अजित पवारांच्या अपघाताचा तपास आता खाजगी गुप्तहेर संस्था करणार?

अजित पवार यांच्या अपघाताचा तपास आता खाजगी गुप्तहेर संस्थेकडून होण्याची शक्यता आहे. आमदार रोहित पवार यांनी सरकारी तपास यंत्रणेवर संशय व्यक्त करत, हा अपघात नव्हे तर घातपात असल्याची शक्यता यापूर्वीच वर्तवली होती. यामुळे त्यांनी अजित पवार यांच्या अपघाताची चौकशी आता स्वतः खाजगी गुप्तहेर संस्थेकडून करून घेण्याचा निर्णय घेतला आहे.

या संदर्भात, रोहित पवार यांनी दिल्ली दौऱ्यावर असताना दोन खाजगी गुप्तहेर संस्थांच्या प्रमुखांची भेट घेतल्याची माहिती आहे. या भेटीदरम्यान त्यांनी अपघाताबाबतची सविस्तर माहिती या संस्थांना दिली. एका गुप्तहेर संस्थेला या अपघाताच्या तपासाचे काम लवकरच दिले जाणार आहे. सरकारी तपास यंत्रणेकडून या तपासात दिरंगाई होण्याची किंवा व्यवस्थित तपास न होण्याची शक्यता रोहित पवार यांनी व्यक्त केली होती. त्यामुळे, अपघाताच्या नेमक्या घटनाक्रमावर प्रकाश टाकण्यासाठी आणि सत्य समोर आणण्यासाठी खाजगी तपास आवश्यक असल्याचे त्यांचे मत आहे.