Diwali Offer : खरेदीवर एक कोंबडं आणि दारुची बाटली एकदम फ्री..दिवाळीला या शहरातील दुकानदाराची भन्नाट ऑफर

अमृतसर :  उत्पादन (Product) हातोहात विक्री व्हावे यासाठी दुकानदार (seller) काय काय शक्कल लढवतात. एकावर एक फ्री, सवलतीत वस्तू , हप्त्यावर वस्तू न्या, अशा अनेक ऑफर (Offer) देण्यात येतात. पण पंजाबमधील (Punjab) या पठ्याने मालाची विक्री होण्यासाठी ग्राहकांना जीवंत कोंबडं (Chicken)आणि त्याच्यासोबत एक दारुची बाटली (Liquor Bottle) मोफत देण्याची भन्नाट ऑफर सुरु केली. त्याला जोरदार प्रतिसाद मिळाला. आता तुम्हाला उत्सुकता असेल तो कोणत्या वस्तूची विक्री करत होता याची? नाही का?..

पंजाबमधील अमृतसर येथील मोबाईल दुकानदाराने ही भन्नाट ऑफर सुरु केली आहे. दिवाळीत मोबाईलची जोरात विक्री होण्यासाठी त्याने ही अनोखी ऑफर सुरु केली आहे.

मोबाईल खरेदी करणाऱ्या ग्राहकाला एक जीवंत कोंबडं आणि दारुची बाटली मोफत देण्याची ही ऑफर प्रचंड व्हायरल झाली. ग्राहकांनी या दुकानाकडे धाव घेतली. विशेष म्हणजे या ग्राहकांमध्ये पोलीस ही होते.

मोबाईल, जीवंत कोेबडं आणि दारुची बाटली सोबत घेऊन लोकांनी सेल्फी आणि फोटोही काढले. त्यामुळे या मोबाईल दुकानाची आयती जाहिरात झाली आणि लोकांची एकच झुबंड उडाली.

अमृतसरमधील हुसैनपुरा भागात ही मोबाईलची शॉपी आहे. या भागात मोबाईल दुकानदारांनी दिवाळीत ग्राहकांना आकर्षित करण्यासाठी अशा भन्नाट आयडिया लढवल्या आहेत. त्याआधारे ग्राहकांना दुकानात खरेदीसाठी आकर्षित करण्यात येत आहे.

या ऑफरची माहिती पडताच एक पोलिस कर्मचारी ही त्याच्या मित्रासह पोलिस गणवेशातच दुकानावर पोहचला. पोलिसाने या दुकानातून मोबाईल खरेदी केला. त्याला दुकानदाराने कबुल केल्याप्रमाणे एक कोबडं आणि दारुची बाटली मोफत दिली.

दरम्यान ज्या ग्राहकांनी ही ऑफर स्वीकारली. त्यांनी दुकानदार आणि इतर ग्राहकांसोबत फोटो काढले. त्यामुळे या दुकानाची आयती जाहिरात झाली. त्यामुळे दुकानावर आणखी गर्दी वाढली.