Video: … आणि बघता बघता वादळात झाड मुळासकट कोसळून पडलं

मुंबई : तौक्ते चक्रीवादळाने महाराष्ट्राचं मोठं नुकसान केलंय. त्यात कोकणाला याचा सर्वाधिक मोठा फटका बसलाय. हे नुकसान दाखवणारे अनेक व्हिडीओ देखील सध्या सोशल मीडियावर व्हायरल होत आहेत. यातून या चक्रीवादळाचं रौद्र रुप पाहता येतंय. आता आणखी एक व्हिडीओ समोर येतोय. यात मालवणी बोलणारे हे नागरिक चक्रीवादळाच्या तडाख्यात घराशेजारील झाड पडताना बोलताना दिसत आहेत. त्यांचं झाड पडणार की नाही हे बोलणं सुरु असतानाच अचानक हे झाड अक्षरशः मुळासकट उन्मळून पडतं (Video of Malvan Kokan in which big tree collapse due to Tauktae Cyclone).

Video: कोकणात चक्रीवादळाने मोठं नुकसान केलंय. त्याचं हे एक उदाहरण…#Kokan #CycloneTaukte #TaukteCyclone #Cyclone pic.twitter.com/aLYfwszxls

— Pravin Sindhu ??✊ (@PravinSindhu) May 19, 2021

वादळ सुरु झाल्यानंतर अगदी सरळ उभं असलेलं हे झाड पडेल असं व्हिडीओ पाहणाऱ्या कुणालाही वाटत नाही. मात्र, व्हिडीओतील नागरिक यावर चर्चा करताना दिसतात. एक आजीबाई पुढे होऊन झाडाकडे जाऊ लागतात तेव्हा एकजण त्यांना पुढे जाण्यापासून रोखतो. वाऱ्याचा वेग कसा असेल आणि झाड केव्हा पडू शकेल अशा गप्पा मारत असतानाच हे महाकाय झाड वादळाच्या एका हिंदोळ्यासह मुळासकट उन्मळून पडतं. यानंतर आजूबाजूचे नागरिक एकच आरडाओरड करतात.

हे झाड कोसळल्यानंतर एक महिला झाडाखाली आपला लाकडाचा माच (खाट किंवा पलंग) मोडल्याचं म्हणत काहीशी तक्रार करते. मात्र, इतर लोक जाऊ द्या सोडून द्या म्हणत महिलेची समजूत काढतात आणि हसतात. या व्हिडीओत कोसळलेलं झाड पाहून वाऱ्याच्या वेगाचा अंदाज येऊ शकतो. अशाच प्रकारे कोकणात अनेक ठिकाणी हेच चित्र पाहायला मिळालंय. यातील काही मोजक्याच घटना व्हिडीओच्या स्वरुपात पाहायला मिळतात. अशा अनेक घटना आहेत ज्यांची तीव्रता यापेक्षा अधिक आहे केवळ त्या व्हिडीओत कैद झालेल्या नाहीत.

हेही वाचा :

Weather update: तौक्ते चक्रीवादळाचा असाही फायदा, मान्सूनचा पाऊस वेळेआधीच महाराष्ट्रात धडकणार

INS कोची जहाजातून 184 जणांची सुटका, 6 मृतदेह हाती, अरबी समुद्रात रेस्क्यू ऑपररेशन सुरुच

महाराष्ट्रालाही ‘तौक्ते’चा फटका, मग पंतप्रधानांचा भेदभाव का?; राष्ट्रवादीचा सवाल

व्हिडीओ पाहा :

Video of Malvan Kokan in which big tree collapse due to Tauktae Cyclone