Baal Aadhaar Card : बाल आधार कार्डबाबत मोठी अपडेट, आता हे काम करणे अत्यावश्यक, शुल्काबाबतही झाला हा निर्णय

नवी दिल्ली : भारतीय विशिष्ट ओळख प्राधिकरणाने (UIDAI) नुकतीच बालकांच्या आधार कार्डविषयी नवीन मार्गदर्शक सूचना जारी केल्या आहेत. बाल आधार कार्डात (Baal Aadhaar Card) काही माहिती अद्ययावत करणे त्यामुळे अनिवार्य करण्यात आले आहे. आधार कार्ड अनेक ठिकाणी महत्वाचा दस्तावेज म्हणून वापरण्यात येतो. त्यामुळे हा बदल करणे सर्वांसाठी अनिवार्य असणार आहे.

UIDAI ने याविषयीच्या मार्गदर्शक सूचना नुकत्याच जारी केल्या आहेत. त्यानुसार,5 आणि 15 वर्षांच्या मुलांच्या बाल आधार कार्डमध्ये बायोमॅट्रिक (Biometric) माहिती अद्ययावत (Update) करणे अनिवार्य करण्यात आले आहे.

प्राधिकरणाने याविषयीचे एक ट्विट (UIDAI Tweet) करुन ही माहिती दिली आहे. त्यानुसार, 5-15 वर्षातील मुलांचे बायोमॅट्रिक तपशील अद्ययावत करणे अनिवार्य करण्यात आले आहे. ट्विट करुन प्राधिकरणाने यासंबंधीची सविस्तर माहिती दिली आहे.

#MandatoryBiometricUpdate#BaalAadhaar

Please note that there won’t be any change in your child’s #Aadhaar number after updating the biometrics.

To locate Aadhaar centers near you, click – https://t.co/TM0HQAFteK pic.twitter.com/aiK5bWhcmR

— Aadhaar (@UIDAI) November 21, 2022

विशेष म्हणजे ही प्रक्रिया पूर्ण करण्यासाठी कोणतेही शुल्क आकारणी करण्यात येणार नाही. ही माहिती अद्ययावत करण्यासाठी प्राधिकरणाने कोणतेही शुल्क ठेवले नाही. निःशुल्कपणे पालकांना बायोमॅट्रिक माहिती अपडेट करता येणार आहे.

ही माहिती अपडेट केल्यानंतर मुलांच्या आधार क्रमांकात कुठलाही बदल होणार नसल्याचे प्राधिकरणाने स्पष्ट केले आहे. बालकांचे बायोमॅट्रिक डाटा अपडेट करण्यासाठी जवळच्या आधार नोंदणी केंद्रावर पालकांना जावे लागेल.

बाल आधार कार्डासाठी ऑनलाईन प्रक्रिया करता येते. प्राधिकरणाच्या अधिकृत uidai.gov.in या संकेतस्थळावर जाऊन तुम्हाला नोंदणीचा पर्याय उपलब्ध होतो.

नोंदणी पर्यायावर क्लिक केल्यावर पालकांना बालकाचे नाव, पालकाचे नाव, मोबाईल क्रमांक आणि इतर बायोमॅट्रिक माहिती जमा करणे अनिवार्य करण्यात आले आहे.

त्यानंतर घराचा पत्ता, राज्य आणि इतर माहिती तपशीलवार भरणे अनिवार्य करण्यात आले आहे. तुम्ही भरलेली माहिती पुन्हा एकदा तपासून घ्या आणि त्यानंतर सबमिट करा. त्यानंतर तुम्हाला अपाईंटमेंटचा पर्याय दिसेल. त्यावर क्लिक करा.

नोंदणीनंतर एक अॅक्नॉलिजमेंट क्रमांक मिळेल. त्याआधारे तुमच्या नोंदणी प्रक्रियेची माहिती घेता येईल. त्यानंतर आधार कार्ड 60 दिवसांच्या आत नोंदणीकर्त्याच्या पत्त्यावर पाठविण्यात येईल.