अजित डोभाल यांना लोकमान्य टिळक राष्ट्रीय पुरस्कार प्रदान; अमित शाहांच्या हस्ते गौरव

पुण्यात आज लोकमान्य टिळक पुरस्कार सोहळा उत्साहात पार पडत आहे केंद्रीय गृहमंत्री अमित शाह यांच्या हस्ते राष्ट्रीय सुरक्षा सल्लागार अजित डोभाल यांना यंदाचा लोकमान्य टिळक पुरस्कार प्रदान करण्यात आला. या कार्यक्रमाला मुख्यमंत्री देवेंद्र फडणवीस, उपमुख्यमंत्री एकनाथ शिंदे, सुनेत्रा पवार यांच्यासह विविध क्षेत्रातील मान्यवर आणि पदाधिकारी उपस्थित होते.

पुरस्कार प्रदान केल्यानंतर मुख्यमंत्री देवेंद्र फडणवीस यांनी अजित डोभाल यांच्या कार्याचा गौरव केला. देशाच्या सुरक्षेसाठी त्यांनी दिलेले योगदान, समर्पण आणि रणनीतीकार म्हणून बजावलेली भूमिका याचा फडणवीस यांनी उल्लेख केला. देशहितासाठी सातत्याने काम करणाऱ्या डोभाल यांच्या कार्याचे त्यांनी कौतुक केले. त्यांच्या नेतृत्वातील महत्त्वाच्या कामगिरीचाही यावेळी संदर्भ देण्यात आला.

यावेळी देवेंद्र फडणवीस यांनी लोकमान्य बाळ गंगाधर टिळक यांनाही अभिवादन केले. स्वातंत्र्यलढ्यात टिळकांनी बजावलेल्या महत्त्वपूर्ण भूमिकेचा आणि त्यांच्या योगदानाचा त्यांनी उल्लेख केला. त्यामुळे पुरस्कार सोहळ्यात अजित डोभाल यांच्या कार्यासोबतच लोकमान्य टिळकांच्या विचारांना आणि देशासाठीच्या योगदानालाही उजाळा मिळाला.

पुण्यात पार पडत असलेल्या या कार्यक्रमाला राजकीय आणि सामाजिक क्षेत्रातील अनेक मान्यवर उपस्थित असल्याने सोहळ्याला विशेष महत्त्व प्राप्त झाले. या पुरस्कारामुळे डोभाल यांच्या दीर्घकाळच्या राष्ट्रीय सेवेला विशेष सन्मान मिळाला. या सोहळ्याला मोठी उपस्थिती लाभली.