Akola : दुष्काळ आढावा बैठकीत अधिकारी मोबाईलमध्ये व्यस्त! कुणी WhatsApp, तर कुणी… प्रशासनाच्या संवेदनशीलतेवरच प्रश्नचिन्ह

अकोल्यामध्ये कृषी मंत्र्यांनी आयोजित केलेल्या दुष्काळ आढावा बैठकीत अधिकाऱ्यांच्या असंवेदनशीलतेचे चित्र समोर आले आहे. एकीकडे दुष्काळाने हैराण झालेल्या शेतकऱ्यांच्या समस्यांवर चर्चा सुरू असताना, अनेक अधिकारी मोबाईलमध्ये व्यस्त असलेले दिसून आले. काही अधिकारी व्हॉट्सॲप पाहत होते, तर काही फेसबुक लाईव्ह आणि इन्स्टाग्राम लाईव्ह तपासण्यात मग्न होते. यामुळे दुष्काळी परिस्थितीचे गांभीर्य प्रशासनाला आहे का, असा प्रश्न उपस्थित होत आहे.

गेल्या काही दिवसांपासून अमरावती आणि विदर्भात पावसाने ओढ दिल्याने शेतकरी हतबल झाले आहेत. पिके सुकायला लागली आहेत. अशा गंभीर परिस्थितीत ५६ तालुक्यांच्या दुष्काळ आढाव्यासाठी ही महत्त्वपूर्ण बैठक आयोजित करण्यात आली होती. मात्र, अधिकाऱ्यांच्या मोबाईलमधील व्यस्ततेने बैठकीच्या उद्दिष्टालाच हरताळ फासला आहे. यापूर्वी नांदेडमध्येही दुष्काळ आढावा बैठकीत लोकप्रतिनिधींसाठी काजू बदाम आणल्याचे चित्र समोर आले होते, ज्यामुळे प्रशासनाच्या संवेदनशी लतेबाबत पुन्हा एकदा चर्चा सुरू झाली आहे.