Post Office : पोस्ट ऑफिसच्या या योजनेत जोरदार कमाई, इतके टक्के मिळेल व्याज?
Post Office : टपाल खात्याच्या या योजनेत तुम्हाला होईल तगडा फायदा..
नवी दिल्ली : टपाल खात्याच्या योजनेत तुम्हाला गुंतवणूक करायची असेल तर ही योजना तुम्हाला फायदा मिळवून देऊ शकते. केंद्र सरकारने (Central Government) जानेवारी ते मार्च महिन्यात काही अल्पबचत योजनांवरील (Small Saving Schemes) व्याजदरात (Interest Rate) वाढ केली आहे. यामध्ये किसान विकास पत्र (Kisan Vikas Patra) ही योजना खूप लोकप्रिय आहे. केंद्र सरकारने किसान विकास पत्रमधील गुंतवणुकीवरील व्याजदरात वाढ केली आहे. जर तुम्ही गुंतवणुकीचा विचार करत असाल तर ही संधी फायद्याची ठरेल.
सर्वसाधारणपणे पोस्ट खात्यातील गुंतवणूक सुरक्षित मानण्यात येते. त्यामुळे पारंपारिक गुंतवणूकदारांसह तरुणही पोस्ट खात्यातील अनेक अल्पबचत योजनांमध्ये गुंतवणूक करतात. किसान विकास पत्र ही योजना रक्कम दामदुप्पट करण्यासाठी ओळखल्या जाते.
गुंतवणूकदार जोखीम न घेता रक्कम दामदुप्पट करण्यासाठी या योजनेत गुंतवणूक करतात. या नवीन वर्षात केंद्र सरकारने गुंतवणूकदारांना मोठा दिलासा दिला. नवीन व्याज दरात केंद्र सरकारने वाढ केली. आता व्याजदर 7.0 टक्क्यांहून 7.2 टक्के झाला आहे.
या 1 जानेवारी 2023 रोजी पासून नवीन नियम लागू झाले आहे. त्यामुळे नवीन व्याजदर लागू झाले आहेत. कोणताही गुंतवणूकदार 1000 रुपये गुंतवणूक करुन या योजनेत खाते उघडू शकतो. योजनेत कमाल कितीही रक्कम गुंतविता येते. 18 वर्षांवरील कोणताही भारतीय नागरिक योजनेत खाते उघडू शकतो.
पोस्ट ऑफिस बचत योजनेतंर्गत विविध पर्याय उपलब्ध आहेत. बचत ठेव, आवर्ती ठेव, मुदत ठेव, मासिक योजना, बचत प्रमाणपत्रे इत्यादी. गुंतवणूकदार त्यांच्या आर्थिक उद्दिष्टांनुसार या पर्यायांमधून निवड करू शकतात. आता तर गुंतवणूकदारांना ऑनलाईनही अर्ज करता येतो.
पोस्ट ऑफिस बचत खाते रोखीनेच उघडता येते. ग्राहकांसाठी आता धनादेश आणि एटीएमची सुविधाही देण्यात येते. हे खाते एका पोस्ट ऑफिसमधून दुसऱ्या पोस्ट ऑफिसमध्ये हस्तांतरीत करता येते. बचत खात्यावर व्याजही मिळते.
