खाकी वर्दीचे असेही रूप, म्हाताऱ्या महिलेला प्रेमाने भरवला घास, फोटो व्हायरल

सध्या एक फोटो सोशल मीडियावर व्हायरल होत आहे. या फोटमध्ये एक पोलीस म्हाताऱ्या महिलेला आत्मियतेने घास भरवताना दिसतोय. (police feeding women viral photo)

police feeding women viral photo

Prajwal Dhage | Updated on: Jun 01, 2021 | 5:08 PM

मुंबई : समोर पोलीस पाहिल्यानंतर बहुतांश लोक घाबरतात. पोलीस जवळ येताच आता आपले काही खरे नाही, असे प्रत्येकालाच वाटते. नियम मोडले म्हणून पोलिसांनी दिलेला मार, त्यांनी घेतलेली ताठर भूमिका यामळे अनेकांचा तसा समज आहे. मात्र, सध्या असा एक प्रसंग समोर आला आहे, ज्यामुळे लोकांचे वरील सर्व समज दूर होतील. सध्या एक फोटो सोशल मीडियावर व्हायरल होत आहे. या फोटमध्ये एक पोलीस म्हाताऱ्या महिलेला आत्मियतेने घास भरवताना दिसतोय. (Police feeding women photo goes viral on social media)

फोटो पाहून अनेकांनी सॅल्यूट ठोकला

सोशल मीडियावर रोज लाखो फोटो अपलोड केले जातात. यामध्ये काही फोटो आनंद शेअर करणारे असतात. तर काही फोटोंना पाहून आपल्याला भरून येते. सध्या अशाच प्रकारचा एक फोटो सोशल मीडियावर व्हायरल होत आहे. या फोटोमध्ये एक पोलीस समोर बसलेल्या एका महिलेला प्रेमाणे घास भरवताना दिसतोय. या फोटोला पाहून नेटकरी पोलिसाचे कौतूक करत आहेत. या फोटोकडे पाहून अनेकांनी चांगल्याच प्रतिक्रिया दिल्या आहेत. फोटोतील पोलिसाचे समर्पण पाहून अनेकांनी त्यााल सॅल्यूट ठोकला आहे.

पाहा फोटो :

या फोटमध्ये एक पोलीस म्हाताऱ्या महिलेला आत्मियतेने घास भरवताना दिसतोय.

या फोटोला सोशल मीडियाच्या अनेक मंचावरुन मोठ्या प्रमाणात शेअर केले जात आहे. हा फोटो नक्की कुठला आहे, याबाबत निश्चित माहिती मिळू शकली नाही. मात्र, या फोटोला ट्विटवर अनेकांनी लाईक करुन आपल्या खात्यावर रिट्विट केलं आहे. सोबतच समर्पक कॅप्शनसुद्धा दिले आहे.

फोटो सोशल मीडियावर व्हायरल

सध्या व्हायरल होत असलेला हा फोटो ‘Rinku Hooda’ नावाच्या एका युजरे ट्विटरवर शेअर केला आहे. त्यासोबत त्यांनी ‘पोलिसांचा एक असाही चेहरा असतो’ असे समर्पक कॅप्शन दिले आहे. या फोटोला आतापर्यंत 6 हजार पेक्षा जास्त लोकांनी लाईक केले आहे. काही लोकांनी या फोटोला पाहिल्यानंतर मजेदार कमेंट्स केल्या आहेत.