आदरासाठी बूट आणि चप्पल काढून घरी जातात, तसाच हा नजारा आहे.
ब्रिटन : ट्विटरवर आपल्या पोस्टमुळे चर्चेत असलेले भारतीय उद्योगपती आनंद महिंद्रा (Anand Mahindra Tweet) आपल्या नव्या ट्विटमुळे चर्चेत आहेत. खरं तर त्यांनी पुन्हा एकदा ब्रिटनच्या पंतप्रधान निवासस्थान 10 डाउनिंग स्ट्रीट (10 Downing Street) चा एक फोटो पोस्ट केला आहे, जो आता व्हायरल झाला आहे. भारतीय उद्योगपती आनंद महिंद्रा सोशल मीडियावर खूप सक्रिय असतात. महिंद्रा ग्रुपचे चेअरमन आणि पद्म पुरस्कार विजेते दररोज अप्रतिम फोटो ट्विट करून चर्चेत राहतात. यावेळी त्यांनी एक फोटोशॉप केलेला फोटो पोस्ट केला आहे. त्यात लंडनमधील 10 डाऊनिंग स्ट्रीट येथील पंतप्रधान निवासस्थानाबाहेर (Prime Minister Of UK) शूज आणि चप्पल दिसत आहेत. भारतातील एखाद्या राजकारण्याच्या घरी पोहोचणारे समर्थक नेहमीप्रमाणे आदरासाठी बूट आणि चप्पल काढून घरी जातात, तसाच हा नजारा आहे.
आनंद महिंद्रा यांचे ट्विट
? Brit-Indian humour has gone into overdrive with Shri Sunak in the final shortlist of two. Of course the real test lies ahead with the larger mass of party faithful. pic.twitter.com/77LoOSqtJi
— anand mahindra (@anandmahindra) July 21, 2022
असे ट्विट करण्याचे कारण काय?
वास्तविक भारतीय वंशाचे नेते ऋषी सुनक हे ब्रिटनमध्ये पंतप्रधानपदाच्या शर्यतीत पुढे जात आहेत. त्यावर आनंद महिंद्रा यांचे असे देसी ट्विट सुरू आहेत. या पोस्टच्या कॅप्शनमध्ये त्यांनी ऋषी सुनक यांना पंतप्रधान म्हणून निवडण्याच्या प्रक्रियेत शेवटच्या दोन यादीत निवडल्याबद्दलही नमूद केले आहे. आनंद महिंद्रा यांनी पुढे लिहिले की निःसंशयपणे ही खरी परीक्षा आहे आणि निष्ठावंत पक्षासोबत प्रचंड गर्दी आहे, असा तो ट्विटचा अर्थ आहे.
आनंद महिंद्रा यांचं काही दिवसांपूर्वीचं ट्विट
The future of 10 Downing Street? The famed British humour is now laced with Desi humour…? pic.twitter.com/rjkYPhWDGX
— anand mahindra (@anandmahindra) July 12, 2022
या ट्विटचा अर्थ काय?
अलीकडेच आनंद महिंद्रा यांनी एका ट्विटमध्ये लंडनमधील पंतप्रधानांच्या निवासस्थानी भारतीय परंपरेनुसार ग्रहप्रवेशाची तयारी दर्शविली. त्या चित्रात 10-डाउनिंग स्ट्रीट (10, डाउनिंग स्ट्रीट) येथील ब्रिटिश पंतप्रधानांच्या निवासस्थानाच्या गेटवर वाळलेल्या आंब्याच्या पानांचा तोरण किंवा हार लटकलेला दिसत होता. याशिवाय दरवाज्याजवळील खिडक्यांवर गणपतीचा फोटो लावण्यात आला होता. इतकंच नाही तर दरवाजाच्या दोन्ही बाजूला शुभमंगल लिहिलेलं आहे. या फोटोच्या कॅप्शनमध्ये आनंद महिंद्रा यांनी लिहिले की, ’10-डाउनिंग स्ट्रीटचे भविष्य’. त्यांनी ऋषी सुनक हे पंतप्रधान झाल्यावर या ठिकाणची परिस्थिती काय असेल याचा अंदाज लावला आहे.
