Video | नातवाने प्रॉपर्टी मागितली, आजी म्हणते प्रेम पाहिजे की पैसा, मजेदार भांडणाचा व्हिडीओ व्हायरल
या व्हिडीओमध्ये एक आजीबाई आणि तिच्या नातवासोबतचे गोड भांडण दाखवण्यात आले आहे. हा व्हिडीओ पाहून लोकांनी विविध प्रतिक्रिया व्यक्त केल्या आहेत.
मुंबई : सोशल मीडियावर कधी काय व्हायरल होईल हे सांगता येत नाही. सध्या तर एक अतिशय मजेदार व्हिडीओ व्हायरल होत आहे. या व्हिडीओमध्ये एक आजीबाई आणि तिच्या नातवासोबतचे गोड भांडण दाखवण्यात आले आहे. हा व्हिडीओ पाहून लोकांनी विविध प्रतिक्रिया व्यक्त केल्या आहेत. (funny quarrel between grandson and grandmother video went viral on social media)
आजी आणि नातवाचे गोड भांडण
व्हिडीओमध्ये एक मुलगा आपल्या आजीसोबत मजेदार पद्धतीने भांडत आहे. घरातील वृद्ध सदस्य आणि तरुण मुलांमध्ये अशा प्रकारचे भांडण रोजच होत असतात. सध्या अशाच प्रकारचे भांडण या दोघांमध्ये सुरु आहे. व्हिडीओमध्ये एका मुलाने आपल्या आजीसोबत भांडताना मोबाईलचा कॅमेरा सुरु केला आहे. माझ्या मित्राच्या आजीने तिचे घर नातवाच्या नावावर केले आहे. आपण तर भाड्याच्या घरात राहतो, अशी तक्रार मुलाने आपल्या आजीकडे केली आहे. या तक्रारीनंतर आजीने त्याला अगदीच समर्पक उत्तर दिले आहे.
प्रेम महत्त्वाचं की पैसा ?
घर आणि प्रेम महत्त्वाचं की पैसा ?, असा प्रश्न आजीने तिच्या नातवाला म्हणजेच व्हिडीओ रेकॉर्ड करत असलेल्या मुलाला केला आहे. प्रेम आहे तर सगळं आहे. तुझी आजी तुझ्याजवळ आहे, यापेक्षा तुला काय पाहिजे. असं उत्तर आजीने तिच्या नातवाला दिले आहे.
पाहा व्हिडीओ :
प्रेम महत्वाचं बेटा..!#viral #ViralVideo pic.twitter.com/ea16hC25nW
— prajwal dhage (@prajwaldhage100) August 13, 2021
व्हिडीओ सोशल मीडियावर व्हायरल
आजीच्या या समर्पक उत्तरामुळे नेटकरी खूश झाले आहेत. आजीच्या या विचारांनी सगळे प्रभावित झाले असून जगात पैसाच सगळं काही नसतं, असं अनेक नेटकऱ्यांनी म्हटलंय. हा व्हिडीओ सोशल मीडियावर मोठ्या प्रमाणात व्हायरल होत आहे. हा व्हिडीओ कुठला आहे याची नेमकी माहिती मिळू शकलेली नाही, मात्र, त्याला ट्विटर अकाऊंटवर शेअर करण्यात आले आहे.
इतर बातम्या :
(funny quarrel between grandson and grandmother video went viral on social media)
