ITR Filing: टॅक्स रिटर्नची मुदत वाढवली, पण भरावा लागणार दंड?

नवी दिल्ली: आयकर विभागाने कर विभागाच्या संकेतस्थळावर सुरू असलेल्या गोंधळामुळे कर विवरणपत्र (Income Tax Filing) भरण्याची मुदत तीन महिन्यांनी वाढवण्याचा निर्णय नुकताच घेतला होता. आर्थिक वर्ष 2020-21 साठी कर परतावा भरण्याची अंतिम तारीख 30 सप्टेंबर होती. मात्र, ती 31 डिसेंबरपर्यंत वाढवण्यात आली आहे. त्यामुळे करदात्यांना मोठा दिलासा मिळाला होता. मात्र, डिसेंबरपर्यंत रिटर्न भरल्यास करदात्यांना या काळातील व्याज भरावे लागेल, अशी माहिती आता समोर आलीआहे.

मागील आर्थिक वर्षासाठी 1 एप्रिल 2021 पासून रिटर्न भरणे सुरू झाले. साधारणपणे, रिटर्न भरण्याची अंतिम मुदत 31 जुलै आहे. कोरोना आणि आयकर वेबसाइटच्या त्रुटींमुळे, आधी दोन महिन्यांनी ती वाढवून 30 सप्टेंबर करण्यात आली. पुन्हा एकदा ही मुदत तीन महिन्यांनी वाढवून 31 डिसेंबर 2021 पर्यंत करण्यात आली आहे. जो कोणी 31 जुलै नंतर कर देण्यास विलंब करतो त्याला व्याज भरावे लागेल.

कर भरण्यात कोणताही अडचण नाही

सीबीडीटीच्या अधिकाऱ्यांनी सांगितले की कराचा भरणा बँकिंग आणि नेट बँकिंगद्वारे केला जातो. ज्यामुळे कर रिटर्न भरण्याची तारीख वाढवण्यात आली आहे, ज्यामुळे तुम्हाला उशीरा रिटर्नचा दंड भरावा लागणार नाही. तथापि, करदात्याला 31 जुलैनंतर कर दायित्वाच्या देयकाच्या विलंबावर व्याज भरावे लागेल.

प्रत्येक महिन्याला एक टक्का व्याज

एक महिन्याचे व्याज कर दायित्वाच्या एक टक्का आहे. समजा एका करदात्याने 10 सप्टेंबर रोजी रिटर्न दाखल केले. या प्रकरणात, त्याला कर दायित्वाच्या 2% व्याज म्हणून भरावे लागेल. ऑगस्ट आणि सप्टेंबर महिन्यांसाठी हे व्याज 1-1 टक्के आहे. खरं तर, उद्योगातील भागधारक सरकारकडून मूल्यांकन वर्ष 2021-22 साठी व्याज दायित्वात शिथिलतेची मागणी करत होते. यानंतर, सीबीडीटीच्या वतीने निवेदन जारी करून स्पष्टीकरण देण्यात आले आहे.

इन्कम टॅक्स रिटर्न कसे भरावे?

– इन्कम टॅक्स रिटर्न भरण्यासाठी आधी तुम्हाला आयकर https://www.incometax.gov.in या अधिकृत पोर्टलवर जावे लागेल. तुमचा पॅन तपशील, पासवर्ड आणि कॅप्चा कोड प्रविष्ट केल्यानंतर ई-फाइलिंग पोर्टलवर लॉग इन करा.

– त्यानंतर ई-फाइल मेनूवर क्लिक करा आणि इन्कम टॅक्स रिटर्न लिंकवर क्लिक करा.

– आयकर रिटर्न पृष्ठावर पॅन ऑटो पॉप्युलेट होईल, येथे मूल्यांकन वर्ष निवडा, आता आयटीआर फॉर्म क्रमांक निवडा, आता तुम्हाला फायलिंग प्रकार निवडावा ज्यामध्ये मूळ / सुधारित रिटर्न निवडावे.

– यानंतर, आता सबमिशन मोड निवडा ज्यामध्ये ऑनलाईन तयारी आणि सबमिट निवडावे लागेल.

– नंतर Continue वर क्लिक करा. हे केल्यानंतर पोर्टलवर दिलेली मार्गदर्शक तत्वे वाचा. ऑनलाईन आयटीआर फॉर्ममध्ये रिक्त असलेल्या सर्व फिल्डमध्ये आपले तपशील भरा.

– यानंतर, पुन्हा कर आणि पडताळणी टॅबवर जा आणि तुमच्यानुसार सत्यापन पर्याय निवडा. पूर्वावलोकन आणि सबमिट बटणावर क्लिक करा, ITR मध्ये प्रविष्ट केलेला डेटा सत्यापित करा. शेवटी ITR सबमिट करा.

संबंधित बातम्या:

Gold Silver Rate Today : या आठवड्यात पहिल्यांदा सोन्याचा भाव वधारला, जाणून घ्या 10 ग्रॅम सोन्याचा दर

सीमकार्ड घेण्यापासून ते मोबाईल टॉवर लावणं आता सोपं, टेलिकॉम कंपन्यांसाठी केंद्राकडून मोठ्या पॅकेजची घोषणा

अवघ्या 1.9 लाखात घरी न्या Maruti Swift, झिरो डाऊनपेमेंटसह ‘इतक्या’ महिन्यांची वॉरंटी