Ayodhya : शरयू आज उजळून निघणार, आयोध्येत गिनीज बुक ऑफ वर्ल्ड रेकॉर्ड रचणार..

आयोध्या : प्रभू श्रीरामाच्या (Shriram) पावन आयोध्या नगरीत आज इतिहास घडणार आहे. आयोध्या नव्या ऐतिहासिक क्षणांची साक्षीदार होणार आहे. आयोध्येत (Ayodhya) आज गिनीत बुक ऑफ वर्ल्ड रेकॉर्ड (Genius of World Record) रचल्या जाणार आहे. या ऐतिहासिक सोहळ्याला देश-विदेशातून अनेक पर्यटक दाखल झाले आहेत. देशाचे पंतप्रधान नरेंद्र मोदी (PM Narendra Modi) आणि उत्तर प्रदेशचे मुख्यमंत्री योगी आदित्यनाथ (CM Yogi Adityanath) हे ही या डोळ्याचे पारणे फेडणाऱ्या सोहळ्याचे साक्षीदार होतील.

दीपावलीच्या पावन प्रकाश पर्वात आयोध्येत दिव्यांची आरस लागणार आहे. आतापर्यंतचे दिवे लागणीचे सर्व रेकॉर्ड तुटणार आहेत. या प्रकाश पर्वात अवघी आयोध्या नगरी उजळून निघणार आहे. शरयू नदीचा घाट लक्ष लक्ष दिव्यांनी प्रकाशमय होणार आहे.

हा सोहळा मेगा इव्हेंटपेक्षा कमी नसेल. शरयूच्या घाटावर तब्बल 18 लाख दिवे लावण्याचा विक्रमी विक्रम करण्यात येणार आहे. गेल्यावर्षींपेक्षा कितीतरी दिवे प्रकाशाचे साक्षीदार होणार आहेत.

मुख्यमंत्री योगी आदित्यनाथ यांनी 2017 मध्ये आयोध्या दीपोत्सवाची सुरुवात केली. हा सहावा दीपोत्सव आहे. यंदा ही पंतप्रधान या सोहळ्याला हजेरी लावत आहे. त्यांचे या पुण्यभूमीत आगमन झालेले आहे. थोड्याच वेळात डोळ्याचे पारणे फेडणारा हा उत्सव अनुभवता येईल.

शरयूच्या घाटावर तब्बल 18 लाख दिवे नवा जागतिक विक्रम करतील. 40 मिलीलीटरचे हे दिवे असतील. त्यासाठी 3500 लीटर मोहरीचे तेल वापरण्यात येणार आहे.

या प्रकाशपर्वासाठी 22 हजार स्वयंसेवक प्रशासनाच्या दिमतीला असतील. हा सोहळा टिपण्यासाठी जगभरातील यात्रेकरु, प्रवाशी, पर्यटकांनी शरयू तीरावर अफाट गर्दी केलेली आहे. आपल्यालाही टीव्ही,इंटरनेटच्या माध्यमातून या ऐतिहासिक सोहळा डोळ्यात साठवता येणार आहे.